ਚੰਡੀਗੜ੍ਹ ਪ੍ਰਸ਼ਾਸਨ ਵੱਲੋਂ ਸ਼ਹਿਰ ਵਿੱਚ ਪਾਇਪਡ ਨੈਚੁਰਲ ਗੈਸ (ਪੀਐੱਨਜੀ/PNG) ਬੁਨਿਆਦੀ ਢਾਂਚੇ ਦੇ ਨਿਰੰਤਰ ਵਿਸਤਾਰ ਦੀ ਜਾਣਕਾਰੀ ਦਿੱਤੀ ਜਾਂਦੀ ਹੈ, ਜਿਸ ਨਾਲ ਨਾਗਰਿਕਾਂ ਨੂੰ ਘਰੇਲੂ ਰਸੋਈ ਗੈਸ ਹਿਤ ਅਧਿਕ ਸੁਰੱਖਿਅਤ, ਸੁਵਿਧਾਜਨਕ ਅਤੇ ਦਕਸ਼ ਵਿਕਲਪ ਉਪਲਬਧ ਹੋ ਸਕੇ।
ਪਾਇਪਡ ਨੈਚੁਰਲ ਗੈਸ (ਪੀਐੱਨਜੀ/PNG) ਦੀ ਉਪਲਬਧਤਾ ਦੀ ਸਥਿਤੀ:
ਵਰਤਮਾਨ ਵਿੱਚ, ਪਾਇਪਡ ਨੈਚੁਰਲ ਗੈਸ (ਪੀਐੱਨਜੀ/PNG) ਸੈਕਟਰ 32 ਤੋਂ 38, 40, 42 ਤੋਂ 44, 46 ਅਤੇ 48 ਤੋਂ 51 ਵਿੱਚ ਪੂਰੀ ਤਰ੍ਹਾਂ ਉਪਲਬਧ ਹੈ,
ਜਦਕਿ ਇਹ ਸੈਕਟਰ 10, 11, 17, 22, 26, 28, 30, 41, 47, ਮਨੀਮਾਜਰਾ ਅਤੇ ਇੰਡਸਟ੍ਰੀਅਲ ਏਰੀਆ ਫੇਜ਼-I ਅਤੇ II ਵਿੱਚ ਅੰਸ਼ਕ ਤੌਰ ‘ਤੇ ਉਪਲਬਧ ਹੈ।
ਪੂਰੀ ਤਰ੍ਹਾਂ ਕਵਰ ਕੀਤੇ ਸੈਕਟਰਾਂ ਦੇ ਨਿਵਾਸੀਆਂ ਨੂੰ ਜਲਦੀ ਤੋਂ ਜਲਦੀ ਪਾਇਪਡ ਨੈਚੁਰਲ ਗੈਸ (ਪੀਐੱਨਜੀ/PNG) ਅਪਣਾਉਣ ਲਈ ਪ੍ਰੋਤਸਾਹਿਤ ਕੀਤਾ ਜਾਂਦਾ ਹੈ, ਜਦਕਿ ਅੰਸ਼ਕ ਤੌਰ ‘ਤੇ ਕਵਰ ਕੀਤੇ ਖੇਤਰਾਂ ਦੇ ਨਿਵਾਸੀ ਕਨੈਕਸ਼ਨ ਦੀ ਉਪਲਬਧਤਾ ਹਿਤ ਸੇਵਾ ਪ੍ਰਦਾਤਾ ਨਾਲ ਸੰਪਰਕ ਕਰ ਸਕਦੇ ਹਨ।
ਐੱਲਪੀਜੀ (LPG) ਤੋਂ ਪੀਐੱਨਜੀ (PNG) ਵਿੱਚ ਤਬਦੀਲੀ ਦੇ ਪ੍ਰਮੁੱਖ ਲਾਭ:
1. ਸੁਵਿਧਾ ਅਤੇ ਨਿਰੰਤਰ ਸਪਲਾਈ:
ਪੀਐੱਨਜੀ (PNG) ਪਾਇਪਲਾਇਨ ਨੈੱਟਵਰਕ ਦੇ ਜ਼ਰੀਏ ਉਪਲਬਧ ਹੁੰਦੀ ਹੈ, ਜਿਸ ਨਾਲ ਸਿਲੰਡਰ ਬੁਕਿੰਗ ਜਾਂ ਰੀਫਿਲ ਦੀ ਜ਼ਰੂਰਤ ਸਮਾਪਤ ਹੋ ਜਾਂਦੀ ਹੈ।
2.ਬਿਹਤਰ ਸੁਰੱਖਿਆ:
ਪੀਐੱਨਜੀ (PNG) ਹਵਾ ਤੋਂ ਹਲਕੀ ਹੁੰਦੀ ਹੈ ਅਤੇ ਲੀਕੇਜ ਹੋਣ ਦੀ ਸਥਿਤੀ ਵਿੱਚ ਤੇਜ਼ੀ ਨਾਲ ਖਿੰਡ ਜਾਂਦੀ ਹੈ, ਜਿਸ ਨਾਲ ਅੱਗ ਲਗਣ ਦਾ ਜੋਖਮ ਘੱਟ ਹੁੰਦਾ ਹੈ। ਇਹ ਘੱਟ ਦਬਾਅ ‘ਤੇ ਸੰਚਾਲਿਤ ਹੁੰਦੀ ਹੈ ਅਤੇ ਭਾਰੀ ਸਿਲੰਡਰਾਂ ਨੂੰ ਸਟੋਰ ਕਰਨ ਦੀ ਜ਼ਰੂਰਤ ਨਹੀਂ ਰਹਿੰਦੀ।
3.ਕਿਫ਼ਾਇਤੀ ਵਿਕਲਪ:
ਪੀਐੱਨਜੀ (PNG) ਆਮ ਤੌਰ ‘ਤੇ ਦੀਰਘਕਾਲ ਵਿੱਚ ਅਧਿਕ ਕਿਫ਼ਾਇਤੀ ਹੁੰਦੀ ਹੈ, ਜਿਸ ਵਿੱਚ ਉਪਯੋਗ ਦੇ ਅਨੁਸਾਰ ਬਿਲਿੰਗ ਦੀ ਸੁਵਿਧਾ ਹੁੰਦੀ ਹੈ ਅਤੇ ਸਿਲੰਡਰ ਜਮ੍ਹਾਂ ਜਾਂ ਰੀਫਿਲ ਦੀ ਕੋਈ ਜ਼ਰੂਰਤ ਨਹੀਂ ਹੁੰਦੀ।
4.ਸੁਵਿਧਾਜਨਕ ਉਪਯੋਗ:
ਭਾਰੀ ਸਿਲੰਡਰਾਂ ਨੂੰ ਉਠਾਉਣ-ਰੱਖਣ ਦੀ ਜ਼ਰੂਰਤ ਸਮਾਪਤ ਹੋਣ ਨਾਲ ਇਹ ਵਿਸ਼ੇਸ਼ ਤੌਰ ‘ਤੇ ਸੀਨੀਅਰ ਸਿਟੀਜ਼ਨਾਂ ਅਤੇ ਅਪਾਰਟਮੈਂਟ ਨਿਵਾਸੀਆਂ ਲਈ ਲਾਭਦਾਇਕ ਹੈ।
ਨਿਯਾਮਕ ਸਲਾਹ-ਮਸ਼ਵਰਾ:
ਭਾਰਤ ਸਰਕਾਰ ਦੁਆਰਾ ਜਾਰੀ ਨੈਚੁਰਲ ਗੈਸ ਅਤੇ ਪੈਟਰੋਲੀਅਮ ਪ੍ਰੋਡਕਟਸ ਡਿਸਟ੍ਰੀਬਿਊਸ਼ਨ (ਪਾਇਪਲਾਇਨਾਂ ਅਤੇ ਹੋਰ ਫੈਸਿਲਿਟੀਜ਼ ਦੇ ਵਿਛਾਉਣ, ਨਿਰਮਾਣ, ਸੰਚਾਲਨ ਅਤੇ ਵਿਸਤਾਰ ਦੇ ਜ਼ਰੀਏ) ਆਰਡਰ, 2026 ਦੇ ਅਨੁਸਾਰ, ਜਿਨ੍ਹਾਂ ਖੇਤਰਾਂ ਵਿੱਚ ਜਿੱਥੇ ਪੀਐੱਨਜੀ (PNG) ਬੁਨਿਆਦੀ ਢਾਂਚਾ ਸਥਾਪਿਤ ਅਤੇ ਸੰਚਾਲਿਤ ਹੋ ਚੁੱਕਿਆ ਹੈ, ਉੱਥੇ ਅਧਿਸੂਚਨਾ ਦੀ ਮਿਤੀ ਤੋਂ ਤਿੰਨ ਮਹੀਨੇ ਦੀ ਅਵਧੀ ਦੇ ਬਾਅਦ ਘਰੇਲੂ ਉਪਯੋਗ ਹਿਤ ਐੱਲਪੀਜੀ (LPG) ਦੀ ਸਪਲਾਈ ਬੰਦ ਕਰ ਦਿੱਤੀ ਜਾਵੇਗੀ।
ਇਸ ਅਨੁਸਾਰ, ਜਿਨ੍ਹਾਂ ਸੈਕਟਰਾਂ ਵਿੱਚ ਪੀਐੱਨਜੀ (PNG) ਪੂਰੀ ਤਰ੍ਹਾਂ ਉਪਲਬਧ ਹੈ, ਉੱਥੋਂ ਦੇ ਨਿਵਾਸੀ ਨਿਰਧਾਰਿਤ ਮਿਆਦ ਤੋਂ ਬਾਅਦ ਕਿਸੇ ਵੀ ਅਸੁਵਿਧਾ ਤੋਂ ਬਚਣ ਹਿਤ ਜਲਦੀ ਤੋਂ ਜਲਦੀ ਪੀਐੱਨਜੀ (PNG) ਵਿੱਚ ਤਬਦੀਲੀ ਦੀ ਪ੍ਰਕਿਰਿਆ ਸ਼ੁਰੂ ਕਰਨ।
ਗ੍ਰਾਹਕ ਸਹਾਇਤਾ:
ਨਵੇਂ ਪੀਐੱਨਜੀ (PNG) ਕਨੈਕਸ਼ਨਾਂ, ਮਾਇਗ੍ਰੇਸ਼ਨ ਜਾਂ ਹੋਰ ਕਿਸੇ ਜਾਣਕਾਰੀ ਹਿਤ ਨਾਗਰਿਕ ਇੰਡੀਅਨ ਆਇਲ ਕਾਰਪੋਰੇਸ਼ਨ ਲਿਮਿਟਿਡ ਦੇ ਸੰਯੁਕਤ ਉੱਦਮ ਦੇ ਗ੍ਰਾਹਕ ਸੇਵਾ ਨੰਬਰ 1800-233-55666 ‘ਤੇ ਸੰਪਰਕ ਕਰ ਸਕਦੇ ਹਨ।
ਚੰਡੀਗੜ੍ਹ ਪ੍ਰਸ਼ਾਸਨ ਸਾਰੇ ਨਾਗਰਿਕਾਂ ਨੂੰ ਅਪੀਲ ਕਰਦਾ ਹੈ ਕਿ ਉਹ ਸੁਰੱਖਿਅਤ, ਪ੍ਰਭਾਵੀ ਅਤੇ ਵਾਤਾਵਰਣ-ਅਨੁਕੂਲ ਐਨਰਜੀ ਈਕੋਸਿਸਟਮ ਦੇ ਨਿਰਮਾਣ ਵਿੱਚ ਸਹਿਯੋਗ ਕਰਦੇ ਹੋਏ ਪੀਐੱਨਜੀ (PNG) ਨੂੰ ਅਪਣਾਉਣ।
ਜਨ ਹਿਤ ਵਿੱਚ ਜਾਰੀ।
