ਮੀਟਿੰਗ ਦੇ ਦੌਰਾਨ, ਇਲੈਕਟ੍ਰਿਕ ਵ੍ਹੀਕਲ (ਈਵੀ/EV) ਪੋਰਟਲ – www.chandigarhev.com – ਦੀ ਅਧਿਕਾਰਿਤ ਸ਼ੁਰੂਆਤ ਦਾ ਐਲਾਨ ਕੀਤਾ ਗਿਆ। ਪੋਰਟਲ ਦਾ ਉਦੇਸ਼ ਇੱਕ ਉਪਭੋਗਤਾ-ਅਨੁਕੂਲ ਡਿਜੀਟਲ ਪਲੈਟਫਾਰਮ ਪ੍ਰਦਾਨ ਕਰਕੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਵਿੱਚ ਇਲੈਕਟ੍ਰਿਕ ਵ੍ਹੀਕਲ (ਈਵੀ/EV) ਲਾਭਾਰਥੀਆਂ ਲਈ ਬਿਹਤਰ ਪਹੁੰਚ ਅਤੇ ਪਾਰਦਰਸ਼ਤਾ ਕਰਨਾ ਹੈ। ਇਹ ਪਾਤਰ ਨਾਗਰਿਕਾਂ ਨੂੰ ਚੰਡੀਗੜ੍ਹ ਇਲੈਕਟ੍ਰਿਕ ਵ੍ਹੀਕਲ (ਈਵੀ/EV) ਨੀਤੀ ਦੇ ਤਹਿਤ ਸਬਸਿਡੀਆਂ ਲਈ ਔਨਲਾਇਨ ਅਰਜ਼ੀ ਦੇਣ, ਰੀਅਲ-ਟਾਇਮ ਵਿੱਚ ਅਰਜ਼ੀ ਦੀ ਸਥਿਤੀ ਨੂੰ ਟ੍ਰੈਕ ਕਰਨ, ਅਤੇ ਯੂਟੀ ਚੰਡੀਗੜ੍ਹ ਦੇ ਸਾਰੇ ਜਨਤਕ ਇਲੈਕਟ੍ਰਿਕ ਵ੍ਹੀਕਲ (ਈਵੀ/EV) ਚਾਰਜਿੰਗ ਸਟੇਸ਼ਨਾਂ ਦੇ ਲੋਕੇਸ਼ਨ-ਅਧਾਰਿਤ ਨਕਸ਼ੇ ਤੱਕ ਪਹੁੰਚ ਕਰਨ ਦੇ ਸਮਰੱਥ ਬਣਾਉਂਦਾ ਹੈ, ਜੋ ਕਿ ਅਸਾਨ ਨੈਵੀਗੇਸ਼ਨ ਲਈ ਗੂਗਲ ਮੈਪਸ ਨਾਲ ਏਕੀਕ੍ਰਿਤ ਹੈ।
ਮੁੱਖ ਸਕੱਤਰ ਨੇ ਇਹ ਵੀ ਸਵੀਕਾਰ ਕੀਤਾ ਕਿ ਚੰਡੀਗੜ੍ਹ ਨੇ ਸਾਰੀਆਂ ਸਰਕਾਰੀ ਇਮਾਰਤਾਂ ਵਿੱਚ ਸੋਲਰ ਫੋਟੋਵੋਲਟੈਕ (ਐੱਸਪੀਵੀ/SPV) ਪਲਾਂਟਾਂ ਦੀ ਸਥਾਪਨਾ ਵਿੱਚ ਸੰਤ੍ਰਿਪਤਤਾ ਪ੍ਰਾਪਤ ਕੀਤੀ ਹੈ – ਇੱਕ ਮਹੱਤਵਪੂਰਨ ਮੀਲ ਪੱਥਰ ਜੋ ਟਿਕਾਊ ਊਰਜਾ ਅਤੇ ਘੱਟ-ਕਾਰਬਨ ਭਵਿੱਖ ਦੀ ਦਿਸ਼ਾ ਵਿੱਚ ਸ਼ਹਿਰ ਦੀ ਪ੍ਰਤੀਬੱਧਤਾ ਨੂੰ ਦਰਸਾਉਂਦਾ ਹੈ।
ਮੌਜੂਦਾ ਸੌਰ ਬੁਨਿਆਦੀ ਢਾਂਚੇ ਦੀ ਨਿਰੰਤਰ ਕਾਰਜਕੁਸ਼ਲਤਾ ਅਤੇ ਪ੍ਰਦਰਸ਼ਨ ਸੁਨਿਸ਼ਚਿਤ ਕਰਨ ਲਈ, ਮੁੱਖ ਸਕੱਤਰ ਨੇ ਕ੍ਰੈਸਟ (CREST) ਨੂੰ ਪੰਜ ਸਾਲ ਜਾਂ ਵੱਧ ਸਮੇਂ ਤੋਂ ਚਲ ਰਹੇ ਸਾਰੇ ਐੱਸਪੀਵੀ (SPV) ਪ੍ਰੋਜੈਕਟਾਂ ਦੇ ਤੀਸਰੀ-ਧਿਰ ਆਡਿਟ ਸ਼ੁਰੂ ਕਰਨ ਦੇ ਨਿਰਦੇਸ਼ ਦਿੱਤੇ। ਇਹ ਆਡਿਟ ਸੌਰ ਅਸਾਸਿਆਂ ਦੀ ਜਵਾਬਦੇਹੀ ਅਤੇ ਦੀਰਘਕਾਲੀ ਸਥਿਰਤਾ ਨੂੰ ਉਤਸ਼ਾਹਿਤ ਕਰਨਗੇ।
ਇਸ ਤੋਂ ਇਲਾਵਾ, ਉਨ੍ਹਾਂ ਨੇ ਜ਼ੋਰ ਦੇ ਕੇ ਕਿਹਾ ਕਿ ਤਕਨੀਕੀ ਤੌਰ ‘ਤੇ ਇਨੋਵੇਟਿਵ ਪ੍ਰੋਜੈਕਟਾਂ – ਜਿਵੇਂ ਕਿ ਸਾਇਕਲ ਟ੍ਰੈਕਾਂ ਉੱਤੇ ਪ੍ਰਸਤਾਵਿਤ ਐੱਸਪੀਵੀ(SPV) ਪਲਾਂਟ – ਦੀ ਵਿਵਹਾਰਿਕਤਾ, ਪ੍ਰਦਰਸ਼ਨ ਅਤੇ ਸੁਹਜ ਸ਼ਾਸਤਰੀ ਪਹਿਲੂਆਂ ਲਈ ਪੂਰੀ ਤਰ੍ਹਾਂ ਮੁੱਲਾਂਕਣ ਕੀਤਾ ਜਾਣਾ ਚਾਹੀਦਾ ਹੈ ਅਤੇ ਇਸ ਪ੍ਰਕਿਰਿਆ ਵਿੱਚ ਮੁੱਖ ਆਰਕੀਟੈਕਟ, ਯੂਟੀ ਚੰਡੀਗੜ੍ਹ ਨੂੰ ਵੀ ਨਿਰੰਤਰ ਸ਼ਾਮਲ ਰੱਖਿਆ ਜਾਵੇ।
ਚੰਡੀਗੜ੍ਹ ਪ੍ਰਸ਼ਾਸਨ ਸਮਾਰਟ ਟੈਕਨੋਲੋਜੀ ਨੂੰ ਏਕੀਕ੍ਰਿਤ ਕਰਕੇ, ਅਖੁੱਟ ਊਰਜਾ ਅਪਣਾਉਣ ਨੂੰ ਉਤਸ਼ਾਹਿਤ ਕਰਕੇ, ਅਤੇ ਟਿਕਾਊ ਗਤੀਸ਼ੀਲਤਾ ਨੂੰ ਅੱਗੇ ਵਧਾ ਕੇ ਸ਼ਹਿਰ ਨੂੰ ਇੱਕ ਆਦਰਸ਼ ਊਰਜਾ ਨਗਰ ਦੇ ਰੂਪ ਵਿੱਚ ਵਿਕਸਿਤ ਕਰਨ ਦੇ ਆਪਣੇ ਲਕਸ਼ ਨੂੰ ਪ੍ਰਤੀਬੱਧਤਾ ਦੇ ਨਾਲ ਅੱਗੇ ਵਧਾ ਰਿਹਾ ਹੈ।
