ਅੱਜ ਦਾ ਦਿਨ ਇਤਿਹਾਸਿਕ ਰਿਹਾ, ਜਦੋਂ ਭਾਰਤ ਦੇ ਮਾਣਯੋਗ ਪ੍ਰਧਾਨ ਮੰਤਰੀ, ਸ਼੍ਰੀ ਨਰੇਂਦਰ ਮੋਦੀ ਨੇ ਦੇਸ਼ ਭਰ ਵਿੱਚ ਸਰਵਾਇਕਲ ਕੈਂਸਰ ਦੇ ਵਿਰੁੱਧ ਐੱਚਪੀਵੀ (HPV) ਟੀਕਾਕਰਣ ਮੁਹਿੰਮ ਦੀ ਸ਼ੁਰੂਆਤ ਕੀਤੀ। ਰਾਸ਼ਟਰੀ ਪੱਧਰ ਦਾ ਇਹ ਲਾਂਚ ਸਮਾਗਮ ਅਜਮੇਰ, ਰਾਜਸਥਾਨ ਵਿੱਚ ਆਯੋਜਿਤ ਕੀਤਾ ਗਿਆ। ਇਸ ਪਹਿਲ ਦੇ ਨਾਲ ਐੱਚਪੀਵੀ (HPV) ਵੈਕਸੀਨ ਨੂੰ ਰਾਸ਼ਟਰੀ ਟੀਕਾਕਰਣ ਪ੍ਰੋਗਰਾਮ ਵਿੱਚ ਸ਼ਾਮਲ ਕਰ ਲਿਆ ਗਿਆ ਹੈ ਅਤੇ ਇਹ ਪਾਤਰ ਬਾਲੜੀਆਂ ਨੂੰ ਮੁਫ਼ਤ ਉਪਲਬਧ ਕਰਵਾਇਆ ਜਾਵੇਗਾ।
ਯੂਟੀ ਚੰਡੀਗੜ੍ਹ ਵਿੱਚ ਐੱਚਪੀਵੀ
(HPV) ਟੀਕਾਕਰਣ ਮੁਹਿੰਮ ਦੀ ਰਸਮੀ ਸ਼ੁਰੂਆਤ ਪੰਜਾਬ ਦੇ ਮਾਣਯੋਗ ਰਾਜਪਾਲ ਅਤੇ ਯੂਟੀ ਚੰਡੀਗੜ੍ਹ ਦੇ ਪ੍ਰਸ਼ਾਸਕ, ਸ਼੍ਰੀ ਗੁਲਾਬ ਚੰਦ ਕਟਾਰੀਆ ਦੁਆਰਾ 28 ਫਰਵਰੀ 2026 ਨੂੰ ਕੀਤੀ ਗਈ।
ਇਹ ਲਾਂਚ ਈਵੈਂਟ ਮਾਡਲ ਇਮੁਨਾਇਜ਼ੇਸ਼ਨ ਸੈਂਟਰ, ਗਵਰਨਮੈਂਟ ਮਲਟੀ-ਸਪੈਸ਼ਲਿਟੀ ਹਸਪਤਾਲ ਵਿਖੇ ਆਯੋਜਿਤ ਕੀਤਾ ਗਿਆ, ਜੋ ਰਾਸ਼ਟਰੀ ਪੱਧਰ ‘ਤੇ ਰਾਜਸਥਾਨ ਦੇ ਅਜਮੇਰ ਤੋਂ
ਮਾਣਯੋਗ ਪ੍ਰਧਾਨ ਮੰਤਰੀ ਦੁਆਰਾ
ਹੋਏ ਲਾਂਚ ਦੇ ਬਾਅਦ ਸੰਪੰਨ ਹੋਇਆ।
ਉਦਘਾਟਨ ਸਮਾਗਮ ਵਿੱਚ ਰਾਜਪਾਲ ਦੇ ਪ੍ਰਿੰਸੀਪਲ ਸਕੱਤਰ ਸ਼੍ਰੀ ਵੀ.ਪੀ. ਸਿੰਘ, ਸਿਹਤ ਸਕੱਤਰ ਸ਼੍ਰੀ ਮਨਦੀਪ ਸਿੰਘ ਬਰਾੜ, ਸਿਹਤ ਸੇਵਾਵਾਂ ਦੇ ਡਾਇਰੈਕਟਰ ਡਾ. ਸੁਮਨ ਸਿੰਘ ਸਹਿਤ ਸਿਹਤ ਵਿਭਾਗ ਦੇ ਹੋਰ ਸੀਨੀਅਰ ਅਧਿਕਾਰੀ ਉਪਸਥਿਤ ਰਹੇ। ਪੋਸਟ ਗ੍ਰੈਜੂਏਟ ਇੰਸਟੀਟਿਊਟ ਆਵ੍ ਮੈਡੀਕਲ ਐਜੂਕੇਸ਼ਨ ਐਂਡ ਰਿਸਰਚ, ਸਰਕਾਰੀ ਮੈਡੀਕਲ ਕਾਲਜ ਅਤੇ ਹਸਪਤਾਲ, ਵਿਸ਼ਵ ਸਿਹਤ ਸੰਗਠਨ, ਸੰਯੁਕਤ ਰਾਸ਼ਟਰ ਵਿਕਾਸ ਪ੍ਰੋਗਰਾਮ, ਜੌਨ ਸਨੋ ਇੰਡੀਆ ਅਤੇ ਸਮਾਜ ਭਲਾਈ ਵਿਭਾਗ ਸਹਿਤ ਪ੍ਰਮੁੱਖ ਸੰਸਥਾਵਾਂ ਅਤੇ ਸੰਗਠਨਾਂ ਦੇ ਨੁਮਾਇੰਦੇ ਵੀ ਉਪਸਥਿਤ ਰਹੇ।
ਮੁਹਿੰਮ ਦੇ ਪਹਿਲੇ ਦਿਨ ਪਾਤਰ ਬਾਲੜੀਆਂ ਦੇ ਟੀਕਾਕਰਣ ਲਈ ਵਿਸ਼ੇਸ਼ ਵਿਵਸਥਾਵਾਂ ਕੀਤੀਆਂ ਗਈਆਂ ਸਨ। ਟੀਕਾਕਰਣ ਪ੍ਰਾਪਤ ਕਰਨ ਵਾਲੀਆਂ ਬਾਲੜੀਆਂ ਨੂੰ ਪਤਵੰਤਿਆਂ ਵੱਲੋਂ ਟੀਕਾਕਰਣ ਸਰਟੀਫਿਕੇਟ ਅਤੇ ਉਪਹਾਰ ਪ੍ਰਦਾਨ ਕੀਤੇ ਗਏ। ਬਾਲੜੀਆਂ ਅਤੇ ਉਨ੍ਹਾਂ ਦੇ ਨਾਲ ਆਏ ਮਾਪਿਆਂ ਅਤੇ ਸਰਪ੍ਰਸਤਾਂ ਲਈ ਰਿਫਰੈਸ਼ਮੈਂਟ ਦੀ ਵੀ ਵਿਵਸਥਾ ਕੀਤੀ ਗਈ। ਪਹਿਲੇ ਦਿਨ ਕੁੱਲ 13 ਬਾਲੜੀਆਂ ਦਾ ਟੀਕਾਕਰਣ ਕੀਤਾ ਗਿਆ। ਸਾਰੇ ਲਾਭਾਰਥੀਆਂ ਦਾ ਵਿਵਰਣ (ਡੇਟਾ) ਨੂੰ ਯੂ-ਵਿਨ (U-WIN) ਪੋਰਟਲ ‘ਤੇ ਅਪਲੋਡ ਕੀਤਾ ਗਿਆ ਅਤੇ ਟੀਕਾਕਰਣ ਸਰਟੀਫਿਕੇਟ ਮੌਕੇ ‘ਤੇ ਜਾਰੀ ਕੀਤੇ ਗਏ।
ਇਨ੍ਹਾਂ ਬਾਲੜੀਆਂ ਨੂੰ ਗਾਰਡਾਸਿਲ-4 ਵੈਕਸੀਨ ਦਿੱਤੀ ਗਈ, ਜੋ ਮਹਿਲਾਵਾਂ ਵਿੱਚ ਸਰਵਾਇਕਲ ਕੈਂਸਰ ਦੀ ਰੋਕਥਾਮ ਲਈ ਅਤਿਅੰਤ ਪ੍ਰਭਾਵੀ ਹੈ। ਇਹ ਐੱਚਪੀਵੀ (HPV) ਵੈਕਸੀਨ 14 ਵਰ੍ਹਿਆਂ ਦੀ ਉਮਰ ਪੂਰੀ ਕਰ ਚੁੱਕੀਆਂ, ਪਰੰਤੂ 15 ਵਰ੍ਹੇ ਪੂਰਾ ਨਾ ਕਰਨ ਵਾਲੀਆਂ ਬਾਲੜੀਆਂ ਨੂੰ ਸਿੰਗਲ ਡੋਜ਼ ਦੇ ਰੂਪ ਵਿੱਚ ਦਿੱਤੀ ਜਾਵੇਗੀ।
ਇਹ ਐੱਚਪੀਵੀ (HPV) ਟੀਕਾਕਰਣ ਮੁਹਿੰਮ ਤਿੰਨ ਮਹੀਨਿਆਂ ਤੱਕ ਚਲੇਗੀ ਅਤੇ ਇਹ ਵੈਕਸੀਨ ਚੰਡੀਗੜ੍ਹ ਦੀਆਂ ਸਾਰੀਆਂ ਸਰਕਾਰੀ ਸਿਹਤ ਸੰਸਥਾਵਾਂ ‘ਤੇ ਮੁਫ਼ਤ ਉਪਲਬਧ ਰਹੇਗਾ।
ਇਮੁਨਾਇਜ਼ੇਸ਼ਨ ਵਿਭਾਗ, ਯੂਟੀ ਚੰਡੀਗੜ੍ਹ ਦੁਆਰਾ ਇਸ ਮਹੱਤਵਪੂਰਨ ਜਨਸਿਹਤ ਪਹਿਲ ਲਈ ਸਾਰੀਆਂ ਜ਼ਰੂਰੀ ਤਿਆਰੀਆਂ, ਟ੍ਰੇਨਿੰਗਾਂ, ਵਰਕਸ਼ਾਪਾਂ ਅਤੇ ਲੌਜਿਸਟਿਕਸ ਪ੍ਰਬੰਧ ਪੂਰੇ ਕਰ ਲਏ ਗਏ ਹਨ।
ਸਿਹਤ ਵਿਭਾਗ, ਚੰਡੀਗੜ੍ਹ, ਨਾਗਰਿਕਾਂ ਦਾ ਟੀਕਾਕਰਣ ਸੇਵਾਵਾਂ ਵਿੱਚ ਨਿਰੰਤਰ ਸਹਿਯੋਗ ਆਭਾਰ ਵਿਅਕਤ ਕਰਦਾ ਹੈ ਅਤੇ ਮਾਪਿਆਂ ਨੂੰ ਤਾਕੀਦ ਕਰਦਾ ਹੈ ਕਿ ਉਹ ਆਪਣੀਆਂ 14 ਵਰ੍ਹੇ ਦੀਆਂ ਬੇਟੀਆਂ ਨੂੰ ਗਾਰਡਾਸਿਲ-4 ਐੱਚਪੀਵੀ (HPV) ਵੈਕਸੀਨ ਜ਼ਰੂਰ ਲਗਵਾਉਣ।
