ਚੰਡੀਗੜ੍ਹ, 13 ਅਪ੍ਰੈਲ, 2026: ਚਲ ਰਹੇ ਪੋਸ਼ਣ ਪਖਵਾੜਾ ਸਮਾਰੋਹ ਦੇ ਤਹਿਤ ਯੂਟੀ ਚੰਡੀਗੜ੍ਹ ਵਿੱਚ ਪੋਸ਼ਣ, ਸਿਹਤ ਅਤੇ ਸ਼ੁਰੂਆਤੀ ਬਾਲ ਅਵਸਥਾ ਦੇਖਭਾਲ਼ ਅਤੇ ਸਿੱਖਿਆ (ਈਸੀਸੀਈ/ECCE) ਨੂੰ ਹੁਲਾਰਾ ਦੇਣ ਹਿਤ ਵਿਭਿੰਨ ਜਾਗਰੂਕਤਾ ਅਤੇ ਗਤੀਵਿਧੀ-ਅਧਾਰਿਤ ਪ੍ਰੋਗਰਾਮ ਸਫ਼ਲਤਾਪੂਰਵਕ ਆਯੋਜਿਤ ਕੀਤੇ ਗਏ।
ਮੌਲੀ ਕਲੋਨੀ ਸਰਕਲ ਵਿਖੇ, ਸ਼ੁਰੂਆਤੀ ਬਾਲ ਅਵਸਥਾ ਦੇਖਭਾਲ਼ ਅਤੇ ਸਿੱਖਿਆ (ਈਸੀਸੀਈ/ECCE) ਥੀਮ ‘ਤੇ ਅਧਾਰਿਤ ਖੇਡ-ਅਧਾਰਿਤ ਮਨੋਰੰਜਕ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਗਿਆ, ਜਿਨ੍ਹਾਂ ਵਿੱਚ ਛੋਟੇ ਬੱਚਿਆਂ ਨੇ ਉਤਸ਼ਾਹਪੂਰਵਕ ਹਿੱਸਾ ਲੈਂਦੇ ਹੋਏ ਆਨੰਦਮਈ ਅਤੇ ਇੰਟਰਐਕਟਿਵ ਸਿੱਖਿਆ ਦਾ ਅਨੁਭਵ ਕੀਤਾ। ਉੱਥੇ ਹੀ, ਬੁੜੈਲ ਸਰਕਲ ਵਿਖੇ “ਖੇਡ-ਅਧਾਰਿਤ ਲਰਨਿੰਗ ਗਤੀਵਿਧੀਆਂ ‘ਤੇ ਸਮੁਦਾਇਕ ਚਰਚਾ” ਆਯੋਜਿਤ ਕੀਤੀ ਗਈ, ਜਿਸ ਦਾ ਉਦੇਸ਼ ਸਮੁਦਾਇ ਦੇ ਮੈਂਬਰਾਂ ਨੂੰ ਸ਼ੁਰੂਆਤੀ ਬਾਲ ਅਵਸਥਾ ਵਿੱਚ ਉਤੇਜਨਾ ਅਤੇ ਖੇਡਾਂ ਦੇ ਜ਼ਰੀਏ ਸਿੱਖਣ ਦੇ ਮਹੱਤਵ ਬਾਰੇ ਜਾਗਰੂਕ ਕਰਨਾ ਸੀ।
ਇਸੇ ਕ੍ਰਮ ਵਿੱਚ, ਧਨਾਸ ਸਰਕਲ ਵਿਖੇ 3 ਤੋਂ 6 ਵਰ੍ਹੇ ਉਮਰ ਵਰਗ ਦੇ ਬੱਚਿਆਂ ਲਈ ਖੇਡ-ਅਧਾਰਿਤ ਸ਼ੁਰੂਆਤੀ ਬਾਲ ਅਵਸਥਾ ਦੇਖਭਾਲ਼ ਅਤੇ ਸਿੱਖਿਆ (ਈਸੀਸੀਈ/ECCE) ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਗਿਆ, ਜਿਨ੍ਹਾਂ ਵਿੱਚ ਬੱਚਿਆਂ ਨੇ ਵਧ-ਚੜ੍ਹ ਕੇ ਹਿੱਸਾ ਲਿਆ। ਇਸ ਦੌਰਾਨ ਹੈਂਡ ਪੇਂਟਿੰਗ, ਲੀਫ ਪੇਂਟਿੰਗ, ਥ੍ਰੈੱਡ ਪੇਂਟਿੰਗ, ਡ੍ਰਾਇੰਗ, ਵਰਣਮਾਲਾ ਸਿੱਖਣਾ ਅਤੇ ਫਲਾਂ ਦੀ ਰੰਗਾਈ ਜਿਹੀਆਂ ਕਈ ਰਚਨਾਤਮਕ ਅਤੇ ਰੋਚਕ ਗਤੀਵਿਧੀਆਂ ਆਯੋਜਿਤ ਕੀਤੀਆਂ ਗਈਆਂ। ਇਨ੍ਹਾਂ ਗਤੀਵਿਧੀਆਂ ਦਾ ਉਦੇਸ਼ ਬੱਚਿਆਂ ਵਿੱਚ ਰਚਨਾਤਮਕਤਾ, ਬੋਧਾਤਮਕ ਵਿਕਾਸ ਅਤੇ ਸੂਖਮ ਮੋਟਰ ਕੌਸ਼ਲ ਦਾ ਵਿਕਾਸ ਇੱਕ ਆਨੰਦਪੂਰਨ ਵਾਤਾਵਰਣ ਵਿੱਚ ਸੁਨਿਸ਼ਚਿਤ ਕਰਨਾ ਸੀ।
ਇਨ੍ਹਾਂ ਪ੍ਰਮੁੱਖ ਸਮਾਗਮਾਂ ਤੋਂ ਇਲਾਵਾ, ਪੋਸ਼ਣ ਪਖਵਾੜਾ ਦੇ ਤਹਿਤ ਵਿਭਿੰਨ ਹੋਰ ਗਤੀਵਿਧੀਆਂ ਵੀ ਆਯੋਜਿਤ ਕੀਤੀਆਂ ਗਈਆਂ, ਜਿਨ੍ਹਾਂ ਵਿੱਚ ਯੁਵਾ ਸਮੂਹ ਮੀਟਿੰਗਾਂ ਦਾ ਆਯੋਜਨ, ਮੋਟੇ ਅਨਾਜ (ਮਿਲੇਟਸ) ਦੇ ਪ੍ਰਚਾਰ-ਪ੍ਰਸਾਰ, ਕਿਚਨ ਗਾਰਡਨ ਨੂੰ ਹੁਲਾਰਾ ਦੇਣ ਦੀਆਂ ਮੁਹਿੰਮਾਂ, ਮਿਲੇਟਸ ਦੇ ਸੇਵਨ ਬਾਰੇ ਜਾਗਰੂਕਤਾ ਹਿਤ ਘਰੇਲੂ ਦੌਰੇ ਅਤੇ ਆਂਗਣਵਾੜੀ ਕੇਂਦਰਾਂ ਨੂੰ ਸਿਖਲਾਈ ਕੇਂਦਰਾਂ ਦੇ ਰੂਪ ਵਿੱਚ ਪ੍ਰੋਤਸਾਹਿਤ ਕਰਨਾ ਸ਼ਾਮਲ ਰਿਹਾ। ਨਾਲ ਹੀ, ਸ਼ੁਰੂਆਤੀ ਛਾਤੀ ਦਾ ਦੁੱਧ ਚੁੰਘਾਉਣ ਦੀਆਂ ਪਿਰਤਾਂ, ਗਰਭਵਤੀ ਮਹਿਲਾਵਾਂ ਲਈ ਪੋਸ਼ਣ ਵਿੱਚ ਮਿਲੇਟਸ ਦੇ ਉਪਯੋਗ, ਬੱਚਿਆਂ ਦੇ ਵਿਕਾਸ ਦੀ ਨਿਗਰਾਨੀ, 3-6 ਵਰ੍ਹਿਆਂ ਦੇ ਬੱਚਿਆਂ ਲਈ ਪ੍ਰੀ-ਸਕੂਲ ਸਿੱਖਿਆ ਅਤੇ ਸੰਸਥਾਗਤ ਜਣੇਪੇ ਨੂੰ ਹੁਲਾਰਾ ਦੇਣ ਹਿਤ ਵੀ ਜਾਗਰੂਕਤਾ ਗਤੀਵਿਧੀਆਂ ਸੰਚਾਲਿਤ ਕੀਤੀਆਂ ਗਈਆਂ।
ਇਨ੍ਹਾਂ ਸਾਰੀਆਂ ਪਹਿਲਾਂ ਵਿੱਚ ਲਾਭਾਰਥੀਆਂ, ਸਮੁਦਾਇ ਦੇ ਮੈਂਬਰਾਂ ਅਤੇ ਫੀਲਡ ਕਾਰਜਕਰਤਾਵਾਂ ਦੀ ਸਰਗਰਮ ਭਾਗੀਦਾਰੀ ਰਹੀ, ਜਿਸ ਨਾਲ ਪੋਸ਼ਣ, ਸਿਹਤ ਅਤੇ ਸ਼ੁਰੂਆਤੀ ਬਾਲ ਵਿਕਾਸ ਬਾਰੇ ਜਾਗਰੂਕਤਾ ਫੈਲਾਉਣ ਵਿੱਚ ਮਹੱਤਵਪੂਰਨ ਯੋਗਦਾਨ ਮਿਲਿਆ।
