ਪੰਜਾਬ ਕਲਾ ਪਰਿਸ਼ਦ ਚੰਡੀਗੜ੍ਹ ਅਤੇ ਸੰਗੀਤ ਨਾਟਕ ਅਕੈਡਮੀ ਪੰਜਾਬ ਚੰਡੀਗੜ੍ਹ ਵੱਲੋਂ ਕਰਵਾਏ ਜਾ ਰਹੇ ਨਾਟਕਕਾਰ ਡਾ. ਹਰਚਰਨ ਸਿੰਘ ਨੂੰ ਸਮਰਪਿਤ 11 ਰੋਜ਼ਾ ਰੰਗਮੰਚ ਉਤਸਵ 2026 ਦੇ ਚੌਥੇ ਦਿਨ” ਲੋਕ ਕਲਾ ਮੰਚ ਮੰਡੀ ਮੁੱਲਾਂਪੁਰ
” ਵੱਲੋਂ ਪਰਵਾਸ ਗਈ ਪੰਜਾਬੀ ਜਵਾਨੀ ਦੇ ਸੰਘਰਸ਼ ਤੇ ਦੁਖਾਂਤ ਦੀ ਕਹਾਣੀ ਬਿਆਨ ਕਰਦੇ ਨਾਟਕ “ਦੋ ਰੋਟੀਆਂ ” ਦਾ ਮੰਚਨ ਕੀਤਾ ਗਿਆ lਇਸ ਨਾਟਕ ਨੂੰ ਸੁਰਿੰਦਰ ਸ਼ਰਮਾ ਨੇ ਲਿਖਿਆ ਤੇ ਨਿਰਦੇਸ਼ਨ ਵੀ ਕੀਤਾ ਹੈ l
ਨਾਟਕ ਦਾ ਮੁੱਖ ਪਾਤਰ ਸਕੂਲ ਦੇ ਹੈਡ ਮਾਸਟਰ ਗੁਰਮੀਤ ਸਿੰਘ ਦਾ ਬੇਟਾ ਨਵਦੀਪ ਸਿੰਘ ਚੰਗੀ ਜ਼ਿੰਦਗੀ ਦੀ ਤਾਲਾਸ਼ ਵਿੱਚ ਪੜਨ ਲਈ ਕੈਨੇਡਾ ਚੱਲੇ ਜਾਂਦਾ ਹੈ.. ਪਰ ਕੁੱਝ ਹੀ ਦਿਨਾਂ ਵਿੱਚ ਉਸਨੂੰ ਸਮਝ ਲੱਗਦੀ ਹੈ ਕਿ ਕੈਨੇਡਾ ਦੀ ਜ਼ਿੰਦਗੀ ਇੰਨੀ ਸੌਖੀ ਨਹੀਂ ਜਿੰਨੀ ਦੇਖਣ ਨੂੰ ਲੱਗਦੀ ਹੈ.. ਕਾਲਜ ਵਿੱਚ ਹਾਜ਼ਰੀਆਂ ਘੱਟ ਜਾਣ ਦਾ ਡਰ ਤੇ ਦੂਸਰੇ ਪਾਸੇ ਢਿੱਡ ਦੀ ਖਾਤਿਰ ਨੌਕਰੀ ਲਈ ਭਟਕਦੇ ਫੇਰਨਾ.. ਇਹਨਾਂ ਹਾਲਾਤਾਂ ਦਾ ਸਾਹਮਣਾ ਕਰਦਿਆਂ ਕਰਦਿਆਂ ਨਾਟਕ ਦਾ ਮੁੱਖ ਪਾਤਰ ਨਵੀ ਨਸ਼ੇੜੀ ਬਣ ਜਾਂਦਾ ਹੈ.. ਜਦੋਂ ਓਸ ਦੇ ਮਾਤਾ-ਪਿਤਾ ਫੋਨ ਕਰਦੇ ਨੇ ਤਾਂ ਉਹ ਉਹਨਾਂ ਦੇ ਫੋਨ ਦਾ ਵੀ ਜਵਾਬ ਨਹੀਂ ਦਿੰਦਾ..ਹਾਲਾਤਾਂ ਨਾਲ ਲੜਦੇ ਜਦੋਂ ਉਹਦੇ ਮਾਪੇ ਵੀ ਕੈਨੇਡਾ ਪਹੁੰਚ ਜਾਂਦੇ ਨੇ ਤਾਂ ਉਹ ਸਾਰੀ ਗੱਲ ਤੋਂ ਜਾਣੂ ਹੁੰਦੇ ਹਨ.. ਇੱਕ ਪਛਤਾਵੇਂ ਤੋਂ ਬਾਅਦ ਨਾਟਕ ਦਾ ਨਾਇਕ ਫੇਰ ਤੋਂ ਜ਼ਿੰਦਗੀ ਤੇ ਹਾਲਾਤਾਂ ਨਾਲ ਲੜਨ ਦਾ ਫੈਸਲਾ ਕਰਦਾ ਹੈ.. ਨਾਟਕ ਵਿੱਚ ਮਾਂ ਦੇ ਕਿਰਦਾਰ ਵਿਚ ਕਮਲਜੀਤ ਕੌਰ, ਬਾਪ ਦੇ ਰੋਲ ਵਿਚ ਡਾ. ਸੁਰਿੰਦਰ ਸ਼ਰਮਾ, ਨਵੀ ਦਾ ਰੋਲ ਹਰਮਨ ਨੇ ਬਾਖੂਬੀ ਨਿਭਾਇਆ l ਇਸ ਤੋਂ ਇਲਾਵਾ ਨਿਰਮਲ ਸਿੰਘ, ਰਾਜਵੀਰ ਪੰਡੋਰੀ, ਮਹਿਕਪ੍ਰੀਤ ਕੌਰ, ਦਵਿੰਦਰ ਸਿੰਘ ਤੇ ਕਰਮਜੀਤ ਭੱਟੀ ਨੇ ਵੀ ਆਪਣੇ ਕਿਰਦਾਰ ਨੂੰ ਨਿਭਾਉਣ ਲਈ ਜਾਨ ਲਗਾਈ l ਇਸ ਮੌਕੇ ਪੰਜਾਬ ਕਲਾ ਪਰਿਸ਼ਦ ਦੇ ਚੇਅਰਮੈਨ ਸਵਰਨਜੀਤ ਸਿੰਘ ਸਵੀ ਨੇ ਕਿਹਾ ਕਿ ਰੰਗਮੰਚ ਕਲਾ ਨੂੰ ਪ੍ਰਫੁੱਲਿਤ ਕਰਨ ਲਈ ਇਹ ਉਪਰਾਲੇ ਬਹੁਤ ਜਰੂਰੀ ਨੇ l ਇਸ ਨਾਟਕ ਮੰਚਨ ਦੇ ਮੁੱਖ ਮਹਿਮਾਨ ਜੀ. ਐੱਸ ਔਜਲਾ ਨੇ ਨਾਟਕ ਦੇ ਕਲਾਕਾਰਾਂ ਨੂੰ ਸ਼ਾਬਾਸ਼ੀ ਦਿੰਦਿਆਂ ਕਿਹਾ ਕਿ ਰੰਗਮੰਚ ਕਰਨਾ ਸਿਰੜੀ ਲੋਕਾਂ ਦਾ ਕੰਮ ਹੈ.. ਆਖੀਰ ਵਿਚ ਰੰਗਮੰਚ ਉਤਸਵ ਦੇ ਕੋਆਡੀਨੇਟਰ ਰਾਜਵਿੰਦਰ ਸਮਰਾਲਾ ਨੇ ਕਿਹਾ ਕਿ ਇਸ ਰੰਗਮੰਚ ਉਤਸਵ ਦਾ ਮਨੋਰਥ ਪੰਜਾਬ ਦੇ ਰੰਗਮੰਚ ਗਰੁੱਪ ਨੂੰ ਉਤਸ਼ਾਹਿਤ ਕਰਨਾ ਹੈ l
