ਚੰਡੀਗੜ੍ਹ, 21.05.2026:
ਯੂ.ਟੀ. ਚੰਡੀਗੜ੍ਹ ਦੇ ਟ੍ਰਾਂਸਪੋਰਟ ਖੇਤਰ ਵਿੱਚ ਊਰਜਾ ਸੰਭਾਲ਼, ਊਰਜਾ ਦਕਸ਼ਤਾ ਅਤੇ ਟਿਕਾਊ ਮੋਬਿਲਿਟੀ ਨੂੰ ਹੁਲਾਰਾ ਦੇਣ ਦੇ ਉਦੇਸ਼ ਨਾਲ ਇੰਜੀਨੀਅਰਿੰਗ ਵਿਭਾਗ, ਯੂ.ਟੀ. ਚੰਡੀਗੜ੍ਹ ਦੇ ਤਹਿਤ ਊਰਜਾ ਪ੍ਰਬੰਧਨ ਸੈੱਲ/ਐੱਸਡੀਏ (SDA) ਅਤੇ ਟ੍ਰਾਂਸਪੋਰਟ ਵਿਭਾਗ, ਯੂ.ਟੀ. ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਤਹਿਤ ਚੰਡੀਗੜ੍ਹ ਟ੍ਰਾਂਸਪੋਰਟ ਅੰਡਰਟੇਕਿੰਗ (ਸੀਟੀਯੂ/CTU) ਦੇ ਦਰਮਿਆਨ ਇੱਕ ਸਹਿਮਤੀ ਪੱਤਰ (ਐੱਮਓਯੂ/MoU) ‘ਤੇ ਹਸਤਾਖਰ ਕੀਤੇ ਗਏ।
ਇਸ ਸਹਿਮਤੀ ਪੱਤਰ (ਐੱਮਓਯੂ/MoU) ‘ਤੇ ਰਸਮੀ ਤੌਰ ‘ਤੇ ਡਾਇਰੈਕਟਰ ਟ੍ਰਾਂਸਪੋਰਟ, ਯੂ.ਟੀ. ਚੰਡੀਗੜ੍ਹ ਸ਼੍ਰੀ ਅਵਿਕੇਸ਼ ਗੁਪਤਾ (ਪੀਸੀਐਸ/PCS) ਅਤੇ ਊਰਜਾ ਪ੍ਰਬੰਧਨ ਸੈੱਲ/ਐੱਸਡੀਏ (SDA) ਚੰਡੀਗੜ੍ਹ ਦੇ ਪ੍ਰਮੁੱਖ ਸ਼੍ਰੀ ਪਵਨ ਕੁਮਾਰ ਸ਼ਰਮਾ ਨੇ ਹਸਤਾਖਰ ਕੀਤੇ। ਇਸ ਅਵਸਰ ‘ਤੇ ਚੰਡੀਗੜ੍ਹ ਸਿਟੀ ਬੱਸ ਸਰਵਿਸਿਜ਼ ਸੋਸਾਇਟੀ (ਸੀਸੀਬੀਐੱਸਐੱਸ/CCBSS) ਦੇ ਮੁੱਖ ਸੰਚਾਲਨ ਪ੍ਰਬੰਧਕ ਸ਼੍ਰੀ ਯਸ਼ਜੀਤ ਗੁਪਤਾ ਵੀ ਉਪਸਥਿਤ ਰਹੇ।
ਇਹ ਸਹਿਯੋਗ ਟ੍ਰਾਂਸਪੋਰਟ ਖੇਤਰ ਵਿੱਚ ਊਰਜਾ ਦਕਸ਼ ਅਤੇ ਘੱਟ ਉਤਸਰਜਨ ਵਾਲੀਆਂ ਤਕਨੀਕਾਂ ਨੂੰ ਅਪਣਾਉਣ, ਈੰਧਣ ਦਕਸ਼ਤਾ ਵਧਾਉਣ ਅਤੇ ਵਾਤਾਵਰਣ ਅਨੁਕੂਲ ਟਿਕਾਊ ਟ੍ਰਾਂਸਪੋਰਟ ਪਿਰਤਾਂ ਨੂੰ ਪ੍ਰੋਤਸਾਹਿਤ ਕਰਨ ‘ਤੇ ਕੇਂਦ੍ਰਿਤ ਹੋਵੇਗਾ। ਇਸ ਤੋਂ ਇਲਾਵਾ, ਇਹ ਸਾਂਝੇਦਾਰੀ ਗ੍ਰੀਨ ਮੋਬਿਲਿਟੀ, ਊਰਜਾ ਦਕਸ਼ਤਾ ਅਤੇ ਜ਼ਿੰਮੇਵਾਰ ਊਰਜਾ ਉਪਯੋਗ ਨੂੰ ਹੁਲਾਰਾ ਦੇਣ ਲਈ ਜਾਗਰੂਕਤਾ ਮੁਹਿੰਮਾਂ, ਸਮਰੱਥਾ-ਨਿਰਮਾਣ ਪ੍ਰੋਗਰਾਮਾਂ, ਟ੍ਰੇਨਿੰਗ ਸੈਸ਼ਨਾਂ ਅਤੇ ਜਨ-ਜਾਗਰੂਕਤਾ (ਆਊਟਰੀਚ) ਗਤੀਵਿਧੀਆਂ ਦੇ ਆਯੋਜਨ ‘ਤੇ ਵੀ ਕਾਰਜ ਕਰੇਗੀ।
ਇਹ ਪਹਿਲ ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਸੰਨ 2030 ਤੱਕ ਕਾਰਬਨ ਨਿਊਟ੍ਰੈਲਿਟੀ, ਸੰਨ 2047 ਤੱਕ ਨੈੱਟ ਜ਼ੀਰੋ ਉਤਸਰਜਨ ਪ੍ਰਾਪਤ ਕਰਨ ਅਤੇ ਸਟੇਟ ਐਨਰਜੀ ਐਫਿਸ਼ਿਐਂਸੀ ਇੰਡੈਕਸ ਵਿੱਚ ਆਪਣੀ ਰੈਂਕਿੰਗ ਬਿਹਤਰ ਕਰਨ ਦੇ ਵਿਜ਼ਨ ਦੇ ਅਨੁਰੂਪ ਹੈ। ਇਸ ਸਹਿਯੋਗ ਦੇ ਜ਼ਰੀਏ ਦੋਵੇਂ ਵਿਭਾਗ
ਟ੍ਰਾਂਸਪੋਰਟ ਖੇਤਰ ਵਿੱਚ ਊਰਜਾ ਖਪਤ ਅਤੇ ਕਾਰਬਨ ਉਤਸਰਜਨ ਨੂੰ ਘਟਾਉਣ ਦੇ ਨਾਲ-ਨਾਲ ਚੰਡੀਗੜ੍ਹ ਵਿੱਚ ਸਵੱਛ, ਟਿਕਾਊ ਅਤੇ ਊਰਜਾ ਦਕਸ਼ ਸ਼ਹਿਰੀ ਮੋਬਿਲਿਟੀ ਨੂੰ ਹੁਲਾਰਾ ਦੇਣ ਹਿਤ ਸੰਯੁਕਤ ਤੌਰ ‘ਤੇ ਕਾਰਜ ਕਰਨਗੇ।
