ਇਹ ਦਿਨ ਸੰਨ 1985 ਤੋਂ ਹਰ ਸਾਲ ਭਾਰਤ ਭਰ ਵਿੱਚ ਮਨਾਇਆ ਜਾ ਰਿਹਾ ਹੈ। ਸੁਆਮੀ ਵਿਵੇਕਾਨੰਦ ਜੀ ਅੱਜ ਵੀ ਇੱਕ ਸਦੀਵੀ ਯੁਵਾ ਪ੍ਰੇਰਣਾ-ਸ੍ਰੋਤ ਅਤੇ ਊਰਜਾ ਅਤੇ ਪ੍ਰੇਰਣਾ ਦੇ ਮਹਾਨ ਪ੍ਰਤੀਕ ਹਨ। ਵਿਸ਼ਵਵਿਆਪੀ ਭਾਈਚਾਰੇ, ਸ਼ਾਂਤੀ ਅਤੇ ਮਨੁੱਖਤਾ ਦੀ ਸੇਵਾ ਬਾਰੇ ਉਨ੍ਹਾਂ ਦੇ ਵਿਚਾਰ ਅੱਜ ਵੀ ਨੌਜਵਾਨਾਂ ਨੂੰ ਪ੍ਰੇਰਿਤ ਕਰਦੇ ਹਨ।
ਰਾਸ਼ਟਰੀ ਯੁਵਾ ਦਿਵਸ 2026 ਦੇ ਅਵਸਰ ‘ਤੇ, ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਸਿੱਖਿਆ ਵਿਭਾਗ ਦੇ ਤਹਿਤ ਚੰਡੀਗੜ੍ਹ ਐੱਨਐੱਸਐੱਸ ਸੈੱਲ ਨੇ, ਪੀਜੀਆਈਐੱਮਈਆਰ, ਯੂਟੀ ਚੰਡੀਗੜ੍ਹ ਦੇ ਟ੍ਰਾਂਸਫਿਊਜ਼ਨ ਮੈਡੀਸਿਨ ਵਿਭਾਗ ਦੇ ਸਹਿਯੋਗ ਨਾਲ, 12 ਜਨਵਰੀ 2026 ਨੂੰ ਗਰਾਊਂਡ ਫਲੋਰ, ਐਡੀਸ਼ਨਲ ਡੀਲਕਸ ਬਿਲਡਿੰਗ, ਯੂਟੀ ਸਕੱਤਰੇਤ, ਸੈਕਟਰ-9ਡੀ, ਚੰਡੀਗੜ੍ਹ ਵਿਖੇ ਇੱਕ ਖੂਨਦਾਨ ਕੈਂਪ ਦਾ ਆਯੋਜਨ ਕੀਤਾ।
ਇਸ ਕੈਂਪ ਦਾ ਰਸਮੀ ਉਦਘਾਟਨ ਮਾਣਯੋਗ ਮੁੱਖ ਮਹਿਮਾਨ, ਡਾ. ਰਾਧਿਕਾ ਸਿੰਘ, ਐੱਚਸੀਐੱਸ, ਡਾਇਰੈਕਟਰ ਉਚੇਰੀ ਸਿੱਖਿਆ, ਚੰਡੀਗੜ੍ਹ ਪ੍ਰਸ਼ਾਸਨ ਦੁਆਰਾ ਕੀਤਾ ਗਿਆ।
ਯੂਟੀ ਚੰਡੀਗੜ੍ਹ ਭਰ ਦੀਆਂ ਵੱਖ-ਵੱਖ ਯੂਨੀਵਰਸਿਟੀਆਂ ਅਤੇ ਕਾਲਜਾਂ ਦੇ ਲਗਭਗ 200 ਐੱਨਐੱਸਐੱਸ ਵਲੰਟੀਅਰਾਂ ਨੇ, ਦਫ਼ਤਰੀ ਸਟਾਫ਼ ਅਤੇ ਹੋਰ ਖੂਨਦਾਨੀਆਂ ਦੇ ਨਾਲ, ਕੈਂਪ ਵਿੱਚ ਹਿੱਸਾ ਲਿਆ ਅਤੇ ਸਮੂਹਿਕ ਤੌਰ ‘ਤੇ ਖੂਨਦਾਨ ਕੀਤਾ। ਇਸ ਤੋਂ ਇਲਾਵਾ, ਜੀਐੱਮਐੱਸਐੱਸਐੱਸ(GMSSS)-8, ਚੰਡੀਗੜ੍ਹ, ਜੀਐੱਮਐੱਸਐੱਸਐੱਸ (GMSSS)-15, ਚੰਡੀਗੜ੍ਹ ਅਤੇ
ਐੱਨਐੱਸਐੱਸ (NSS) ਓਪਨ ਯੂਨਿਟ ਦੇ 60 ਐੱਨਐੱਸਐੱਸ (NSS) ਵਲੰਟੀਅਰਾਂ ਨੇ ਇਸ ਪ੍ਰੋਗਰਾਮ ਦੌਰਾਨ ਕੁਸ਼ਲਤਾਪੂਰਵਕ ਸਵੈ-ਸੇਵਕ ਡਿਊਟੀਆਂ ਨਿਭਾਈਆਂ।
ਮਾਣਯੋਗ ਮੁੱਖ ਮਹਿਮਾਨ ਨੇ ਰਾਜ ਪੱਧਰੀ ਐੱਨਐੱਸਐੱਸ (NSS) ਖੂਨਦਾਨ ਕੈਂਪ ਦੇ ਸਫ਼ਲ ਆਯੋਜਨ ਲਈ ਐੱਨਐੱਸਐੱਸ (NSS), ਯੂਟੀ (UT) ਚੰਡੀਗੜ੍ਹ ਦੇ ਸਟੇਟ ਸੰਪਰਕ ਅਧਿਕਾਰੀ ਡਾ. ਨੇਮੀ ਚੰਦ ਅਤੇ ਉਨ੍ਹਾਂ ਦੀ ਟੀਮ ਨੂੰ ਵਧਾਈ ਦਿੱਤੀ।
ਸਮਾਗਮ ਦੇ ਅੰਤ ‘ਤੇ, ਡਾ. ਨੇਮੀ ਚੰਦ ਨੇ ਮੁੱਖ ਮਹਿਮਾਨ, ਪੀਜੀਆਈਐੱਮਈਆਰ (PGIMER) ਮੈਡੀਕਲ ਟੀਮ, ਖੂਨਦਾਨੀਆਂ ਅਤੇ ਐੱਨਐੱਸਐੱਸ (NSS) ਵਲੰਟੀਅਰਾਂ ਦਾ ਕੈਂਪ ਦੀ ਸਫ਼ਲਤਾ ਵਿੱਚ ਉਨ੍ਹਾਂ ਦੇ ਬਹੁਮੁੱਲੇ ਸਹਿਯੋਗ ਅਤੇ ਯੋਗਦਾਨ ਲਈ ਹਾਰਦਿਕ ਆਭਾਰ ਵਿਅਕਤ ਕੀਤਾ।
