ਚੰਡੀਗੜ੍ਹ, 19 ਸਤੰਬਰ, 2025: ਪੋਸ਼ਣ ਮਾਹ 2025 ਦੇ ਤਹਿਤ ਇਸ ਵਰ੍ਹੇ “ਮੈੱਨ-ਸਟ੍ਰੀਮਿੰਗ” ‘ਤੇ ਵਿਸ਼ੇਸ਼ ਜ਼ੋਰ ਦਿੱਤਾ ਗਿਆ, ਜਿਸ ਦੇ ਤਹਿਤ ਪਿਤਾਵਾਂ ਅਤੇ ਪੁਰਸ਼ ਸਰਪ੍ਰਸਤਾਂ ਨੂੰ ਪਰਿਵਾਰਾਂ ਦੇ ਪੋਸ਼ਣ ਅਤੇ ਸਿਹਤ ਵਿੱਚ ਸਰਗਰਮ ਭਾਗੀਦਾਰੀ ਲਈ ਪ੍ਰੇਰਿਤ ਕੀਤਾ ਗਿਆ। ਇਸ ਮੌਕੇ ‘ਤੇ ਨਿਊ ਫਲੈਟਸ, ਮਲੋਆ ਵਿਖੇ ਪੁਰਸ਼ ਸਰਪ੍ਰਸਤਾਂ ਦੇ ਲਈ ਮਿਲਟ ਰੈਸਿਪੀ ਮੁਕਾਬਲਾ ਅਤੇ ਪ੍ਰਧਾਨ ਮੰਤਰੀ ਮਾਤਰੁ ਵੰਦਨਾ ਯੋਜਨਾ (ਪੀਐੱਮਐੱਮਵੀਵਾਈ/PMMVY) ਰਜਿਸਟ੍ਰੇਸ਼ਨ ਮੁਹਿੰਮ ਆਯੋਜਿਤ ਕੀਤੀ ਗਈ। ਉੱਥੇ ਹੀ, ਸਰਕਲ 25 ਵਿਖੇ ਪਿਤਾਵਾਂ ਨੇ ਭਾਈਚਾਰਕ ਪੋਸ਼ਣ ਪ੍ਰਤਿੱਗਿਆ ਦੀ ਅਗਵਾਈ ਕੀਤੀ ਅਤੇ ਪਰਿਵਾਰਾਂ ਵਿੱਚ ਤੰਦਰੁਸਤ ਜੀਵਨਸ਼ੈਲੀ ਨੂੰ ਅਪਣਾਉਣ ਦੀ ਦਿਸ਼ਾ ਵਿੱਚ ਆਪਣੀ ਭੂਮਿਕਾ ਨੂੰ ਮਜ਼ਬੂਤ ਕੀਤਾ। ਇਸ ਤੋਂ ਇਲਾਵਾ, ਰਾਮਦਰਬਾਰ ਵਿਖੇ ਪ੍ਰਧਾਨ ਮੰਤਰੀ ਮਾਤਰੁ ਵੰਦਨਾ ਯੋਜਨਾ (ਪੀਐੱਮਐੱਮਵੀਵਾਈ/PMMVY) ਰਜਿਸਟ੍ਰੇਸ਼ਨ, ਆਭਾ ਆਈਡੀ (ABHA ID) ਬਣਾਉਣ, ਏਪੀਏਏਆਰ (APAAR), ਅਤੇ ਆਧਾਰ ਸੇਵਾਵਾਂ ਨਾਲ ਸਬੰਧਿਤ ਵਿਆਪਕ ਕੈਂਪ ਦਾ ਆਯੋਜਨ ਕੀਤਾ ਗਿਆ, ਜਿਸ ਨਾਲ ਲਾਭਾਰਥੀਆਂ ਨੂੰ ਪ੍ਰਮੁੱਖ ਯੋਜਨਾਵਾਂ ਅਤੇ ਡਿਜੀਟਲ ਸਿਹਤ ਸੇਵਾਵਾਂ ਤੱਕ ਸੁਗਮ ਪਹੁੰਚ ਸੁਨਿਸ਼ਚਿਤ ਹੋਈ।
ਸਾਰੇ 450 ਆਂਗਣਵਾੜੀ ਕੇਂਦਰਾਂ ਵਿੱਚ ਵੱਖ-ਵੱਖ ਗਤੀਵਿਧੀਆਂ ਆਯੋਜਿਤ ਕੀਤੀਆਂ ਗਈਆਂ, ਜਿਨ੍ਹਾਂ ਵਿੱਚ ਆਯੁਸ਼ ਅਧਾਰਿਤ ਲੈਕਚਰ, ਫੂਡ ਫੋਰਟੀਫਿਕੇਸ਼ਨ, ਪਹਿਲੇ 1000 ਦਿਨਾਂ ਵਿੱਚ ਪੌਸ਼ਟਿਕ ਭੋਜਨ ਦਾ ਮਹੱਤਵ, ਕਿਸ਼ੋਰ ਲੜਕੀਆਂ ਦੇ ਪੋਸ਼ਣ, ਅਨੀਮੀਆ ਦੀ ਰੋਕਥਾਮ, ਅਤੇ ਅਨੁਪੂਰਕ ਪੋਸ਼ਣ ਦੀ ਜ਼ਰੂਰਤ ਬਾਰੇ ਜਾਣਕਾਰੀ ਦਿੱਤੀ ਗਈ। ਇਸ ਤੋਂ ਇਲਾਵਾ, ਓਆਰਐੱਸ (ORS) ਬਣਾਉਣ ਦਾ ਪ੍ਰਦਰਸ਼ਨ, ਪੋਸ਼ਣ ਕੇ ਪੰਚ ਸੂਤਰ ਅਤੇ ਬੱਚਿਆਂ ਦੇ ਲਈ ਮਿਲਟਸ ਅਧਾਰਿਤ ਆਹਾਰ ਦਾ ਪ੍ਰਚਾਰ-ਪ੍ਰਸਾਰ, ਦੁੱਧ ਚੁੰਘਾਉਣ ਬਾਰੇ ਜਾਗਰੂਕਤਾ, ਕਿਚਨ ਗਾਰਡਨਿੰਗ ਅਤੇ ਕਮਿਊਨਿਟੀ ਬੇਸਡ ਈਵੈਂਟ (CBE) ਵੀ ਆਯੋਜਿਤ ਕੀਤੇ ਗਏ।
ਇਸੇ ਕ੍ਰਮ ਵਿੱਚ ਸਾਰੇ 450 ਆਂਗਣਵਾੜੀ ਕੇਂਦਰਾਂ ਦੁਆਰਾ ਪੂਰਕ ਆਹਾਰ ਗਤੀਵਿਧੀਆਂ ਦੇ ਤਹਿਤ ਘਰ-ਘਰ ਜਾ ਕੇ ਨਵਜੰਮੇ ਬੱਚਿਆਂ ਦੀਆਂ ਮਾਤਾਵਾਂ ਨੂੰ ਸਲਾਹ ਦਿੱਤੀ ਗਈ ਅਤੇ ਸ਼ਿਸ਼ੂ ਤੇ ਬਾਲ ਆਹਾਰ ਸਬੰਧੀ ਸਹੀ ਪ੍ਰਥਾਵਾਂ ਨੂੰ ਅਪਣਾਉਣ ‘ਤੇ ਬਲ ਦਿੱਤਾ ਗਿਆ।
ਇਨ੍ਹਾਂ ਸਾਰੀਆਂ ਪਹਿਲਾਂ ਦਾ ਉਦੇਸ਼ ਭਾਈਚਾਰਕ ਭਾਗੀਦਾਰੀ ਨੂੰ ਸਸ਼ਕਤ ਕਰਨਾ, ਮਾਤਾਵਾਂ ਅਤੇ ਬੱਚਿਆਂ ਦੀ ਸਿਹਤ ਬਾਰੇ ਜਾਗਰੂਕਤਾ ਵਧਾਉਣਾ ਅਤੇ ਆਉਣ ਵਾਲੀ ਪੀੜ੍ਹੀ ਨੂੰ ਤੰਦਰੁਸਤ ਬਣਾਉਣ ਵਿੱਚ ਪੁਰਸ਼ਾਂ ਦੀ ਭਾਗੀਦਾਰੀ ਨੂੰ ਪ੍ਰੋਤਸਾਹਿਤ ਕਰਨਾ ਰਿਹਾ।
