ਵਿਸ਼ਵ ਖੂਨਦਾਨ ਦਿਵਸ ਹਰ ਸਾਲ 14 ਜੂਨ ਨੂੰ ਸਵੈ-ਇੱਛਤ ਅਤੇ ਮੁਫ਼ਤ ਖੂਨਦਾਨੀਆਂ ਦਾ ਉਨ੍ਹਾਂ ਦੇ ਜੀਵਨ-ਰੱਖਿਅਕ ਖੂਨਦਾਨ ਲਈ ਧੰਨਵਾਦ ਪ੍ਰਗਟ ਕਰਨ ਲਈ ਮਨਾਇਆ ਜਾਂਦਾ ਹੈ। ਇਸ ਵਰ੍ਹੇ ਦੀ ਮੁਹਿੰਮ ਦਾ ਥੀਮ “ਮਨੁੱਖਤਾ ਦੀ ਇੱਕ ਬੂੰਦ – ਖੂਨਦਾਨ ਕਰੋ, ਜੀਵਨ ਬਚਾਓ ” ਹੈ।
ਇਸ ਅਵਸਰ ‘ਤੇ ਆਯੋਜਿਤ ਮਹੀਨਾ ਭਰ ਚਲਣ ਵਾਲੇ ਪ੍ਰੋਗਰਾਮਾਂ ਦੀ ਸੀਰੀਜ਼ ਦੇ ਤਹਿਤ ਵਿਭਿੰਨ ਗ਼ੈਰ-ਸਰਕਾਰੀ ਸੰਗਠਨਾਂ (ਐੱਨਜੀਓਜ਼/NGOs) ਦੇ ਸਹਿਯੋਗ ਨਾਲ ਖੂਨਦਾਨ ਕੈਂਪਾਂ ਦਾ ਆਯੋਜਨ ਕੀਤਾ ਗਿਆ, ਜਿਨ੍ਹਾਂ ਵਿੱਚ ਹੁਣ ਤੱਕ 232 ਯੂਨਿਟ ਖੂਨ ਇਕੱਠਾ ਹੋਇਆ ਹੈ।
ਇਸੇ ਕ੍ਰਮ ਵਿੱਚ 11.06.2026 ਨੂੰ ਸਰਕਾਰੀ ਮਲਟੀ ਸਪੈਸ਼ਲਿਟੀ ਹਸਪਤਾਲ, ਸੈਕਟਰ 16, ਚੰਡੀਗੜ੍ਹ ਦੇ ਬਲੱਡ ਸੈਂਟਰ ਵਿਖੇ ਇੱਕ ਸਵੈ-ਇੱਛਤ ਖੂਨਦਾਨ ਕੈਂਪ ਲਗਾਇਆ ਗਿਆ, ਜਿਸ ਵਿੱਚ ਹਸਪਤਾਲ ਦੇ ਸਟਾਫ਼ ਮੈਂਬਰਾਂ ਨੇ ਉਤਸ਼ਾਹ ਨਾਲ ਹਿੱਸਾ ਲਿਆ ਅਤੇ 53 ਯੂਨਿਟ ਖੂਨ ਇਕੱਠਾ ਕੀਤਾ ਗਿਆ, ਜੋ ਲੋੜਵੰਦ ਮਰੀਜ਼ਾਂ ਲਈ ਉਪਯੋਗੀ ਹੋਵੇਗਾ।
ਡਾ. ਸੁਮਨ ਸਿੰਘ, ਡਾਇਰੈਕਟਰ ਸਿਹਤ ਅਤੇ ਪਰਿਵਾਰ ਭਲਾਈ, ਯੂ.ਟੀ. ਚੰਡੀਗੜ੍ਹ ਨੇ ਕੈਂਪ ਦਾ ਉਦਘਾਟਨ ਕੀਤਾ ਅਤੇ ਨਿਯਮਿਤ ਖੂਨਦਾਨੀਆਂ ਨੂੰ ਸਨਮਾਨਿਤ ਕਰਦੇ ਹੋਏ ਉਨ੍ਹਾਂ ਦੇ ਇਸ ਜੀਵਨ ਦੇ ਅਨਮੋਲ ਤੋਹਫ਼ੇ ਲਈ ਉਨ੍ਹਾਂ ਦਾ ਧੰਨਵਾਦ ਕੀਤਾ। ਉਨ੍ਹਾਂ ਨੇ ਗੰਭੀਰ ਅਨੀਮੀਆ ਤੋਂ ਪੀੜਿਤ ਮਰੀਜ਼ਾਂ ਲਈ ਲੋੜੀਂਦੇ ਖੂਨ ਦੇ ਭੰਡਾਰ ਨੂੰ ਬਣਾਈ ਰੱਖਣ ਹਿਤ ਸਵੈ-ਇੱਛਤ ਖੂਨਦਾਨ ਅਤੇ ਸਮੁਦਾਇਕ ਸਹਿਭਾਗਿਤਾ ਨਾਲ ਨਿਯਮਿਤ ਖੂਨਦਾਨ ਕੈਂਪਾਂ ਦੇ ਆਯੋਜਨ ਦੀ ਜ਼ਰੂਰਤ ‘ਤੇ ਬਲ ਕੀਤਾ।
ਹਸਪਤਾਲ ਦੇ ਮੈਡੀਕਲ ਸੁਪਰਡੈਂਟ, ਡਾ. ਸਦਭਾਵਨਾ ਪੰਡਿਤ ਅਤੇ ਡਿਪਟੀ ਮੈਡੀਕਲ ਸੁਪਰਡੈਂਟ, ਡਾ. ਪਰਮਜੀਤ ਸਿੰਘ ਵੀ ਇਸ ਅਵਸਰ ‘ਤੇ ਉਪਸਥਿਤ ਰਹੇ ਅਤੇ ਖੂਨਦਾਨੀਆਂ ਨੂੰ ਉਤਸ਼ਾਹਿਤ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਸਮਰਪਿਤ, ਨਿਯਮਿਤ ਅਤੇ ਸੁਰੱਖਿਅਤ ਖੂਨਦਾਨੀ ਗੰਭੀਰ ਅਨੀਮੀਆ, ਕੈਂਸਰ, ਥੈਲੇਸੀਮੀਆ, ਦੁਰਘਟਨਾ ਪੀੜਿਤਾਂ ਅਤੇ ਪ੍ਰਸੂਤੀ ਸਬੰਧੀ ਮਰੀਜ਼ਾਂ ਸਹਿਤ ਅਨੇਕ ਲੋੜਵੰਦ ਰੋਗੀਆਂ ਦਾ ਜੀਵਨ ਬਚਾਉਣ ਵਿੱਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ।
ਇਸ ਵਰ੍ਹੇ ਦੇ ਥੀਮ, “ਮਨੁੱਖਤਾ ਦੀ ਇੱਕ ਬੂੰਦ – ਖੂਨਦਾਨ ਕਰੋ, ਜੀਵਨ ਬਚਾਓ” ਨੂੰ ਯਾਦਗਾਰੀ ਬਣਾਉਣ ਲਈ ਕੱਪੜੇ ਨਾਲ ਖੂਨ ਦੀ ਇੱਕ ਬੂੰਦ ਦਾ ਪ੍ਰਤੀਕਾਤਮਕ ਸਰੂਪ ਤਿਆਰ ਕੀਤਾ ਗਿਆ, ਜਿਸ ਦੇ ਜ਼ਰੀਏ ਖੂਨਦਾਨ ਬਾਰੇ ਜਨ-ਜਾਗਰੂਕਤਾ ਵਧਾਉਣ ਦਾ ਸੰਦੇਸ਼ ਦਿੱਤਾ ਗਿਆ।
