ਖੇਡ ਵਿਭਾਗ, ਚੰਡੀਗੜ੍ਹ ਪ੍ਰਸ਼ਾਸਨ ਪੁਰਸ਼ਾਂ ਅਤੇ ਮਹਿਲਾਵਾਂ ਲਈ ਆਲ ਇੰਡੀਆ ਸਿਵਲ ਸਰਵਿਸਿਜ਼ (ਏਆਈਸੀਐੱਸ/AICS) ਯੋਗ ਆਸਣ ਚੈਂਪੀਅਨਸ਼ਿਪ 2025-26 ਦਾ ਆਯੋਜਨ 17 ਤੋਂ 21 ਮਾਰਚ 2026 ਤੱਕ ਟੇਬਲ ਟੈਨਿਸ ਹਾਲ, ਸਪੋਰਟਸ ਕੰਪਲੈਕਸ, ਸੈਕਟਰ-23, ਚੰਡੀਗੜ੍ਹ ਵਿਖੇ ਸੈਂਟਰਲ ਸਿਵਲ ਸਰਵਿਸਿਜ਼ ਕਲਚਰਲ ਐਂਡ ਸਪੋਰਟਸ ਬੋਰਡ (ਸੀਸੀਐੱਸਸੀਐੱਸਬੀ/CCSCSB), ਨਵੀਂ ਦਿੱਲੀ ਦੀ ਸਰਪ੍ਰਸਤੀ ਵਿੱਚ ਕਰ ਰਿਹਾ ਹੈ।
ਇਸ ਚੈਂਪੀਅਨਸ਼ਿਪ ਵਿੱਚ ਦੇਸ਼ ਭਰ ਦੇ ਵਿਭਾਗ ਰਾਜ ਸਕੱਤਰੇਤਾਂ ਅਤੇ ਖੇਤਰੀ ਖੇਡ ਬੋਰਡਾਂ (ਆਰਐੱਸਬੀਜ਼/RSBs) ਤੋਂ ਲਗਭਗ 350 ਪ੍ਰਤੀਭਾਗੀ ਹਿੱਸਾ ਲੈ ਰਹੇ ਹਨ। ਇਸ ਸਮਾਗਮ ਦਾ ਉਦੇਸ਼ ਸਿਵਲ ਸੇਵਕਾਂ ਵਿੱਚ ਯੋਗ ਆਸਣ ਦੇ ਜ਼ਰੀਏ ਤੰਦਰੁਸਤੀ, ਅਨੁਸ਼ਾਸਨ ਅਤੇ ਪਰੰਪਰਾਗਤ ਕਦਰਾਂ-ਕੀਮਤਾਂ ਨੂੰ ਹੁਲਾਰਾ ਦੇਣਾ ਹੈ।
ਮੁੱਖ ਮਹਿਮਾਨ, ਸ਼੍ਰੀ ਗੁਰਜੰਟ ਸਿੰਘ, ਪੀਸੀਐੱਸ, ਹਾਕੀ ਵਿੱਚ ਦੋ ਵਾਰ ਦੇ ਓਲੰਪਿਕ ਕਾਂਸੀ ਮੈਡਲ ਜੇਤੂ ਅਤੇ ਏਸ਼ਿਆਈ ਖੇਡਾਂ ਦੇ ਗੋਲਡ ਮੈਡਲਿਸਟ, ਨੇ ਮਾਰਚ ਪਾਸਟ ਅਤੇ ਭਾਗ ਲੈਣ ਵਾਲੀਆਂ ਟੀਮਾਂ ਦੇ ਪਰੀਚੈ ਤੋਂ ਬਾਅਦ ਚੈਂਪੀਅਨਸ਼ਿਪ ਦਾ ਵਿਧੀਵਤ ਉਦਘਾਟਨ ਕੀਤਾ।
ਇਸ ਅਵਸਰ ‘ਤੇ ਹਾਜ਼ਰ ਹੋਰ ਪਤਵੰਤਿਆਂ ਵਿੱਚ ਡਾ. ਮਹੇਂਦਰ ਸਿੰਘ, ਜੁਆਇੰਟ ਡਾਇਰੈਕਟਰ ਸਪੋਰਟਸ, ਚੰਡੀਗੜ੍ਹ ਪ੍ਰਸ਼ਾਸਨ, ਸੁਸ਼੍ਰੀ ਨੀਵਾ ਸਿੰਘ, ਕਨਵੀਨਰ ਸੈਂਟਰਲ ਸਿਵਲ ਸਰਵਿਸਿਜ਼ ਕਲਚਰਲ ਐਂਡ ਸਪੋਰਟਸ ਬੋਰਡ (ਸੀਸੀਐੱਸਸੀਐੱਸਬੀ/CCSCSB), ਅਤੇ ਡਾ. ਭਗਵੰਤ ਸਿੰਘ, ਆਈਵਾਈਏ (ਖੇਡ ਵਿਭਾਗ) ਸ਼ਾਮਲ ਸਨ।
17 ਮਾਰਚ 2026 ਨੂੰ ਹੋਏ ਮੁਕਾਬਲਿਆਂ ਦੇ ਨਤੀਜੇ ਨਿਮਨਲਿਖਤ ਹਨ:
* ਪਰੰਪਰਾਗਤ ਸੋਲੋ (ਪੁਰਸ਼) – 40 ਸਾਲ ਤੋਂ ਘੱਟ ਉਮਰ
1- ਵੈਭਵ ਵਾਮਨ ਸ਼੍ਰੀਰਾਮੇ (ਗੁਜਰਾਤ ਆਰਐੱਸਬੀ) – 40.50 ਅੰਕ – ਪਹਿਲਾ ਸਥਾਨ
2- ਪ੍ਰੇਮ ਸਿੰਘ ਰਾਜਪੁਰੋਹਿਤ (ਆਰਐੱਸਬੀ ਬੰਗਲੁਰੂ) – 35.25 ਅੰਕ – ਦੂਜਾ ਸਥਾਨ
3- ਰਾਜੇਂਦਰ ਕੁਮਾਰ (ਹਰਿਆਣਾ ਸਕੱਤਰੇਤ) – 34.875 ਅੰਕ – ਤੀਜਾ ਸਥਾਨ
* ਪਰੰਪਰਾਗਤ ਸੋਲੋ (ਮਹਿਲਾ) – 40-50 ਸਾਲ ਤੋਂ ਘੱਟ ਉਮਰ
1- ਯਸ਼ੋਦਾ ਰਾਣੀ (ਹਰਿਆਣਾ ਸਕੱਤਰੇਤ) – 32.00 ਅੰਕ – ਪਹਿਲਾ ਸਥਾਨ
2- ਕਲਪਨਾਬੇਨ ਕੇ ਪਟੇਲ (ਗੁਜਰਾਤ ਸਕੱਤਰੇਤ) – 31.50 ਅੰਕ – ਦੂਜਾ ਸਥਾਨ
3- ਨੀਲਮ ਪੁਰੀ ਬਿਸ਼ਟ (ਆਰਐੱਸਬੀ ਉੱਤਰਾਖੰਡ) – 31.00 ਅੰਕ – ਤੀਜਾ ਸਥਾਨ
* ਪਰੰਪਰਾਗਤ ਸੋਲੋ (ਮਹਿਲਾ) – 50 ਸਾਲ ਤੋਂ ਵੱਧ ਉਮਰ
1- ਸ਼ੀਨਾ ਦਿਨੇਸ਼ (ਗੁਜਰਾਤ ਆਰਐੱਸਬੀ) – 32.50 ਅੰਕ – ਪਹਿਲਾ ਸਥਾਨ ਸਥਾਨ
2- ਲਤਾ ਸ਼ਿਰਸਾਠ (ਮਹਾਰਾਸ਼ਟਰ ਸਕੱਤਰੇਤ) – 31.75 ਅੰਕ – ਦੂਜਾ ਸਥਾਨ
3- ਹਨੀ ਕੋਲੀ (ਕੇਂਦਰੀ ਸਕੱਤਰੇਤ, ਦਿੱਲੀ) – 31.25 ਅੰਕ – ਤੀਜਾ ਸਥਾਨ
ਇਹ ਚੈਂਪੀਅਨਸ਼ਿਪ 21 ਮਾਰਚ 2026 ਤੱਕ ਜਾਰੀ ਰਹੇਗੀ, ਜਿਸ ਵਿੱਚ ਦੇਸ਼ ਭਰ ਦੇ ਵਿਭਿੰਨ ਵਿਭਾਗਾਂ ਅਤੇ ਰਾਜਾਂ ਦੀ ਨੁਮਾਇੰਦਗੀ ਕਰਨ ਵਾਲੇ ਪ੍ਰਤੀਭਾਗੀ ਪੁਰਸ਼ ਅਤੇ ਮਹਿਲਾ ਵਰਗ ਦੇ ਵਿਭਿੰਨ ਯੋਗ ਆਸਣ ਮੁਕਾਬਲਿਆਂ ਵਿੱਚ ਹਿੱਸਾ ਲੈਣਗੇ। ਇਹ ਪ੍ਰੋਗਰਾਮ ਯੋਗ ਆਸਣ ਦੀ ਇੱਕ ਮੁਕਾਬਲੇ ਵਾਲੀ ਖੇਡ ਦੇ ਰੂਪ ਵਿੱਚ ਵਧਦੀ ਮਕਬੂਲੀਅਤ ਅਤੇ ਸਰਕਾਰੀ ਕਰਮਚਾਰੀਆਂ ਦੇ ਦਰਮਿਆਨ ਤੰਦਰੁਸਤ ਜੀਵਨਸ਼ੈਲੀ ਨੂੰ ਪ੍ਰੋਤਸਾਹਿਤ ਕਰਨ ਵਿੱਚ ਇਸ ਦੀ ਭੂਮਿਕਾ ਨੂੰ ਦਰਸਾਉਂਦਾ ਹੈ।
