31 ਮਈ, 2025 ਨੂੰ ਰਾਸ਼ਟਰੀ ਮੌਕ ਡ੍ਰਿਲ ਦੇ ਹਿੱਸੇ ਦੇ ਰੂਪ ਵਿੱਚ ਕਿਸ਼ਨਗੜ੍ਹ ਅਤੇ ਆਈ.ਟੀ. ਪਾਰਕ ਵਿੱਚ ਬਲੈਕਆਊਟ ਕੀਤਾ ਜਾਵੇਗਾ
ਚੰਡੀਗੜ੍ਹ, 30 ਮਈ, 2025: ਭਾਰਤ ਸਰਕਾਰ ਦੇ ਗ੍ਰਹਿ ਮੰਤਰਾਲੇ ਨੇ ਦੇਸ਼ ਦੀ ਪੱਛਮੀ ਸੀਮਾ ‘ਤੇ ਸਥਿਤ ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਸਾਰੇ ਜ਼ਿਲ੍ਹਿਆਂ ਵਿੱਚ “ਅਪ੍ਰੇਸ਼ਨ ਸ਼ੀਲਡ” ਨਾਮਕ ਦੂਸਰਾ ਨਾਗਰਿਕ ਸੁਰੱਖਿਆ ਅਭਿਆਸ ਆਯੋਜਿਤ ਕਰਨ ਦਾ ਨਿਰਣਾ ਲਿਆ ਹੈ।
ਰਾਸ਼ਟਰਵਿਆਪੀ ਨਾਗਰਿਕ ਸੁਰੱਖਿਆ ਅਭਿਆਸ ਦੇ ਹਿੱਸੇ ਦੇ ਰੂਪ ਵਿੱਚ, ਚੰਡੀਗੜ੍ਹ ਦੇ ਕਿਸ਼ਨਗੜ੍ਹ ਅਤੇ ਆਈ.ਟੀ. ਪਾਰਕ ਖੇਤਰਾਂ ਵਿੱਚ 31 ਮਈ, 2025 (ਸ਼ਨੀਵਾਰ) ਨੂੰ ਰਾਤ 8:00 ਵਜੇ ਤੋਂ 8:10 ਵਜੇ ਤੱਕ ਬਲੈਕਆਊਟ ਕੀਤਾ ਜਾਵੇਗਾ। ਇਸ ਪਹਿਲ ਦਾ ਉਦੇਸ਼ ਐਮਰਜੈਂਸੀ ਬਲੈਕਆਊਟ ਸਥਿਤੀਆਂ ਦਾ ਅਨੁਕਰਣ ਕਰਨਾ ਅਤੇ ਸੰਭਾਵੀ ਦੁਸ਼ਮਣ ਹਮਲਿਆਂ ਦੇ ਦੌਰਾਨ ਤਿਆਰੀਆਂ ਨੂੰ ਵਧਾਉਣਾ ਹੈ।
ਬਲੈਕਆਊਟ ਦੇ ਇਲਾਵਾ, ਚੰਡੀਗੜ੍ਹ ਦੇ ਸੈਕਟਰ 47 ਵਿੱਚ ਕਮਿਊਨਿਟੀ ਸੈਂਟਰ ਵਿਖੇ ਇੱਕ ਮੌਕ ਡ੍ਰਿੱਲ ਵੀ ਕੀਤੀ ਜਾਵੇਗੀ। ਇਹ ਅਭਿਆਸ ਇੱਕ ਸਿਮੂਲੇਸ਼ਨ ਹੋਵੇਗਾ ਜਿੱਥੇ ਇੱਕ ਮਿਲਿਟਰੀ ਸਟੇਸ਼ਨ ‘ਤੇ ਦੁਸ਼ਮਣ ਦੇ ਡ੍ਰੋਨ ਦੁਆਰਾ ਹਮਲਾ ਕੀਤਾ ਜਾਂਦਾ ਹੈ। ਇਸ ਸਥਿਤੀ ਵਿੱਚ, ਨਾਗਰਿਕ ਪ੍ਰਸ਼ਾਸਨ ਪਰਿਵਾਰਾਂ ਨੂੰ ਸੁਰੱਖਿਅਤ ਸਥਾਨ ‘ਤੇ ਪਹੁੰਚਾਉਣ ਵਿੱਚ ਮਦਦ ਕਰੇਗਾ, ਜਿਸ ਵਿੱਚ ਮੌਕ ਡ੍ਰਿਲ ਦੇ ਹਿੱਸੇ ਦੇ ਰੂਪ ਵਿੱਚ 20 ਲੋਕਾਂ ਨੂੰ ਬਾਹਰ ਕੱਢਿਆ ਜਾਵੇਗਾ। ਜ਼ਖ਼ਮੀਆਂ ਦੇ ਇਲਾਜ ਦੇ ਲਈ 30 ਯੂਨਿਟ ਖੂਨ ਅਤੇ ਅਤਿਰਿਕਤ ਮੈਡੀਕਲ ਟੀਮਾਂ ਦੀ ਵਿਵਸਥਾ ਸਹਿਤ ਮੈਡੀਕਲ ਪ੍ਰਤੀਕਿਰਿਆ ਦਾ ਵੀ ਪਰੀਖਣ ਕੀਤਾ ਜਾਵੇਗਾ। ਇਹ ਡ੍ਰਿੱਲ ਤਾਲਮੇਲ ਵਾਲੇ ਤੰਤਰ ਦਾ ਪਰੀਖਣ ਕਰਨ ਅਤੇ ਵਿਭਿੰਨ ਵਿਭਾਗਾਂ ਅਤੇ ਐਮਰਜੈਂਸੀ ਬਲਾਂ ਦੇ ਦਰਮਿਆਨ ਪ੍ਰਤੀਕਿਰਿਆ ਰਣਨੀਤੀਆਂ ਨੂੰ ਬਿਹਤਰ ਬਣਾਉਣ ਦੇ ਇੱਕ ਬੜੇ ਪ੍ਰਯਾਸ ਦਾ ਹਿੱਸਾ ਹੈ।
ਇਸ ਅਭਿਆਸ ਵਿੱਚ ਸਿਵਲ ਡਿਫੈਂਸ ਵਲੰਟੀਅਰ, ਹੋਮ ਗਾਰਡ, ਸਥਾਨਕ ਅਧਿਕਾਰੀ ਅਤੇ ਐੱਨਸੀਸੀ (NCC), ਐੱਨਐੱਸਐੱਸ (NSS) ਅਤੇ ਗ਼ੈਰ ਸਰਕਾਰੀ ਸੰਗਠਨਾਂ (ਐੱਨਜੀਓਜ਼/NGOs) ਜਿਹੇ ਯੁਵਾ ਸੰਗਠਨ ਸ਼ਾਮਲ ਹੋਣਗੇ। ਡ੍ਰਿੱਲ ਵਿੱਚ ਹਵਾਈ ਹਮਲੇ, ਡ੍ਰੋਨ ਅਤੇ ਮਿਜ਼ਾਈਲ ਹਮਲੇ, ਹਵਾਈ ਹਮਲੇ ਦੇ ਸਾਇਰਨ ਦਾ ਸੰਚਾਲਨ ਅਤੇ ਵਾਯੂ ਸੈਨਾ ਅਤੇ ਸਿਵਲ ਡਿਫੈਂਸ ਕੰਟਰੋਲ ਰੂਮਾਂ ਦੇ ਦਰਮਿਆਨ ਜਿਹੇ ਅਭਿਆਸ ਪਰਿਦ੍ਰਿਸ਼ ਸ਼ਾਮਲ ਹੋਣਗੇ।
ਰਿਅਰ ਏਰੀਆ (rear area) ਸੁਰੱਖਿਆ ਯੋਜਨਾ ਦੇ ਹਿੱਸੇ ਦੇ ਰੂਪ ਵਿੱਚ, ਅਭਿਆਸ ਵਿੱਚ ਭਾਰਤੀ ਸੈਨਾ ਦਾ ਸਮਰਥਨ ਕਰਨ ਦੇ ਲਈ ਬਾਰਡਰ ਵਿੰਗ ਹੋਮ ਗਾਰਡ ਦੀ ਤੇਜ਼ੀ ਨਾਲ ਲਾਮਬੰਦੀ ਵੀ ਸ਼ਾਮਲ ਹੋਵੇਗੀ।
ਡਿਪਟੀ ਕਮਿਸ਼ਨਰ ਸ਼੍ਰੀ. ਨਿਸ਼ਾਂਤ ਕੁਮਾਰ ਯਾਦਵ ਨੇ ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਸਾਰੇ ਵਿਭਾਗਾਂ ਨੂੰ ਇਸ ਅਭਿਆਸ ਵਿੱਚ ਪੂਰਨ ਸਹਿਯੋਗ ਅਤੇ ਭਾਗੀਦਾਰੀ ਕਰਨ ਨੂੰ ਕਿਹਾ।
ਇਹ ਮਹੱਤਵਪੂਰਨ ਅਭਿਆਸ ਤਾਲਮੇਲ ਨੂੰ ਬਿਹਤਰ ਬਣਾਉਣ, ਐਮਰਜੈਂਸੀ ਪ੍ਰਤੀਕਿਰਿਆ ਪ੍ਰਣਾਲੀਆਂ ਦਾ ਪਰੀਖਣ ਕਰਨ ਅਤੇ ਇਹ ਸੁਨਿਸ਼ਚਿਤ ਕਰਨ ਵਿੱਚ ਮਦਦ ਕਰੇਗਾ ਕਿ ਚੰਡੀਗੜ੍ਹ ਭਵਿੱਖ ਵਿੱਚ ਕਿਸੇ ਵੀ ਐਮਰਜੈਂਸੀ ਜਾਂ ਖ਼ਤਰੇ ਦੇ ਲਈ ਬਿਹਤਰ ਤਰੀਕੇ ਨਾਲ ਤਿਆਰ ਰਹੇ।
