ਪੰਜਾਬ ਦੇ ਰਾਜਪਾਲ ਅਤੇ ਯੂ.ਟੀ. ਚੰਡੀਗੜ੍ਹ ਦੇ ਪ੍ਰਸ਼ਾਸਕ, ਸ਼੍ਰੀ ਗੁਲਾਬ ਚੰਦ ਕਟਾਰੀਆ ਨੇ ਅੱਜ ਮਿਸ਼ਨ ਸ਼ਕਤੀ ਦੀ ‘ਪਾਲਨਾ’ ਯੋਜਨਾ ਦੇ ਤਹਿਤ ਸੈਕਟਰ 7 ਵਿਖੇ ਲੋਕ ਭਵਨ ਕ੍ਰੈਚ ਦਾ ਉਦਘਾਟਨ ਕੀਤਾ। ਇਹ ਬੱਚਿਆਂ ਲਈ ਸੁਰੱਖਿਅਤ, ਗੁਣਵੱਤਾ ਵਾਲੀਆਂ ਬਾਲ ਦੇਖਭਾਲ਼ ਸੁਵਿਧਾਵਾਂ ਪ੍ਰਦਾਨ ਕਰਨ ਅਤੇ ਕੰਮਕਾਜੀ ਮਾਪਿਆਂ ਨੂੰ ਬਿਹਤਰ ਸਹਿਯੋਗ ਦੇਣ ਦੀ ਦਿਸ਼ਾ ਵਿੱਚ ਇੱਕ ਹੋਰ ਮਹੱਤਵਪੂਰਨ ਕਦਮ ਹੈ।
ਇਸ ਨਵੇਂ ਕ੍ਰੈਚ ਦੀ ਇੱਕ ਪ੍ਰਮੁੱਖ ਵਿਸ਼ੇਸ਼ਤਾ ਮਾਪਿਆਂ/ਸਰਪ੍ਰਸਤਾਂ ਲਈ ਸੁਰੱਖਿਅਤ ਸੀਸੀਟੀਵੀ ਦੇਖਣ ਦੀ ਸੁਵਿਧਾ ਹੈ। ਪਹਿਲਾਂ ਸਹਿਮਤੀ ਨਾਲ, ਇਹ ਸੁਵਿਧਾ ਉਨ੍ਹਾਂ ਨੂੰ ਕ੍ਰੈਚ ਦੇ ਸੰਚਾਲਨ ਦੇ ਘੰਟਿਆਂ ਦੌਰਾਨ ਆਪਣੇ ਬੱਚਿਆਂ ਨੂੰ ਦੇਖਣ ਦੇ ਸਮਰੱਥ ਬਣਾਉਂਦੀ ਹੈ। ਇਹ ਸੁਵਿਧਾ ਯੂ.ਟੀ. ਚੰਡੀਗੜ੍ਹ ਵਿੱਚ ਪਹਿਲੀ ਵਾਰ ਸ਼ੁਰੂ ਕੀਤੀ ਜਾ ਰਹੀ ਹੈ ਅਤੇ ਬਾਅਦ ਵਿੱਚ ਇਸ ਨੂੰ ਹੋਰ ਕ੍ਰੈਚ ਸੈਂਟਰਾਂ ਤੱਕ ਵਿਸਤਾਰਿਤ ਕੀਤਾ ਜਾਵੇਗਾ।
ਉਦਘਾਟਨ ਦੇ ਦੌਰਾਨ, ਸ਼੍ਰੀ ਕਟਾਰੀਆ ਨੇ ਨਵ ਵਿਕਸਿਤ ਪੋਸ਼ਣ ਵਾਟਿਕਾ ਦਾ ਦੌਰਾ ਕੀਤਾ, ਰੁੱਖ ਲਗਾਉਣ ਦੀ ਮੁਹਿੰਮ ਵਿੱਚ ਹਿੱਸਾ ਲਿਆ ਅਤੇ ਕ੍ਰੈਚ ਦੀਆਂ ਸੁਵਿਧਾਵਾਂ ਦਾ ਨਿਰੀਖਣ ਕੀਤਾ। ਉਨ੍ਹਾਂ ਨੇ ਬੱਚਿਆਂ ਅਤੇ ਉਨ੍ਹਾਂ ਦੇ ਮਾਪਿਆਂ ਨਾਲ ਗੱਲਬਾਤ ਵੀ ਕੀਤੀ। ਮਾਪਿਆਂ ਨੇ ਇਸ ਪਹਿਲ ਦਾ ਸੁਆਗਤ ਕੀਤਾ ਅਤੇ ਆਪਣੇ ਬੱਚਿਆਂ ਨੂੰ ਪ੍ਰਦਾਨ ਕੀਤੇ ਗਏ ਸੁਰੱਖਿਅਤ ਅਤੇ ਪੋਸ਼ਣ ਵਾਲੇ ਮਾਹੌਲ ਲਈ ਆਪਣੀ ਸ਼ਲਾਘਾ ਵਿਅਕਤ ਕੀਤੀ, ਜੋ ਵਿਸ਼ੇਸ਼ ਕਰਕੇ ਕੰਮ ਕਰਨ ਵਾਲੇ ਮਾਪਿਆਂ ਅਤੇ ਮਹਿਲਾਵਾਂ ਨੂੰ ਆਪਣੀਆਂ ਪੇਸ਼ੇਵਰ ਜ਼ਿੰਮੇਦਾਰੀਆਂ ਨੂੰ ਸੰਤੁਲਿਤ ਕਰਨ ਵਿੱਚ ਮਦਦ ਕਰੇਗਾ।
ਇਸ ਅਵਸਰ ‘ਤੇ ਸ਼੍ਰੀ ਕਟਾਰੀਆ ਦੇ ਨਾਲ ਸਕੱਤਰ ਸ਼੍ਰੀ ਹਰਪ੍ਰੀਤ ਸਿੰਘ ਸੂਦਨ, ਅਤੇ ਸਮਾਜ ਭਲਾਈ, ਮਹਿਲਾ ਅਤੇ ਬਾਲ ਵਿਕਾਸ, ਡਾਇਰੈਕਟਰ ਸ਼੍ਰੀ ਨਵੀਨ ਡੈਨਿਕਸ ਦੇ ਨਾਲ-ਨਾਲ ਸੀਨੀਅਰ ਅਧਿਕਾਰੀ, ਸਟਾਫ਼, ਬੱਚੇ ਅਤੇ ਉਨ੍ਹਾਂ ਦੇ ਮਾਪੇ ਉਪਸਥਿਤ ਸਨ।
‘ਪਾਲਨਾ’ ਯੋਜਨਾ ਦੇ ਤਹਿਤ, ਪੂਰੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਚੰਡੀਗੜ੍ਹ ਵਿੱਚ 210 ਆਂਗਣਵਾੜੀ-ਅਤੇ-ਕ੍ਰੈੱਚ (ਏਡਬਲਿਊਸੀਸੀਜ਼) ਸੰਚਾਲਿਤ ਹਨ। ਇਨ੍ਹਾਂ ਵਿੱਚ 18 ਮਾਡਲ ਆਂਗਣਵਾੜੀ-ਅਤੇ-ਕ੍ਰੈੱਚ (ਏਡਬਲਿਊਸੀਸੀਜ਼) ਸ਼ਾਮਲ ਹਨ, ਜਿਨ੍ਹਾਂ ਨੂੰ ਸੁਰੱਖਿਆ, ਸਵੱਛਤਾ, ਸ਼ੁਰੂਆਤੀ ਬਾਲ ਅਵਸਥਾ ਦੇਖਭਾਲ਼ ਅਤੇ ਸਿੱਖਿਆ (ਈਸੀਸੀਈ ) ਅਤੇ ਪੋਸ਼ਣ ਲਈ ਬੈਂਚਮਾਰਕ ਕੇਂਦਰਾਂ ਦੇ ਰੂਪ ਵਿੱਚ ਵਿਕਸਿਤ ਕੀਤਾ ਗਿਆ ਹੈ।
