ਚੰਡੀਗੜ੍ਹ, 20 ਸਤੰਬਰ, 2025: ਪੋਸ਼ਣ ਮਾਹ 2025 ਦੇ ਤਹਿਤ, ਸਮਾਜਿਕ ਕਲਿਆਣ, ਮਹਿਲਾ ਤੇ ਬਾਲ ਵਿਕਾਸ ਵਿਭਾਗ, ਯੂਟੀ ਚੰਡੀਗੜ੍ਹ ਦੁਆਰਾ ਸਿਹਤ ਅਤੇ ਪੋਸ਼ਣ ‘ਤੇ ਕੇਂਦ੍ਰਿਤ ਕਈ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਗਿਆ। ਸਿਹਤ ਵਿਭਾਗ ਦੇ ਸਹਿਯੋਗ ਨਾਲ ਆਂਗਣਵਾੜੀ ਕੇਂਦਰਾਂ (AWCs) ਅਤੇ ਭਾਈਚਾਰਿਆਂ ਵਿੱਚ ਬੱਚਿਆਂ ਅਤੇ ਕਿਸ਼ੋਰਾਂ ਵਿੱਚ ਮੋਟਾਪੇ ਦੀ ਪਹਿਚਾਣ ਲਈ ਬੀਐੱਮਆਈ (BMI) ਸਕ੍ਰੀਨਿੰਗ ਕੀਤੀ ਗਈ। ਡਿਜੀਟਲ ਸਿਹਤ ਰਿਕਾਰਡ ਕਵਰੇਜ ਸੁਨਿਸ਼ਚਿਤ ਕਰਨ ਦੇ ਲਈ ਮਨੀਮਾਜਰਾ ਟਾਊਨ ਵਿੱਚ ਆਭਾ ਆਈਡੀ (ABHA ID) ਬਣਾਉਣ ਦੀ ਮੁਹਿੰਮ ਦਾ ਆਯੋਜਨ ਕੀਤਾ ਗਿਆ। ਕਜਹੇੜੀ ਦੇ ਆਂਗਣਵਾੜੀ ਕੇਂਦਰਾਂ ਵਿੱਚ ਗਰਭਵਤੀ ਅਤੇ ਦੁੱਧ ਚੁੰਘਾਉਣ ਵਾਲੀਆਂ ਮਾਤਾਵਾਂ ਦੇ ਲਈ ਸ਼ਿਸ਼ੂ ਤੇ ਬਾਲ ਆਹਾਰ ਸਲਾਹ (ਆਈਵਾਈਸੀਐੱਫ/IYCF) ਸੈਸ਼ਨ ਅਤੇ ਇੱਕ ਕੁਇਜ਼ ਮੁਕਾਬਲਾ ਆਯੋਜਿਤ ਕੀਤਾ ਗਿਆ। ਉੱਥੇ ਹੀ, ਬੁੜੈਲ ਵਿੱਚ ਪੁਰਸ਼ ਅਭਿਭਾਵਕਾਂ ਨੇ ਹੋਰ ਮਾਪਿਆਂ ਨਾਲ ਸੰਵਾਦ ਕਰਕੇ ਬੱਚਿਆਂ ਦੇ ਪੋਸ਼ਣ ਅਤੇ ਦੇਖਭਾਲ਼ ਦੀ ਸਾਂਝੀ ਜ਼ਿੰਮੇਦਾਰੀ ਨੂੰ ਪ੍ਰੋਤਸਾਹਿਤ ਕੀਤਾ।
ਪੂਰਕ ਜਾਗਰੂਕਤਾ ਅਤੇ ਆਊਟਰੀਚ ਪ੍ਰੋਗਰਾਮਾਂ ਵਿੱਚ ਯੁਵਾ ਸਮੂਹ ਬੈਠਕਾਂ ਦਾ ਆਯੋਜਨ, ਮਿਲਟਸ ਦੀ ਵਰਤੋਂ ਦਾ ਪ੍ਰਚਾਰ, ਵਿਹੜੇ ਵਿੱਚ ਕਿਚਨ ਗਾਰਡਨ ਲਗਾਉਣ ਦੀਆਂ ਮੁਹਿੰਮਾਂ, ਘਰ-ਘਰ ਜਾ ਕੇ ਮਿਲਟਸ ਦੀ ਖਪਤ ਨੂੰ ਹੁਲਾਰਾ ਦੇਣਾ ਅਤੇ ਆਂਗਣਵਾੜੀ ਕੇਂਦਰਾਂ ਨੂੰ ਲਰਨਿੰਗ ਸੈਂਟਰ ਦੇ ਰੂਪ ਵਿੱਚ ਪ੍ਰੋਤਸਾਹਿਤ ਕਰਨਾ ਸ਼ਾਮਲ ਰਿਹਾ। ਹੋਰ ਪਹਿਲਾਂ ਵਿੱਚ ਓਆਰਐੱਸ (ORS) ਬਣਾਉਣ ਦਾ ਪ੍ਰਦਰਸ਼ਨ, ਪੌਸ਼ਟਿਕ ਆਹਾਰ ‘ਤੇ ਸਲੋਗਨ-ਲਿਖਣ ਮੁਕਾਬਲੇ, ਵਿਆਹ ਦੀ ਸਹੀ ਉਮਰ ‘ਤੇ ਭਾਸ਼ਣ, ਯੋਗ ਅਭਿਆਸ, ਆਧਾਰ ਨਾਮਾਂਕਣ ਦਾ ਮਹੱਤਵ, ਮੌਖਿਕ ਸਵੱਛਤਾ ਅਤੇ ਸੂਖਮ ਪੋਸ਼ਕ ਤੱਤਾਂ ਦੁਆਰਾ ਖੁਰਾਕੀ ਮਜ਼ਬੂਤੀ ‘ਤੇ ਪ੍ਰੋਗਰਾਮ ਆਯੋਜਿਤ ਕੀਤੇ ਗਏ। ਇਸ ਤੋਂ ਇਲਾਵਾ, ਘਰ-ਘਰ ਜਾ ਕੇ ਸਥਾਨਕ ਤੌਰ ‘ਤੇ ਉਪਲਬਧ ਸਮੱਗਰੀ ਦੀ ਵਰਤੋਂ ਕਰਦੇ ਹੋਏ ਪੂਰਕ ਆਹਾਰ ਦੀਆਂ ਰੈਸਿਪੀਆਂ ਸਾਂਝੀਆਂ ਕੀਤੀਆਂ ਗਈਆਂ ਅਤੇ ਗੰਭੀਰ ਤੌਰ ‘ਤੇ ਕੁਪੋਸ਼ਿਤ ਬੱਚਿਆਂ (ਐੱਸਏਐੱਮ/SAM) ਦੀ ਪਹਿਚਾਣ ਅਤੇ ਪ੍ਰਬੰਧਨ ਕਰਨ ਅਤੇ ਗ੍ਰੋਥ ਮੌਨਿਟਰਿੰਗ ਦੀਆਂ ਗਤੀਵਿਧੀਆਂ ਵੀ ਕੀਤੀਆਂ ਗਈਆਂ ਤਾਕਿ ਸਮੇਂ ‘ਤੇ ਦਖਲਅੰਦਾਜ਼ੀ ਸੁਨਿਸ਼ਚਿਤ ਹੋ ਸਕੇ।
ਇਨ੍ਹਾਂ ਯਤਨਾਂ ਦਾ ਉਦੇਸ਼ ਸਮੁਦਾਇਕ ਜਾਗਰੂਕਤਾ ਵਧਾਉਣਾ, ਤੰਦਰੁਸਤ ਆਹਾਰ ਪਿਰਤਾਂ ਨੂੰ ਪ੍ਰੋਤਸਾਹਿਤ ਕਰਨਾ ਅਤੇ ਬੱਚਿਆਂ, ਕਿਸ਼ੋਰਾਂ ਅਤੇ ਮਾਤਾਵਾਂ ਦੇ ਲਈ ਨਿਵਾਰਕ ਸਿਹਤ ਸੇਵਾਵਾਂ ਨੂੰ ਮਜ਼ਬੂਤ ਬਣਾਉਣਾ ਰਿਹਾ।
