ਚੰਡੀਗੜ੍ਹ, 21.05.2025: ਯੂਟੀ ਚੰਡੀਗੜ੍ਹ ਸਕੱਤਰੇਤ ਵਿੱਚ ਅੱਜ 8ਵੀਂ ਰਾਜ ਪੱਧਰੀ ਐੱਨਸੀਓਆਰਡੀ (NCORD) ਬੈਠਕ ਯੂਟੀ ਚੰਡੀਗੜ੍ਹ ਦੇ ਮੁੱਖ ਸਕੱਤਰ, ਸ਼੍ਰੀ ਰਾਜੀਵ ਵਰਮਾ ਦੀ ਪ੍ਰਧਾਨਗੀ ਵਿੱਚ ਆਯੋਜਿਤ ਕੀਤੀ ਗਈ। ਇਸ ਬੈਠਕ ਦਾ ਉਦੇਸ਼ ਨਸ਼ਾ ਮੁਕਤ ਭਾਰਤ (Nasha Mukt Bharat/Drug Free India) ਦੇ ਲਕਸ਼ ਨੂੰ ਪ੍ਰਾਪਤ ਕਰਨ ਵਿੱਚ ਯੋਗਦਾਨ ਦੇਣਾ ਹੈ।
ਬੈਠਕ ਦੇ ਦੌਰਾਨ, ਮੁੱਖ ਸਕੱਤਰ ਨੇ ਪਿਛਲੀ ਰਾਜ ਪੱਧਰੀ ਐੱਨਸੀਓਆਰਡੀ (NCORD) ਬੈਠਕ ਦੀ ਕਾਰਵਾਈ ਰਿਪੋਰਟ ਦੀ ਸਮੀਖਿਆ ਕੀਤੀ। ਪਿਛਲੇ ਤਿੰਨ ਵਰ੍ਹਿਆਂ ਦੇ ਦੌਰਾਨ ਗ੍ਰਿਫ਼ਤਾਰ ਕੀਤੇ ਗਏ ਵਿਅਕਤੀਆਂ, ਜ਼ਬਤੀਆਂ ਅਤੇ ਨਸ਼ੀਲੇ ਪਦਾਰਥਾਂ ਦੇ ਨਿਪਟਾਰੇ ਦੇ ਵੇਰਵੇ ਭੀ ਪ੍ਰਸਤੁਤ ਕੀਤੇ ਗਏ।
ਮੁੱਖ ਸਕੱਤਰ ਨੇ ਓਲਾ, ਉਬੇਰ, ਰੈਪਿਡੋ (Ola, Uber, Rapido) ਜਿਹੀਆਂ ਕੋਰੀਅਰ (courier) ਕੰਪਨੀਆਂ ਅਤੇ ਐਗਰੀਗੇਟਰ ਐਪਸ ਦੇ ਸਟਾਫ਼ ਨੂੰ ਸੰਵੇਦਨਸ਼ੀਲ ਬਣਾਉਣ ਦੀ ਜ਼ਰੂਰਤ ‘ਤੇ ਜ਼ੋਰ ਦਿੱਤਾ। ਉਨ੍ਹਾਂ ਨੇ ਨਿਰਦੇਸ਼ ਦਿੱਤੇ ਕਿ ਅਜਿਹੇ ਸੇਵਾ ਪ੍ਰਦਾਤਾਵਾਂ ਦੇ ਲਈ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਦੀ ਰੋਕਥਾਮ ਲਈ ਹੋਰ ਵਿਸ਼ਿਸ਼ਟ ਅਤੇ ਜਾਗਰੂਕਤਾ ਸੈਸ਼ਨ ਕਰਵਾਏ ਜਾਣ। ਇਸ ਤੋਂ ਇਲਾਵਾ, ਮੁੱਖ ਸਕੱਤਰ ਨੇ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਉਹ ਨਾਰਕੌਟਿਕ ਡਰੱਗਸ ਐਂਡ ਸਾਇਕੋਟ੍ਰੌਪਿਕ ਸਬਸਟੈਂਸਿਜ਼ ਐਕਟ (PITNDPS Act) ਦੀ ਪ੍ਰਭਾਵਸ਼ਾਲੀ ਢੰਗ ਨਾਲ ਵਰਤੋਂ ਕਰਨ ਅਤੇ ਐੱਨਡੀਪੀਐੱਸ (NDPS) ਐਕਟ ਦੇ ਤਹਿਤ ਨਸ਼ੀਲੇ ਪਦਾਰਥਾਂ ਦੀ ਤਸਕਰੀ ਤੋਂ ਨਸ਼ਾ ਤਸਕਰਾਂ ਦੁਆਰਾ ਪ੍ਰਾਪਤ ਕੀਤੀ ਪ੍ਰਾਪਰਟੀ ਨੂੰ ਕੁਰਕ ਕਰਨ, ਫ੍ਰੀਜ਼ ਕਰਨ ਅਤੇ ਜ਼ਬਤ ਕਰਨ।
ਮੁੱਖ ਸਕੱਤਰ ਨੇ ਮਾਨਸ ਪੋਰਟਲ (MANAS Portal) ਬਾਰੇ ਜਾਗਰੂਕਤਾ ਵਧਾਉਣ ‘ਤੇ ਜ਼ੋਰ ਦਿੱਤਾ, ਤਾਕਿ ਅਧਿਕ ਤੋਂ ਅਧਿਕ ਲੋਕ ਰਾਸ਼ਟਰੀ ਟੋਲ-ਫ੍ਰੀ ਨੰਬਰ 1933 ਅਤੇ ਈਮੇਲ ਪਤੇ – Info.ncbmanas@gov.in ‘ਤੇ ਮਾਨਸ ਪੋਰਟਲ (MANAS Portal) ਦਾ ਉਪਯੋਗ ਕਰਨ। ਇਸ ਤੋਂ ਇਲਾਵਾ, ਸ਼ਹਿਰ ਵਿੱਚ ਸਮੇਂ-ਸਮੇਂ ‘ਤੇ ਮੈਰਾਥੌਨ, ਸਾਇਕਲੋਥੌਨ, ਫਲੈਸ਼ ਮੌਬਸ ਅਤੇ ਰੈਲੀਆਂ (marathons, cyclothons, flash mobs and rallies) ਆਦਿ ਜਿਹੀਆਂ ਕਈ ਹੋਰ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਜਾਵੇਗਾ, ਤਾਕਿ ਲੋਕਾਂ ਵਿੱਚ ਨਸ਼ਾ ਵਿਰੋਧੀ ਸੰਦੇਸ਼ ਫੈਲਾਇਆ ਜਾ ਸਕੇ। ਉਨ੍ਹਾਂ ਨੇ ਅੱਗੇ ਨਿਰਦੇਸ਼ ਦਿੱਤੇ ਕਿ ਨਸ਼ਾ ਤਸਕਰਾਂ ਦੇ ਪੂਰੇ ਨੈੱਟਵਰਕ ਨੂੰ ਖ਼ਤਮ ਕੀਤਾ ਜਾਵੇ, ਅਤੇ ਚਾਰਜਸ਼ੀਟ ਦਾਇਰ ਹੋਣ ਤੋਂ ਬਾਅਦ ਵੀ ਜਾਂਚ ਜਾਰੀ ਰਹੇ ਤਾਕਿ ਨੈੱਟਵਰਕ ਨੂੰ ਪੂਰੀ ਤਰ੍ਹਾਂ ਖ਼ਤਮ ਕੀਤਾ ਜਾ ਸਕੇ।
ਬੈਠਕ ਦੇ ਦੌਰਾਨ ਸ਼੍ਰੀ ਮਨਦੀਪ ਸਿੰਘ ਬਰਾੜ, ਗ੍ਰਹਿ ਸਕੱਤਰ; ਸ਼੍ਰੀ ਰਾਜ ਕੁਮਾਰ ਸਿੰਘ, ਆਈਜੀਪੀ ਚੰਡੀਗੜ੍ਹ; ਐੱਨਸੀਬੀ ਦੇ ਜ਼ੋਨਲ ਡਾਇਰੈਕਟਰ, ਸ਼੍ਰੀ ਅਮਨਜੀਤ ਸਿੰਘ; ਆਈਜੀ ਬੀਐੱਸਐੱਫ, ਸ਼੍ਰੀ ਹਰਬੰਸ ਸਿੰਘ ਢਿੱਲੋਂ; ਡੀਆਈਜੀ ਬੀਐੱਸਐੱਫ, ਸ਼੍ਰੀ ਮਨੋਜ ਕਾਰਕੀ; ਸਕੱਤਰ ਸਿੱਖਿਆ ਚੰਡੀਗੜ੍ਹ, ਸ਼੍ਰੀਮਤੀ ਪ੍ਰੇਰਣਾ ਪੁਰੀ; ਸਕੱਤਰ ਸਿਹਤ, ਸ਼੍ਰੀ ਅਜੈ ਚਗਤੀ; ਚੰਡੀਗੜ੍ਹ ਦੇ ਡਿਪਟੀ ਕਮਿਸ਼ਨਰ ਸ਼੍ਰੀ ਨਿਸ਼ਾਂਤ ਯਾਦਵ; ਸਕੱਤਰ ਸਮਾਜ ਭਲਾਈ, ਸ਼੍ਰੀਮਤੀ ਅਨੁਰਾਧਾ ਐੱਸ ਚਗਤੀ ਅਤੇ ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਹੋਰ ਸੀਨੀਅਰ ਅਧਿਕਾਰੀ ਉਪਸਥਿਤ ਸਨ।
