‘ਹਰ ਘਰ ਤਿਰੰਗਾ’ ਮੁਹਿੰਮ ਦਾ ਅੱਜ ਚੰਡੀਗੜ੍ਹ ਦੇ ਸੈਕਟਰ 42 ਸਥਿਤ ਨਿਊ ਲੇਕ ‘ਤੇ ਆਯੋਜਿਤ ਸ਼ਾਨਦਾਰ ਅਤੇ ਉਤਸ਼ਾਹਪੂਰਨ ਸਮਾਪਨ ਸਮਾਰੋਹ ਹੋਇਆ। ਇਸ ਸਮਾਗਮ ਦਾ ਆਯੋਜਨ ਯੂ.ਟੀ. ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਸੱਭਿਆਚਾਰਕ ਮਾਮਲੇ ਵਿਭਾਗ ਅਤੇ ਟੂਰਿਜ਼ਮ ਵਿਭਾਗ ਦੁਆਰਾ ਕੀਤਾ ਗਿਆ।
ਪੰਜਾਬ ਦੇ ਮਾਣਯੋਗ ਰਾਜਪਾਲ ਅਤੇ ਯੂ.ਟੀ. ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਸ਼੍ਰੀ ਗੁਲਾਬ ਚੰਦ ਕਟਾਰੀਆ ਨੇ ਮੁੱਖ ਮਹਿਮਾਨ ਦੇ ਰੂਪ ਵਿੱਚ ਸਮਾਰੋਹ ਦੀ ਸ਼ੋਭਾ ਵਧਾਈ।
ਸਮਾਰੋਹ ਦਾ ਇੱਕ ਪ੍ਰਮੁੱਖ ਆਕਰਸ਼ਣ ਬਾਇਕ ਅਤੇ ਵਿੰਟੇਜ ਕਾਰ ਰੈਲੀ ਰਹੀ, ਜਿਸ ਨੂੰ ਪ੍ਰਸ਼ਾਸਕ ਨੇ ਰਸਮੀ ਤੌਰ ‘ਤੇ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕੀਤਾ। ਮੋਟਰਸਾਇਕਲਾਂ ਅਤੇ ਵਿੰਟੇਜ ਕਾਰਾਂ ਨਾਲ ਸੁਸੱਜਿਤ ਇਸ ਪ੍ਰਭਾਵਸ਼ਾਲੀ ਰੈਲੀ ਨੇ ਸਮਾਰੋਹ ਨੂੰ ਵਿਸ਼ਿਸ਼ਟ ਗਰਿਮਾ ਪ੍ਰਦਾਨ ਕੀਤੀ ਅਤੇ ਉਪਸਥਿਤ ਲੋਕਾਂ ਨੇ ਇਸ ਦਾ ਉਤਸ਼ਾਹਪੂਰਵਕ ਸੁਆਗਤ ਕੀਤਾ।
ਇਸ ਤੋਂ ਬਾਅਦ ਪ੍ਰਸ਼ਾਸਕ ਨੇ ਸਥਾਨ ‘ਤੇ ਆਯੋਜਿਤ ਵਿਭਿੰਨ ਪ੍ਰਦਰਸ਼ਨੀਆਂ ਅਤੇ ਪ੍ਰਸਤੁਤੀਆਂ ਦਾ ਅਵਲੋਕਨ ਕੀਤਾ। ਉਨ੍ਹਾਂ ਨੇ ਭਾਰਤੀ ਸੈਨਾ ਦੁਆਰਾ ਪ੍ਰਸਤੁਤ ਹਥਿਆਰਾਂ ਅਤੇ ਡ੍ਰੋਨ ਦੀ ਪ੍ਰਦਰਸ਼ਨੀ ਦੇ ਨਾਲ-ਨਾਲ ਆਈਟੀਬੀਪੀ ਦੁਆਰਾ ਆਯੋਜਿਤ ਹਥਿਆਰ ਪ੍ਰਦਰਸ਼ਨੀ, ਕਰਾਟੇ ਪ੍ਰਦਰਸ਼ਨ ਅਤੇ ਡੌਗ ਸ਼ੋਅ ਵੀ ਦੇਖਿਆ।
ਉਨ੍ਹਾਂ ਨੇ ਵਿਸ਼ੇਸ਼ ਤੌਰ ‘ਤੇ “ਵੰਦੇ ਮਾਤਰਮ” ਦੇ ਥੀਮ ਅਤੇ ਆਧੁਨਿਕ ਭਾਰਤ ਦੀਆਂ ਹਾਲੀਆ ਉਪਲਬਧੀਆਂ ‘ਤੇ ਅਧਾਰਿਤ ਸ਼ਾਨਦਾਰ ਲਾਇਟ, ਲੇਜ਼ਰ ਅਤੇ ਸਾਊਂਡ ਸ਼ੋਅ ਦਾ ਵੀ ਅਵਲੋਕਨ ਕੀਤਾ। ਪ੍ਰਕਾਸ਼, ਧੁਨੀ ਅਤੇ ਵਿਜ਼ੂਅਲ ਪ੍ਰਭਾਵਾਂ ਦੇ ਆਕਰਸ਼ਕ ਤਾਲਮੇਲ ਦੇ ਜ਼ਰੀਏ ਇਸ ਪ੍ਰਸਤੁਤੀ ਨੇ ਰਾਸ਼ਟਰ ਦੀ ਦੇਸ਼ਭਗਤੀ ਦੀ ਭਾਵਨਾ ਨੂੰ ਅਭਿਵਿਅਕਤ ਕਰਨ ਦੇ ਨਾਲ-ਨਾਲ ਹਾਲ ਹੀ ਦੇ ਵਰ੍ਹਿਆਂ ਵਿੱਚ ਭਾਰਤ ਦੀ ਜ਼ਿਕਰਯੋਗ ਪ੍ਰਗਤੀ ਅਤੇ ਉਪਲਬਧੀਆਂ ਦੀ ਸ਼ਾਨਦਾਰ ਯਾਤਰਾ ਨੂੰ ਵੀ ਪ੍ਰਭਾਵਸ਼ਾਲੀ ਢੰਗ ਨਾਲ ਪ੍ਰਸਤੁਤ ਕੀਤਾ।
ਵਿਭਿੰਨ ਸੰਗੀਤ ਅਤੇ ਨ੍ਰਿਤ ਪ੍ਰਸਤੁਤੀਆਂ ਨੇ ਵੀ ਸਮਾਰੋਹ ਨੂੰ ਹੋਰ ਅਧਿਕ ਜੀਵੰਤ ਬਣਾਇਆ। ਇਨ੍ਹਾਂ ਪ੍ਰਸਤੁਤੀਆਂ ਵਿੱਚ ਦੇਸ਼ ਦੀ ਸਮ੍ਰਿੱਧ ਵਿਰਾਸਤ, ਏਕਤਾ ਅਤੇ ਰਾਸ਼ਟਰੀ ਗੌਰਵ ਦੀ ਝਲਕ ਦੇਖਣ ਨੂੰ ਮਿਲੀ ਅਤੇ ਸਮਾਪਨ ਸਮਾਰੋਹ ਵਿੱਚ ਵਿਸ਼ੇਸ਼ ਉਤਸ਼ਾਹ ਦਾ ਸੰਚਾਰ ਹੋਇਆ।
ਭਾਰਤੀ ਸੈਨਾ ਅਤੇ ਆਈਟੀਬੀਪੀ ਦੀ ਭਾਗੀਦਾਰੀ ਸਮਾਗਮ ਦੇ ਪ੍ਰਮੁੱਖ ਆਕਰਸ਼ਣਾਂ ਵਿੱਚ ਰਹੀ। ਉਨ੍ਹਾਂ ਦੇ ਪ੍ਰਭਾਵਸ਼ਾਲੀ ਪ੍ਰਦਰਸ਼ਨਾਂ ਨੇ ਨਾਗਰਿਕਾਂ ਨੂੰ ਦੇਸ਼ ਦੇ ਹਥਿਆਰਬੰਦ ਅਤੇ ਸੁਰੱਖਿਆ ਬਲਾਂ ਦੇ ਸ਼ੌਰਯ, ਅਨੁਸ਼ਾਸਨ, ਤਤਪਰਤਾ ਅਤੇ ਸੇਵਾ ਭਾਵਨਾ ਨੂੰ ਨੇੜਿਓਂ ਦੇਖਣ ਦਾ ਅਵਸਰ ਪ੍ਰਦਾਨ ਕੀਤਾ।
ਸਮਾਰੋਹ ਵਿੱਚ ਨਾਗਰਿਕਾਂ ਨੇ ਉਤਸ਼ਾਹਪੂਰਵਕ ਹਿੱਸਾ ਲਿਆ ਅਤੇ ਇਸ ਆਯੋਜਨ ਨੇ ਰਾਸ਼ਟਰੀ ਏਕਤਾ, ਦੇਸ਼ਭਗਤੀ ਅਤੇ ਤਿਰੰਗੇ ਦੇ ਪ੍ਰਤੀ ਗੌਰਵ ਦੇ ਸੰਦੇਸ਼ ਨੂੰ ਹੋਰ ਮਜ਼ਬੂਤ ਕੀਤਾ। ਨਾਗਰਿਕਾਂ, ਸੰਸਥਾਵਾਂ, ਹਥਿਆਰਬੰਦ ਅਤੇ ਸੁਰੱਖਿਆ ਬਲਾਂ ਅਤੇ ਸੱਭਿਆਚਾਰਕ ਕਲਾਕਾਰਾਂ ਦੀ ਸਹਿਭਾਗਿਤਾ ਨੇ ਇਸ ਅਵਸਰ ਨੂੰ ਚੰਡੀਗੜ੍ਹ ਵਿੱਚ ‘ਹਰ ਘਰ ਤਿਰੰਗਾ’ ਮੁਹਿੰਮ ਦਾ ਯਾਦਗਾਰੀ ਅਤੇ ਗਰਿਮਾਪੂਰਨ ਸਮਾਪਨ ਬਣਾ ਦਿੱਤਾ।
ਇਸ ਅਵਸਰ ‘ਤੇ ਗ੍ਰਹਿ ਸਕੱਤਰ ਸ਼੍ਰੀ ਮਨਦੀਪ ਸਿੰਘ ਬਰਾੜ; ਵਿੱਤ ਸਕੱਤਰ ਸ਼੍ਰੀ ਦੀਪਰਵਾ ਲਾਕੜਾ; ਸਕੱਤਰ, ਸਾਇੰਸ ਅਤੇ ਟੈਕਨੋਲੋਜੀ ਸ਼੍ਰੀ ਸੌਰਭ ਕੁਮਾਰ; ਸਕੱਤਰ,ਪ੍ਰਾਹੁਣਾਚਾਰੀ ਸ਼੍ਰੀ ਸਵਪਨਿਲ ਐੱਮ. ਨਾਇਕ;ਸਕੱਤਰ, ਸਹਿਕਾਰਤਾ ਸ਼੍ਰੀ ਮੁਹੰਮਦ ਮਨਸੂਰ ਐੱਲ.; ਸੀਐੱਸਐੱਸ ਸਕੱਤਰ, ਕਿਰਤ ਅਤੇ ਰੋਜ਼ਗਾਰ ਸੁਸ਼੍ਰੀ ਅਨੁਰਾਧਾ ਐੱਸ. ਚਗਤੀ ਅਤੇ ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਹੋਰ ਸੀਨੀਅਰ ਅਧਿਕਾਰੀ ਉਪਸਥਿਤ ਰਹੇ।
‘ਵੰਦੇ ਮਾਤਰਮ’ ਦੀ ਭਾਵਨਾ ਨੂੰ ਸਮਰਪਿਤ ਇਹ ਸਮਾਪਨ ਸਮਾਰੋਹ ਮੁਹਿੰਮ ਦਾ ਇੱਕ ਸਾਰਥਕ ਅਤੇ ਗਰਿਮਾਪੂਰਨ ਸਮਾਪਨ ਸਿੱਧ ਹੋਇਆ ਜਿਸ ਵਿੱਚ ਰਾਸ਼ਟਰੀ ਝੰਡੇ ਦੇ ਸਨਮਾਨ ਦੇ ਨਾਲ-ਨਾਲ ਆਧੁਨਿਕ ਭਾਰਤ ਦੇ ਸਮੂਹਿਕ ਗੌਰਵ, ਪ੍ਰਗਤੀ ਅਤੇ ਆਕਾਂਖਿਆਵਾਂ ਦਾ ਵੀ ਉਤਸਵ ਮਨਾਇਆ ਗਿਆ।
