ਸਮਾਜ ਭਲਾਈ, ਮਹਿਲਾ ਅਤੇ ਬਾਲ ਵਿਕਾਸ ਵਿਭਾਗ, ਚੰਡੀਗੜ੍ਹ ਪ੍ਰਸ਼ਾਸਨ ਦੀ ਸਰਪ੍ਰਸਤੀ ਵਿੱਚ ਸਟੇਟ ਅਡੌਪਸ਼ਨ ਰਿਸੋਰਸ ਏਜੰਸੀ (ਐੱਸਏਆਰਏ) ਨੇ ਯੂ.ਟੀ. ਸਟੇਟ ਗੈਸਟ ਹਾਊਸ, ਸੈਕਟਰ 6, ਚੰਡੀਗੜ੍ਹ ਵਿਖੇ ਮਿਸ਼ਨ ਵਾਤਸਲਯ ਪੋਰਟਲ ਦੇ ਜ਼ਰੀਏ ਗੋਦ ਲੈਣ ਦੇ ਨਿਯਮਾਂ, 2022 ਅਤੇ ਦੇਖਭਾਲ਼ ਬਾਰੇ ਇੱਕ ਸਟੇਟ-ਲੈਵਲ ਓਰੀਐਂਟੇਸ਼ਨ ਅਤੇ ਟ੍ਰੇਨਿੰਗ ਪ੍ਰੋਗਰਾਮ ਦਾ ਆਯੋਜਨ ਕੀਤਾ। ਇਹ ਪ੍ਰੋਗਰਾਮ ਸੈਂਟਰਲ ਅਡੌਪਸ਼ਨ ਰਿਸੋਰਸ ਅਥਾਰਿਟੀ (ਸੀਏਆਰਏ), ਮਹਿਲਾ ਅਤੇ ਬਾਲ ਵਿਕਾਸ ਮੰਤਰਾਲੇ, ਭਾਰਤ ਸਰਕਾਰ ਦੁਆਰਾ ਸਪਾਂਸਰ ਕੀਤਾ ਗਿਆ ਸੀ।
ਪ੍ਰੋਗਰਾਮ ਦਾ ਰਸਮੀ ਉਦਘਾਟਨ ਮੁੱਖ ਮਹਿਮਾਨ ਸ਼੍ਰੀ ਹਰਪ੍ਰੀਤ ਸਿੰਘ ਸੂਦਨ, ਸਕੱਤਰ, ਸਮਾਜ ਭਲਾਈ, ਮਹਿਲਾ ਅਤੇ ਬਾਲ ਵਿਕਾਸ, ਚੰਡੀਗੜ੍ਹ ਪ੍ਰਸ਼ਾਸਨ ਨੇ ਕੀਤਾ। ਇਸ ਅਵਸਰ ‘ਤੇ ਵਿਸ਼ਿਸ਼ਟ ਮਹਿਮਾਨ ਸ਼੍ਰੀ ਨਵੀਨ ਰੱਤੂ, ਡਾਇਰੈਕਟਰ, ਸਮਾਜ ਭਲਾਈ ਅਤੇ ਸੁਸ਼੍ਰੀ ਬਿਸਮਨ ਆਹੂਜਾ, ਪ੍ਰੋਗਰਾਮ ਮੈਨੇਜਰ, ਯੂਟੀਸੀਪੀਐੱਸ ਵੀ ਉਪਸਥਿਤ ਰਹੇ। ਪ੍ਰੋਗਰਾਮ ਦੇ ਮਾਹਰ ਬੁਲਾਰਿਆਂ ਵਿੱਚ ਸੈਂਟਰਲ ਅਡੌਪਸ਼ਨ ਰਿਸੋਰਸ ਅਥਾਰਿਟੀ (ਸੀਏਆਰਏ) ਦੇ ਸੀਨੀਅਰ ਡਿਵੈਲਪਰ ਸ਼੍ਰੀ ਸ਼ਿਵਾਨ ਤਿਆਗੀ, ਬਾਲ ਭਲਾਈ ਕਮੇਟੀ ਦੇ ਮਾਹਰ ਸੁਸ਼੍ਰੀ ਚਾਰੂ ਮੱਕੜ ਅਤੇ ਮਾਨਸਿਕ ਸਿਹਤ ਅਤੇ ਸਲਾਹ ਮਾਹਰ
ਡਾ. ਮਿਥਿਲੀ ਹਜ਼ਾਰਿਕਾ ਸ਼ਾਮਲ ਰਹੇ।
ਮੁੱਖ ਮਹਿਮਾਨ ਨੇ ਆਪਣੇ ਮੁੱਖ ਸੰਬੋਧਨ ਵਿੱਚ ਗੋਦ ਲੈਣ ਦੀ ਪ੍ਰਕਿਰਿਆ ਨੂੰ ਸੁਵਿਵਸਥਿਤ ਕਰਨ ਵਿੱਚ ਸੈਂਟਰਲ ਅਡੌਪਸ਼ਨ ਰਿਸੋਰਸ ਅਥਾਰਿਟੀ (ਸੀਏਆਰਏ) ਦੁਆਰਾ ਦਿੱਤੇ ਜਾ ਰਹੇ ਨਿਰੰਤਰ ਮਾਰਗਦਰਸ਼ਨ ਅਤੇ ਸਹਿਯੋਗ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਕਿਹਾ ਕਿ ਗੋਦ ਲੈਣਾ ਕੇਵਲ ਇੱਕ ਕਾਨੂੰਨੀ ਪ੍ਰਕਿਰਿਆ ਨਹੀਂ,ਬਲਕਿ ਇੱਕ ਐਸਾ ਜੀਵਨਪਰਿਵਰਤਨਕਾਰੀ ਕਾਰਜ ਹੈ, ਜੋ ਬੱਚੇ ਦੇ ਪਰਿਵਾਰ, ਪ੍ਰੇਮ ਅਤੇ ਪਹਿਚਾਣ ਦੇ ਅਧਿਕਾਰ ਨੂੰ ਬਹਾਲ ਕਰਦਾ ਹੈ। ਉਨ੍ਹਾਂ ਨੇ ਵਿਸ਼ੇਸ਼ ਤੌਰ ‘ਤੇ
ਬਾਲ ਤਸਕਰੀ ਨਾਲ ਸਬੰਧਿਤ ਚਿੰਤਾਵਾਂ ‘ਤੇ ਜ਼ੋਰ ਦਿੰਦੇ ਹੋਏ ਗੋਦ ਲੈਣ ਦੀ ਪ੍ਰਕਿਰਿਆ ਨਾਲ ਜੁੜੇ ਸਾਰੇ ਹਿਤਧਾਰਕਾਂ ਦੁਆਰਾ ਨਿਰੰਤਰ ਸਤਰਕਤਾ ਅਤੇ ਤਾਲਮੇਲ ਵਾਲੇ ਪ੍ਰਯਾਸਾਂ ਦੀ ਜ਼ਰੂਰਤ ‘ਤੇ ਬਲ ਦਿੱਤਾ।
ਉਨ੍ਹਾਂ ਕਿਹਾ ਕਿ ਬੱਚਿਆਂ ਨੂੰ ਅਗਵਾ, ਅਵੈਧ ਤਬਾਦਲਾ, ਸ਼ੋਸ਼ਣ ਜਾਂ ਤਸਕਰੀ ਜਿਹੇ ਸੰਭਾਵਿਤ ਜੋਖਮਾਂ ਤੋਂ ਬਚਾਉਣ ਲਈ ਨਿਰਧਾਰਿਤ ਕਾਨੂੰਨੀ ਅਤੇ ਪ੍ਰਕਿਰਿਆਤਮਕ ਸੁਰੱਖਿਆ ਉਪਾਵਾਂ ਦੀ ਸਖ਼ਤੀ ਨਾਲ ਪਾਲਨ ਜ਼ਰੂਰੀ ਹੈ। ਉਨ੍ਹਾਂ ਨੇ ਸਾਰੇ ਹਿਤਧਾਰਕਾਂ ਨੂੰ ਬੱਚਿਆਂ ਜਾਂ ਗੋਦ ਲੈਣ ਨਾਲ ਸਬੰਧਿਤ ਕਿਸੇ ਵੀ ਸ਼ੱਕੀ ਜਾਂ ਗ਼ੈਰ-ਕਾਨੂੰਨੀ ਗਤੀਵਿਧੀ ਦੀ ਪਹਿਚਾਣ ਕਰਕੇ ਉਸ ਦੀ ਸੂਚਨਾ ਦੇਣ ਲਈ ਸਤਰਕ ਰਹਿਣ ਦਾ ਸੱਦਾ ਦਿੱਤਾ।
ਉਦਘਾਟਨੀ ਪ੍ਰੋਗਰਾਮ ਦੇ ਦੌਰਾਨ ਗੋਦ ਲੈਣ ਵਾਲੇ ਮਾਪਿਆਂ ਦੇ ਅਨੁਭਵਾਂ ‘ਤੇ ਅਧਾਰਿਤ ਇੱਕ ਵੀਡੀਓ ਦਿਖਾਈ ਗਈ, ਜਿਸ ਵਿੱਚ ਵੱਡੇ ਬੱਚਿਆਂ ਦੇ ਗੋਦ ਲੈਣ ਦੀ ਪਰਿਵਰਤਨਕਾਰੀ ਯਾਤਰਾ ਅਤੇ ਬੱਚਿਆਂ ਲਈ ਪਰਿਵਾਰ-ਅਧਾਰਿਤ ਦੇਖਭਾਲ਼ ਦੇ ਮਹੱਤਵ ਨੂੰ ਦਰਸਾਇਆ ਗਿਆ।ਇਸ ਅਵਸਰ ‘ਤੇ ਕਾਨੂੰਨੀ ਗੋਦ ਲੈਣ ਨਾਲ ਸਬੰਧਿਤ ਸਨ-ਬੋਰਡ ਵੀ ਲਾਂਚ ਕੀਤੇ ਗਏ, ਜਿਨ੍ਹਾਂ ਦਾ ਉਦੇਸ਼ ਆਮ ਜਨਤਾ ਨੂੰ ਕਾਨੂੰਨੀ ਗੋਦ ਲੈਣ ਦੀ ਪ੍ਰਕਿਰਿਆ ਅਤੇ ਅਵੈਧ ਗੋਦ ਲੈਣ ਦੀਆਂ ਪਿਰਤਾਂ ਲਈ ਨਿਰਧਾਰਿਤ ਦੰਡ ਬਾਰੇ ਜਾਗਰੂਕ ਕਰਨਾ ਹੈ।
ਟ੍ਰੇਨਿੰਗ ਪ੍ਰੋਗਰਾਮ ਵਿੱਚ ਗੋਦ ਲੈਣ ਦੇ ਨਿਯਮਾਂ, ਬੱਚਿਆਂ ਦੀ ਪਹਿਚਾਣ, ਪਰਿਵਾਰ-ਅਧਾਰਿਤ ਦੇਖਭਾਲ਼ ਪ੍ਰਤੀ ਸੰਸਥਾਗਤ ਜ਼ਿੰਮੇਵਾਰੀ ਅਤੇ ਬਾਲ ਭਲਾਈ ਕਮੇਟੀ, ਜ਼ਿਲ੍ਹਾ ਬਾਲ ਸੁਰੱਖਿਆ ਇਕਾਈ, ਚੀਫ਼ ਮੈਡੀਕਲ ਅਫ਼ਸਰ ਅਤੇ ਵਿਸ਼ਿਸ਼ਟ ਗੋਦ ਲੈਣ ਏਜੰਸੀ ਦੀ ਭੂਮਿਕਾ ਬਾਰੇ ਮਾਹਰ ਸੈਸ਼ਨ ਆਯੋਜਿਤ ਕੀਤੇ ਗਏ। ਇਸ ਤੋਂ ਇਲਾਵਾ, ਗੋਦ ਲੈਣ ਅਤੇ ਸਲਾਹ ਦੇਣ ਦੇ ਸਿਧਾਂਤਾਂ,ਬੱਚਿਆਂ ਅਤੇ ਭਾਵੀ ਗੋਦ ਲੈਣ ਵਾਲੇ ਮਾਪਿਆਂ (ਪੀਏਪੀਜ਼) ਨੂੰ ਮਨੋਵਿਗਿਆਨਿਕ ਸਹਿਯੋਗ ਪ੍ਰਦਾਨ ਕਰਨ ‘ਤੇ ਵੀ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ। ਮਿਸ਼ਨ ਵਾਤਸਲਯ ਪੋਰਟਲ ਦੇ ਜ਼ਰੀਏ ਕੇਅਰਿੰਗਸ (CARINGS) ‘ਤੇ ਇੱਕ ਸਮਰਪਿਤ ਸੈਸ਼ਨ ਆਯੋਜਿਤ ਕੀਤਾ ਗਿਆ, ਜਿਸ ਵਿੱਚ ਪ੍ਰਤੀਭਾਗੀਆਂ ਨੂੰ ਡਿਜੀਟਲ ਗੋਦ ਲੈਣ ਦੀ ਪ੍ਰਕਿਰਿਆ ਦੀ ਜਾਣਕਾਰੀ ਦਿੱਤੀ ਗਈ।
ਟ੍ਰੇਨਿੰਗ ਪ੍ਰੋਗਰਾਮ ਵਿੱਚ ਬਾਲ ਭਲਾਈ ਕਮੇਟੀ, ਜ਼ਿਲ੍ਹਾ ਬਾਲ ਸੁਰੱਖਿਆ ਇਕਾਈ, ਸਿਹਤ ਵਿਭਾਗ ਦੇ ਚਿਕਿਤਸਾ ਮਾਹਰਾਂ, ਵਿਸ਼ਿਸ਼ਟ ਗੋਦ ਲੈਣ ਏਜੰਸੀ, ਬਾਲ ਦੇਖਭਾਲ਼ ਸੰਸਥਾਵਾਂ ਅਤੇ ਚਾਇਲਡ ਹੈਲਪਲਾਇਨ-1098 ਨਾਲ ਜੁੜੇ 58 ਤੋਂ ਵੱਧ ਪ੍ਰਤੀਭਾਗੀਆਂ ਨੇ ਸਰਗਰਮੀ ਨਾਲ ਹਿੱਸਾ ਲਿਆ।
