ਦੁਨੀਆਂ ਚੈਨਲ ਦੇ ਪੱਤਰਕਾਰ ਮਨਦੀਪ ਨੂੰ ਪਿੰਡ ਰਸੂਲਪੁਰ ਦੇ ਨਸ਼ਾ ਤਸਕਰ ਵੱਲੋਂ ਗੋਲੀ ਮਾਰਨ ਦੀ ਧਮਕੀ ਨੂੰ ਗੰਭੀਰ ਸਮਝਦਿਆਂ ਅੱਜ ਪੱਤਰਕਾਰਾਂ ਵੱਲੋਂ ਨਛੱਤਰ ਸਿੰਘ ਧਾਲੀਵਾਲ ਭਵਨ ਵਿਖੇ ਮੀਟਿੰਗ ਕੀਤੀ ਗਈ। ਇਹ ਮੀਟਿੰਗ ਮਨਿੰਦਰਜੀਤ ਸਿੱਧੂ, ਗੁਰਦੀਪ ਮਲਕ, ਮਨਦੀਪ ਰਸੂਲਪੁਰ ਦੀ ਪ੍ਰਧਾਨਗੀ ਹੇਠ ਹੋਈ ਜਿਸ ਵਿੱਚ ਦਰਜਨ ਦੇ ਕਰੀਬ ਇਲੈਕਟ੍ਰੌਨਿਕ ਤੇ ਪ੍ਰਿੰਟ ਮੀਡੀਆ ਅਤੇ ਜਨਤਕ ਸੰਘਰਸ਼ਸ਼ੀਲ ਜਥੇਬੰਦੀਆਂ ਸ਼ਾਮਿਲ ਹੋਈਆਂ। ਮੀਟਿੰਗ ਵਿੱਚ ਫੈਸਲਾ ਕੀਤਾ ਗਿਆ ਕਿ ਨਸ਼ਾ ਸਮੱਗਲਰਾਂ ਤੇ ਇਹਨਾਂ ਦੀ ਦਹਿਸ਼ਤ, ਇਹਨਾਂ ਨੂੰ ਸਰਪ੍ਰਸਤੀ ਦੇਣ ਵਾਲੀ ਪੁਲਿਸ ਅਤੇ ਸਿਆਸਤਦਾਨਾਂ ਖ਼ਿਲਾਫ਼ 28 ਅਕਤੂਬਰ ਨੂੰ ਜਗਰਾਓਂ ਸ਼ਹਿਰ ਵਿੱਚ ਰੋਸ ਮੁਜਾਹਰਾ ਕਰਕੇ ਏ.ਡੀ.ਸੀ ਦਫਤਰ ਵਿਖੇ ਧਰਨਾ ਲਾਇਆ ਜਾਵੇਗਾ। ਸਟੇਜ ਸਕੱਤਰ ਦੀ ਭੂਮਿਕਾ ਬਲਰਾਜ ਮੌੜ ਵੱਲੋਂ ਨਿਭਾਈ ਗਈ।
ਬੁਲਾਰਿਆਂ ਨੇ ਕਿਹਾ ਕਿ ਨਸ਼ਾ ਤਸਕਰਾਂ ਵਾਂਗੂੰ ਹੀ ਡੀ.ਐਸ.ਪੀ ਰਾਏਕੋਟ ਅਤੇ ਐਸ.ਐਚ.ੳ ਹਠੂਰ ਵੱਲੋਂ ਪੱਤਰਕਾਰ ਨੂੰ ਵੀਡਿਉ ਡੀਲੀਟ ਕਰਨ, ਪ੍ਰੈਸ ਬਿਆਨ ਜਾਰੀ ਨਾ ਕਰਨ ਦਾ ਦਬਾਅ ਪਾਉਣਾ ਬਹੁਤ ਨਿੰਦਣਯੋਗ ਹੈ। ਉਹਨਾਂ ਦੇ ਖਿਲਾਫ ਬਣਦੀ ਕਾਨੂੰਨੀ ਕਾਰਵਾਈ ਦੀ ਮੰਗ ਕੀਤੀ ਗਈ। ਉਹਨਾਂ ਕਿਹਾ ਕਿ ਨਸ਼ਾ ਤਸਕਰਾਂ ਦੇ ਹਾਲੇ ਵੀ ਹੌਸਲੇ ਬੁਲੰਦ ਹਨ। ਪੱਤਰਕਾਰ ਦੀ ਜਾਨ ਤੇ ਮਾਲ ਦੇ ਨੁਕਸਾਨ ਦੀ ਪੂਰੀ ਜਿੰਮੇਵਾਰੀ ਐਸ.ਐਸ.ਪੀ ਜਗਰਾਉਂ ਦੀ ਹੈ। ਪੁਲਿਸ ਜਲਦ ਇਹਨਾਂ ਨੂੰ ਨੱਥ ਪਾਵੇ।
ਉਹਨਾਂ ਕਿਹਾ ਕਿ ਪੱਤਰਕਾਰਾਂ ਦੀ ਜ਼ੁਬਾਨਬੰਦੀ ਦਾ ਵਰਤਾਰਾ ਵੀ ਵਧਦਾ ਜਾ ਰਿਹਾ ਹੈ। ਸਿਆਸਤਦਾਨਾਂ, ਨਸ਼ਾ ਸਮੱਗਲਰਾਂ, ਗੁੰਡਿਆਂ ਵੱਲੋਂ ਲੋਕਾਂ ਦੇ ਮੁੱਦੇ ਉਠਾਉਣ ਵਾਲੇ ਪੱਤਰਕਾਰਾਂ ਨੂੰ ਧਮਕੀਆਂ, ਡਰਾਵੇ ਦੇਣ ਦਾ ਮੁੱਦਾ ਗੰਭੀਰ ਹੈ। ਇਸ ਵਰਤਾਰੇ ਨੂੰ ਰੋਕਣ ਲਈ ਪ੍ਰਸ਼ਾਸਨ ਠੋਸ ਕਾਰਵਾਈ ਕਰੇ।
ਅੱਜ ਦੀ ਮੀਟਿੰਗ ਵਿੱਚ ਰੋਜ਼ਾਨਾ ਟਾਈਮਜ਼ ਪੰਜਾਬ ਤੋਂ ਹੈਪੀ ਭਗਤਾ, ਦੁਨੀਆਂ ਚੈਨਲ ਤੋਂ ਸਾਹਿਲ, ਕਲਪਨਾ, ਅਲੀਸ਼ਾ ਤੇ ਅੰਮ੍ਰਿਤ ਰਾਏਸਰ, ਜਸਬੀਰ ਛੇਤਰਾ ਪੰਜਾਬੀ ਟ੍ਰਿਬਿਊਨ, ਮਸ਼ਾਲ ਨਿਉਜ ਤੋਂ ਪੱਤਰਕਾਰ ਦਲਜੀਤ ਸਿੰਘ, ਹੈਵਨ ਇੰਡੀਆ ਟੀਵੀ ਤੋਂ ਜਗਤਾਰ ਸਿੰਘ ਸਰਾਂ, ਮੌੜ ਟੈਲੀਵਿਜ਼ਨ ਤੋਂ ਬਲਰਾਜ ਮੌੜ, ਐਸ.ਐਸ.ਐਮ ਟੀਵੀ ਤੋਂ ਸੁਖਪ੍ਰੀਤ ਸਿੰਘ ਮੌੜ, ਅਦਾਰਾ ਪਰਵਾਜ਼ ਤੋਂ ਸਵਰਨ ਸਿੰਘ ਰਸੂਲਪੁਰ, ਸ਼ਹੀਦ ਭਗਤ ਸਿੰਘ ਕਲਾਂ ਮੰਚ ਚੜਿੱਕ ਤੋਂ ਤੀਰਥ ਚੜਿੱਕ, ਇਨਕਲਾਬੀ ਕਵੀਸ਼ਰੀ ਜਥਾ ਰਸੂਲਪੁਰ ਤੋਂ ਰੁਪਿੰਦਰ ਸਿੰਘ, ਰਜਿੰਦਰ ਰਸੂਲਪੁਰ, ਦੀਵਾਨਾ ਲਾਇਬਰੇਰੀ ਤੋਂ ਵਰਿੰਦਰ ਦੀਵਾਨਾ, ਪੱਤਰਕਾਰ ਰਾਜਵਿੰਦਰ ਸਿੰਘ ਭੋਤਨਾ, ਪੱਤਰਕਾਰ ਹਰਦੀਪ ਸਿੰਘ, ਕਿਰਤੀ ਕਿਸਾਨ ਯੂਨੀਅਨ ਦੇ ਨਿਰਭੈ ਸਿੰਘ ਢੁੱਡੀਕੇ, ਬਲਵਿੰਦਰ ਸਿੰਘ, ਇਨਕਲਾਬੀ ਕੇਂਦਰ ਪੰਜਾਬ ਦੇ ਆਗੂ ਕੰਵਲਜੀਤ ਖੰਨਾ, ਬੀਕੇਯੂ ਉਗਰਾਹਾਂ ਦੇ ਆਗੂ ਸੁਦਾਗਰ ਸਿੰਘ, ਵਰਗ ਚੇਤਨਾ ਮੰਚ ਦੇ ਆਗੂ ਜੋਗਿੰਦਰ ਆਜਾਦ, ਪੇੰਡੂ ਮਜਦੂਰ ਯੂਨੀਅਨ ਮਸ਼ਾਲ ਤੋਂ ਮਦਨ ਸਿੰਘ, ਬਚਨ ਸਿੰਘ, ਜਮਹੂਰੀ ਕਿਸਾਨ ਸਭਾ ਤੋਂ ਗੁਰਮੇਲ ਸਿੰਘ ਰੂੰਮੀ, ਏਟਕ ਤੋਂ ਜਗਦੀਸ਼ ਸਿੰਘ, ਸ਼ਹੀਦ ਭਗਤ ਸਿੰਘ ਵਿਚਾਰ ਮੰਚ ਤੋਂ ਗੁਰਦਿਆਲ ਭੱਟੀ, ਪੰਜਾਬ ਸਟੂਡੈਂਟਸ ਯੂਨੀਅਨ ਤੋਂ ਸੁਖਪ੍ਰੀਤ ਕੌਰ, ਨੌਜਵਾਨ ਭਾਰਤ ਸਭਾ ਤੋਂ ਬ੍ਰਿਜ ਲਾਲ ਰਾਜੇਆਣਾ, ਕਰਮਜੀਤ ਮਾਣੂੰਕੇ, ਡੈਮੋਕਰੈਟਿਕ ਮੁਲਾਜਮ ਫੈਡਰੇਸ਼ਨ ਤੋਂ ਸੁਖਵਿੰਦਰ ਲੀਲ, ਚਿੰਤਨ ਪ੍ਰਕਾਸ਼ਨ ਤੋਂ ਅਰੁਣ ਕੁਮਾਰ, ਬੀਕੇਯੂ ਡਕੌਂਦਾ ਤੋਂ ਤਰਸੇਮ ਸਿੰਘ, ਪੇਂਡੂ ਮਜ਼ਦੂਰ ਯੂਨੀਅਨ ਤੋਂ ਨਿਰਮਲ ਸਿੰਘ ਰਸੂਲਪੁਰ, ਪੈਂਨਸ਼ਰਨਸ ਯੂਨੀਅਨ ਤੋਂ ਜਗਦੀਸ਼ ਸਿੰਘ ਕਾਉਂਕੇ, ਬਚਨ ਸਿੰਘ, ਬਲਵੀਰ ਸਿੰਘ, ਡੀ.ਟੀ.ਐਫ ਤੋਂ ਰਮਨਜੀਤ ਸੰਧੂ, ਡਾ. ਅੰਬੇਦਕਰ ਟਰੱਸਟ ਤੋਂ ਰਣਜੀਤ ਸਿੰਘ ਹਠੂਰ, ਦਰਸ਼ਨ ਸਿੰਘ, ਹਰਦੀਪ ਸਿੰਘ, ਹਰਮੰਦਰ ਸਿੰਘ ਹਾਜ਼ਰ ਸਨ।
1
