ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ – NHRC ਦੇ ਡੰਡੇ ਤੋਂ ਬਾਅਦ ਨੰਗੀ ਹੋਈ ਮਾਨ ਸਰਕਾਰ, ਰੇਪਿਸਟ ਨੂੰ ਬਚਾਉਣ ਲਈ ਪੀੜਤ ਧੀਆਂ ਨੂੰ ਹੀ ਧਮਕਾਉਂਦੀ ਰਹੀ ਪੰਜਾਬ ਪੁਲਿਸ!
ਜਲਦੀ ਹੀ ਇਸ ਮਾਮਲੇ ਦੀ ਵੀਡਿਓ, ਵ੍ਹਟਸਐਪ ਚੈਟ ਅਤੇ ਹੋਰ ਸਬੂਤ ਜਨਤਕ ਕਰਾਂਗਾ – ਬਿਕਰਮ ਮਜੀਠੀਆ
ਮੁੱਖ ਮੰਤਰੀ ਦੀ ਧਰਮਪਤਨੀ ਦੇ ਨਜ਼ਦੀਕੀ ਰਿਸ਼ਤੇਦਾਰ ਗਰੇਵਾਲ ‘ਤੇ 5 ਕਰੋੜ ਵਸੂਲੀ ਦਾ ਸੰਗੀਨ ਇਲਜ਼ਾਮ, 15 ਗੰਨਮੈਨ ਦੇ ਕੇ ਕਿਹੜਾ ਰਿਸ਼ਤਾ ਨਿਭਾ ਰਿਹਾ ਏ ਗੁਰੂ ਦੋਖੀ?
ਨੈਸ਼ਨਲ ਹਿਊਮਨ ਰਾਈਟ ਕਮਿਸ਼ਨ ਮਾਮਲੇ ਦੀ ਗੰਭੀਰਤਾ ਅਤੇ ਉੱਚੀ ਪਹੁੰਚ ਵਾਲਿਆਂ ਦੀ ਸ਼ਮੂਲੀਅਤ ਵੇਖ ਕੇ ਇਹ ਮਾਮਲਾ CBI ਨੂੰ ਜਾਂਚ ਲਈ ਭੇਜੇ ਤਾਂਕਿ ਪੰਜਾਬ ਦੀਆਂ ਧੀਆਂ ਨੂੰ ਇਨਸਾਫ ਮਿਲ ਸਕੇ
ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ – ਜਿਹੜਾ ਪੰਜਾਬ ਦੀਆਂ ਧੀਆਂ ਨੂੰ ਇਨਸਾਫ ਨਹੀਂ ਦੇ ਸਕਦਾ, ਉਸ ਗੁਰੂ ਦੋਖੀ ਨੂੰ ਕੁਰਸੀ ‘ਤੇ ਬੈਠਣ ਦਾ ਕੋਈ ਹੱਕ ਨਹੀਂ।
ਸ਼੍ਰੋਮਣੀ ਅਕਾਲੀ ਦਲ ਦੇ ਸੀਨੀਅਰ ਨੇਤਾ ਅਤੇ ਸਾਬਕਾ ਮੰਤਰੀ ਬਿਕਰਮ ਸਿੰਘ ਮਜੀਠੀਆ ਨੇ ਅੱਜ ਆਪਣਾ ਵੀਡੀਓ ਜਾਰੀ ਕਰਦੇ ਹੋਏ ਗੁਰੂ ਦੋਖੀ ਮੁੱਖ ਮੰਤਰੀ ਭਗਵੰਤ ਮਾਨ ਅਤੇ ਉਹਨਾਂ ਦੇ ਨਜ਼ਦੀਕੀ ਰਿਸ਼ਤੇਦਾਰਾਂ ਉੱਪਰ ਸੰਗੀਨ ਆਰੋਪ ਲਗਾਏ।
ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਸ਼ਾਇਦ ਪੰਜਾਬ ਦੇ ਇਤਿਹਾਸ ‘ਚ ਪਹਿਲੀ ਵਾਰ ਹੋਇਆ ਹੈ ਕਿ ਨੈਸ਼ਨਲ ਹਿਊਮਨ ਰਾਈਟਸ ਕਮਿਸ਼ਨ ਨੂੰ ਇਹ ਨੋਟਿਸ ਲੈਣਾ ਪਿਆ ਹੋਵੇ ਕਿ ਇੱਕ ਰੇਪਿਸਟ ਨੂੰ ਕਿਵੇਂ ਬਚਾਇਆ ਜਾ ਰਿਹਾ ਹੈ। ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਇਹ ਗੁਰੂ ਦੋਖੀ ਭਗਵੰਤ ਮਾਨ ਦੇ ਰਾਜ ਦੀ ਅਸਲ ਤਸਵੀਰ ਹੈ।
ਬਿਕਰਮ ਸਿੰਘ ਮਜੀਠੀਆ ਨੇ ਦੱਸਿਆ ਕਿ ਉੱਚੀ ਪਹੁੰਚ ਵਾਲੇ ਇੱਕ ਵਿਅਕਤੀ ‘ਤੇ ਦੋ ਵੱਖ-ਵੱਖ ਪੰਜਾਬ ਦੀਆ ਧੀਆਂ ਨੇ ਵਿਆਹ ਦਾ ਝਾਂਸਾ ਦੇ ਕੇ ਸਰੀਰਕ ਸ਼ੋਸ਼ਣ ਦੇ ਦੋ ਪਰਚੇ ਦਰਜ ਕਰਵਾਏ। ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਪੰਜਾਬ ਪੁਲਿਸ ਨੇ ਦਿਖਾਵੇ ਲਈ ਗ੍ਰਿਫਤਾਰੀ ਤਾਂ ਕੀਤੀ, ਪਰ ਉਸ ਤੋਂ ਬਾਅਦ ਜੋ ਹੋਇਆ ਉਹ ਪੰਜਾਬ ਪੁਲਿਸ ਦੇ ਮੱਥੇ ‘ਤੇ ਕਲੰਕ ਵਾਂਗ ਹੈ।
ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਜਿਨ੍ਹਾਂ ਸੰਗੀਨ ਧਾਰਾਵਾਂ ‘ਚ ਜ਼ਮਾਨਤ ਤੱਕ ਨਹੀਂ ਮਿਲਦੀ, ਉਨ੍ਹਾਂ ਕੇਸਾਂ ‘ਚ ਇਸ ਦੋਸ਼ੀ ਨੂੰ 2 ਮਹੀਨੇ ਦੇ ਅੰਦਰ-ਅੰਦਰ ਦੋਵਾਂ ਪਰਚਿਆਂ ‘ਚੋਂ ਡਿਸਚਾਰਜ ਕਰਕੇ ਕਲੀਨ ਚਿੱਟ ਦੇ ਦਿੱਤੀ ਗਈ। ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਪੰਜਾਬ ਪੁਲਿਸ ਨੇ ਅਦਾਲਤ ‘ਚ ਇਹ ਕਹਿ ਕੇ ਪੱਲਾ ਝਾੜ ਲਿਆ ਕਿ ਪੀੜਤ ਪਰਿਵਾਰ ਸਾਹਮਣੇ ਨਹੀਂ ਆਏ।
ਬਿਕਰਮ ਸਿੰਘ ਮਜੀਠੀਆ ਨੇ ਖੁਲਾਸਾ ਕੀਤਾ ਕਿ ਸੱਚ ਇਹ ਹੈ ਕਿ ਪੀੜਤ ਪਰਿਵਾਰ ਜਦੋਂ ਇਨਸਾਫ ਲਈ ਪੁਲਿਸ ਕੋਲ ਜਾਂਦੇ ਸੀ ਤਾਂ ਉਨ੍ਹਾਂ ਨੂੰ ਹੀ ਦਬਾਇਆ ਜਾਂਦਾ ਸੀ, ਡਰਾਇਆ ਜਾਂਦਾ ਸੀ ਕਿ ਅੱਗੇ ਕਾਰਵਾਈ ਦੀ ਮੰਗ ਨਾ ਕਰੋ। ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਗੁਰੂ ਦੋਖੀ ਦੀ ਪੁਲਿਸ ਪੀੜਤਾ ਦੀ ਥਾਂ ਬਲਾਤਕਾਰੀ ਦੀ ਰਾਖੀ ਕਰ ਰਹੀ ਸੀ।
ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਜਦੋਂ ਪਰਿਵਾਰਾਂ ਨੇ ਅਦਾਲਤ ਦਾ ਬੂਹਾ ਖੜਕਾਇਆ ਤਾਂ ਅਸਲ ਸੱਚ ਬਾਹਰ ਆਇਆ ਕਿ ਇਸ ਮਾਮਲੇ ‘ਚ 5 ਕਰੋੜ ਦੀ ਲੈਣ-ਦੇਣ ਹੋਈ ਹੈ। ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਸਿੱਧਾ ਇਲਜ਼ਾਮ ਹੈ ਕਿ ਮੁੱਖ ਮੰਤਰੀ ਦੀ ਧਰਮਪਤਨੀ ਗੁਰਪ੍ਰੀਤ ਕੌਰ ਦੇ ਕਰੀਬੀ ਰਿਸ਼ਤੇਦਾਰ ਗਰੇਵਾਲ ਪਰਿਵਾਰ, ਜਿਸਨੂੰ ਮਾਨ ਸਾਹਿਬ ਨੇ 15 ਗੰਨਮੈਨ ਅਤੇ CM ਸਿਕਿਓਰਟੀ ਦੇ ਕਮਾਂਡੋ ਦੇ ਰੱਖੇ ਹਨ ਅਤੇ ਜਿਨ੍ਹਾਂ ਦੀਆਂ ਮੁੱਖ ਮੰਤਰੀ ਨਾਲ ਫੋਟੋਆਂ ਆਮ ਨੇ, ਉਸਨੇ ਮੁੱਖ ਮੰਤਰੀ ਦੇ ਪ੍ਰਭਾਵ ਦੀ ਵਰਤੋਂ ਕਰਕੇ 5 ਕਰੋੜ ਦੀ ਮੰਗ ਕੀਤੀ ਤਾਂ ਜੋ ਦੋਸ਼ੀ ਨੂੰ ਬਾਹਰ ਕਢਾਇਆ ਜਾ ਸਕੇ।
ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਅੱਜ ਉਹ ਰੇਪਿਸਟ ਖੁੱਲ੍ਹਾ ਘੁੰਮ ਰਿਹਾ ਹੈ, ਜਿਸਨੂੰ ਜੇਲ੍ਹ ‘ਚ ਹੋਣਾ ਚਾਹੀਦਾ ਸੀ। ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਇਹ ਸਭ ਗੁਰੂ ਦੋਖੀ ਦੀ ਸ਼ਹਿ ‘ਤੇ ਹੋਇਆ ਹੈ। ਬਿਕਰਮ ਸਿੰਘ ਮਜੀਠੀਆ ਨੇ ਸਿੱਧੀ ਮੰਗ ਕੀਤੀ ਕਿ 5 ਕਰੋੜ ਮੰਗਣ ਵਾਲੀ ਔਰਤ ਨੂੰ ਤੁਰੰਤ ਹਿਰਾਸਤ ‘ਚ ਲੈ ਕੇ ਪੁੱਛਗਿੱਛ ਕੀਤੀ ਜਾਵੇ ਅਤੇ ਇਹ ਪੂਰਾ ਮਾਮਲਾ ਤੁਰੰਤ CBI ਨੂੰ ਸੌਂਪਿਆ ਜਾਵੇ। ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਇਸ ਕੱਚੇ DGP ਅਤੇ ਇਸ ਪੰਜਾਬ ਪੁਲਿਸ ਤੋਂ ਇਨਸਾਫ ਦੀ ਆਸ ਨਾ ਰੱਖੋ, ਜਿਸਨੇ ਪਹਿਲਾਂ ਹੀ ਕਲੀਨ ਚਿੱਟ ਦੇ ਦਿੱਤੀ।
ਬਿਕਰਮ ਸਿੰਘ ਮਜੀਠੀਆ ਨੇ ਗੁਰੂ ਦੋਖੀ ਭਗਵੰਤ ਮਾਨ ਨੂੰ ਲਲਕਾਰਦਿਆਂ ਕਿਹਾ ਕਿ ਤੇਰੇ ‘ਤੇ ਅਤੇ ਤੇਰੀ ਧਰਮਪਤਨੀ ਦੇ ਰਿਸ਼ਤੇਦਾਰ ‘ਤੇ 5 ਕਰੋੜ ਦਾ ਸੰਗੀਨ ਇਲਜ਼ਾਮ ਹੈ, ਤੂੰ ਨੈਤਿਕ ਆਧਾਰ ‘ਤੇ ਪੰਜਾਬ ਦੇ ਲੋਕਾਂ ਦਾ ਵਿਸ਼ਵਾਸ ਖੋਹ ਚੁੱਕਿਆ ਹੈਂ, ਤੁਰੰਤ ਆਪਣਾ ਅਸਤੀਫਾ ਪੰਜਾਬ ਦੇ ਗਵਰਨਰ ਨੂੰ ਭੇਜ।
ਅੰਤ ਵਿੱਚ ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਮੇਰੇ ਕੋਲ ਇਸ ਸਾਰੇ ਮਾਮਲੇ ਦੀਆਂ ਵੀਡੀਓਜ਼, ਫੋਟੋਆਂ ਅਤੇ ਮੈਸੇਜ ਲੰਬੇ ਸਮੇਂ ਤੋਂ ਪਏ ਹਨ। ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਮੈਂ ਇੱਕ ਲਿਹਾਜ ਵਜੋਂ ਚੁੱਪ ਸੀ, ਪਰ ਹੁਣ ਜਦੋਂ ਮਾਮਲਾ ਪਬਲਿਕ ਡੋਮੇਨ ‘ਚ ਆ ਗਿਆ ਹੈ ਤਾਂ ਮੇਰਾ ਫਰਜ਼ ਹੈ ਪੀੜਤ ਧੀਆਂ ਨਾਲ ਖੜ੍ਹਨਾ। ਬਿਕਰਮ ਸਿੰਘ ਮਜੀਠੀਆ ਨੇ ਕਿਹਾ ਕਿ ਬਹੁਤ ਜਲਦ ਸਾਰੇ ਸਬੂਤ ਜਨਤਕ ਕਰਾਂਗਾ।
