“ਵੰਨ ਸਕੈਨ, ਵੰਨ ਸਟੈੱਪ ਟੁਵਰਡਸ ਬ੍ਰੇਕਿੰਗ ਫ੍ਰੀ”
ਪੰਜਾਬ ਦੇ ਮਾਣਯੋਗ ਰਾਜਪਾਲ ਅਤੇ ਯੂ.ਟੀ. ਚੰਡੀਗੜ੍ਹ ਦੇ ਪ੍ਰਸ਼ਾਸਕ, ਸ਼੍ਰੀ ਗੁਲਾਬ ਚੰਦ ਕਟਾਰੀਆ ਐੱਚਆਈਵੀ/ਏਡਸ ਜਾਗਰੂਕਤਾ ਲਈ ਇੰਟੈਸਿਫਾਇਡ ਆਈਈਸੀ ਮੁਹਿੰਮ ਦੇ ਤੀਸਰੇ ਪੜਾਅ ਦਾ 12 ਅਗਸਤ 2026 ਨੂੰ ਸ਼ਾਮ 5:00 ਵਜੇ ਪੰਜਾਬ ਲੋਕ ਭਵਨ, ਸੈਕਟਰ-6, ਚੰਡੀਗੜ੍ਹ ਵਿਖੇ ਉਦਘਾਟਨ ਕਰਨਗੇ।
ਅੰਤਰਰਾਸ਼ਟਰੀ ਯੁਵਾ ਦਿਵਸ ਦੇ ਅਵਸਰ ‘ਤੇ ਆਯੋਜਿਤ ਇਹ ਲਾਂਚ ਸ਼ਹਿਰ-ਵਿਆਪੀ ਮੈਗਾ ਡਿਜੀਟਲ ਅੰਦੋਲਨ ਦੇ ਰੂਪ ਵਿੱਚ ਕੀਤਾ ਜਾਵੇਗਾ। ਪੰਜਾਬ ਲੋਕ ਭਵਨ ਵਿਖੇ ਆਯੋਜਿਤ ਮੁੱਖ ਪ੍ਰੋਗਰਾਮ ਦਾ ਚੰਡੀਗੜ੍ਹ ਦੇ ਵਿਭਿੰਨ ਸਥਾਨਾਂ ‘ਤੇ ਇੱਕੋ ਸਮੇਂ ਪ੍ਰਸਾਰਣ ਕੀਤਾ ਜਾਵੇਗਾ ਜਿਸ ਨਾਲ ਨਾਗਰਿਕ, ਵਿਦਿਆਰਥੀ ਅਤੇ ਯੁਵਾ ਇਸ ਮੁਹਿੰਮ ਵਿੱਚ ਇਕੱਠੇ ਹਿੱਸਾ ਲੈ ਸਕਣਗੇ।
ਯੂ.ਟੀ. ਚੰਡੀਗੜ੍ਹ ਦੇ ਪ੍ਰਸ਼ਾਸਕ “ਬ੍ਰੇਕ ਫ੍ਰੀ – ਨੋ ਯੂਅਰ ਐੱਚਆਈਵੀ ਰਿਸਕ” ਸਟੇਟ ਮੁਹਿੰਮ ਵੀ ਸ਼ੁਰੂ ਕਰਨਗੇ। ਇਹ ਤਕਨੀਕ ਅਧਾਰਿਤ ਪਹਿਲ ਨਾਗਰਿਕਾਂ ਨੂੰ ਆਪਣੇ ਮੋਬਾਈਲ ਫੋਨਾਂ ‘ਤੇ ਕਿਊਆਰ ਕੋਡ ਸਕੈਨ ਕਰਕੇ ਗੁਪਤ ਤੌਰ ‘ਤੇ ਆਪਣੇ ਐੱਚਆਈਵੀ ਜੋਖਮ ਦਾ ਮੁੱਲਾਂਕਣ ਕਰਨ ਲਈ ਪ੍ਰੋਤਸਾਹਿਤ ਕਰੇਗੀ।
ਲਾਂਚ ਦੇ ਸਮੇਂ ਬ੍ਰੇਕ ਫ੍ਰੀ ਕਿਊਆਰ ਕੋਡ ਸੈਕਟਰ-17 ਪਲਾਜ਼ਾ, ਏਲਾਂਟੇ ਮਾਲ, ਪੰਜਾਬ ਯੂਨੀਵਰਸਿਟੀ ਸਟੂਡੈਂਟ ਸੈਂਟਰ, ਪੰਜਾਬ ਇੰਜੀਨੀਅਰਿੰਗ ਕਾਲਜ, ਗਵਰਨਮੈਂਟ ਮਲਟੀਸਪੈਸ਼ਲਿਟੀ ਹਸਪਤਾਲ, ਸੈਕਟਰ-16, ਨੈਸ਼ਨਲ ਇੰਸਟੀਟੀਊਟ ਆਵ੍ ਨਰਸਿੰਗ ਐਜੂਕੇਸ਼ਨ ਅਤੇ ਪੀਜੀਆਈਐੱਮਈਆਰ ਸਹਿਤ ਪ੍ਰਮੁੱਖ ਸਥਾਨਾਂ ‘ਤੇ ਐੱਲਈਡੀ ਸਕ੍ਰੀਨਾਂ ‘ਤੇ ਪ੍ਰਦਰਸ਼ਿਤ ਕੀਤਾ ਜਾਵੇਗਾ। ਇਨ੍ਹਾਂ ਸਥਾਨਾਂ ‘ਤੇ ਨਾਗਰਿਕਾਂ ਅਤੇ ਵਿਦਿਆਰਥੀਆਂ ਨੂੰ ਇੱਕੋ ਸਮੇਂ ਇਸ ਮੁਹਿੰਮ ਵਿੱਚ ਹਿੱਸਾ ਲੈਣ ਲਈ ਪ੍ਰੋਤਸਾਹਿਤ ਕੀਤਾ ਜਾਵੇਗਾ।
ਪੰਜਾਬ ਲੋਕ ਭਵਨ ਵਿਖੇ ਲਾਇਵ ਡਿਜੀਟਲ ਪਾਰਟੀਸਿਪੇਸ਼ਨ ਡੈਸ਼ਬੋਰਡ ਦੇ ਜ਼ਰੀਏ ਮੁਹਿੰਮ ਦੀ ਪ੍ਰਤੀਕਿਰਿਆ ਪ੍ਰਦਰਸ਼ਿਤ ਕੀਤੀ ਜਾਵੇਗੀ। ਇਸ ਵਿੱਚ ਕਿਊਆਰ ਸਕੈਨ, ਆਪਣੇ ਆਪ ਵੱਲੋਂ ਕੀਤੇ ਗਏ ਐੱਚਆਈਵੀ ਜੋਖਮ ਮੁੱਲਾਂਕਣ ਅਤੇ ਹਿੱਸਾ ਲੈਣ ਵਾਲੀਆਂ ਸੰਸਥਾਵਾਂ ਦੀ ਜਾਣਕਾਰੀ ਸ਼ਾਮਲ ਹੋਵੇਗੀ। ਇਸ ਨਾਲ ਪ੍ਰਸ਼ਾਸਕ, ਯੂ.ਟੀ. ਚੰਡੀਗੜ੍ਹ ਨੂੰ ਸ਼ਹਿਰ-ਵਿਆਪੀ ਭਾਗੀਦਾਰੀ ਦੀ ਰੀਅਲ-ਟਾਇਮ ਦੀ ਜਾਣਕਾਰੀ ਮਿਲ ਸਕੇਗੀ।
ਇਹ ਮੁਹਿੰਮ ਚੰਡੀਗੜ੍ਹ ਸਟੇਟ ਏਡਸ ਕੰਟਰੋਲ ਸੋਸਾਇਟੀ (ਸੀਐੱਸਏਸੀਐੱਸ), ਸਿਹਤ ਵਿਭਾਗ, ਚੰਡੀਗੜ੍ਹ ਪ੍ਰਸ਼ਾਸਨ ਦੁਆਰਾ ਰਾਸ਼ਟਰੀ ਏਡਸ ਕੰਟਰੋਲ ਸੰਗਠਨ (ਐੱਨਏਸੀਓ), ਸਿਹਤ ਅਤੇ ਪਰਿਵਾਰ ਭਲਾਈ ਮੰਤਰਾਲਾ, ਭਾਰਤ ਸਰਕਾਰ ਦੀ ਸਰਪ੍ਰਸਤੀ ਵਿੱਚ ਆਯੋਜਿਤ ਕੀਤੀ ਜਾ ਰਹੀ ਹੈ। ਇਹ ਮੁਹਿੰਮ ਦੋ ਮਹੀਨਿਆਂ ਤੱਕ ਜਾਰੀ ਰਹੇਗੀ ਅਤੇ ਚੰਡੀਗੜ੍ਹ ਵਿੱਚ ਇੰਟੈਸਿਫਾਇਡ ਆਈਈਸੀ ਗਤੀਵਿਧੀਆਂ ਆਯੋਜਿਤ ਕੀਤੀਆਂ ਜਾਣਗੀਆਂ।
ਇਸ ਮੁਹਿੰਮ ਦਾ ਉਦੇਸ਼ ਐੱਚਆਈਵੀ ਦੀ ਰੋਕਥਾਮ ਨੂੰ ਮਜ਼ਬੂਤ ਕਰਨਾ, ਸਮੇਂ ‘ਤੇ ਟੈਸਟਿੰਗ ਅਤੇ ਇਲਾਜ ਨੂੰ ਪ੍ਰੋਤਸਾਹਿਤ ਕਰਨਾ ਅਤੇ ਐੱਚਆਈਵੀ ਨਾਲ ਜੁੜੇ ਕਲੰਕ ਅਤੇ ਭੇਦਭਾਵ ਨੂੰ ਘੱਟ ਕਰਨਾ ਹੈ। ਨਾਲ ਹੀ ਨੌਜਵਾਨਾਂ ਨੂੰ ਸੰਨ 2030 ਤੱਕ ਏਡਸ ਨੂੰ ਜਨਤਕ ਸਿਹਤ ਖ਼ਤਰੇ ਦੇ ਰੂਪ ਵਿੱਚ ਸਮਾਪਤ ਕਰਨ ਦੇ ਸਮੂਹਿਕ ਪ੍ਰਯਾਸ ਨਾਲ ਜੋੜਨਾ ਵੀ ਮੁਹਿੰਮ ਦਾ ਪ੍ਰਮੁੱਖ ਉਦੇਸ਼ ਹੈ।
“ਵੰਨ ਸਕੈਨ, ਵੰਨ ਸਟੈੱਪ ਟੁਵਰਡਸ ਬ੍ਰੇਕਿੰਗ ਫ੍ਰੀ” ਇਸ ਸ਼ਹਿਰ-ਵਿਆਪੀ ਮੁਹਿੰਮ ਦਾ ਕੇਂਦਰੀ ਸੰਦੇਸ਼ ਹੋਵੇਗਾ। ਇਸ ਦੇ ਜ਼ਰੀਏ ਹਰੇਕ ਨਾਗਰਿਕ ਨੂੰ ਆਪਣੇ ਐੱਚਆਈਵੀ ਜੋਖਮ ਨੂੰ ਜਾਣਨ ਅਤੇ ਆਪਣੀ ਸਿਹਤ ਦੀ ਸੁਰੱਖਿਆ ਦੀ ਦਿਸ਼ਾ ਪਹਿਲਾ ਕਦਮ ਉਠਾਉਣ ਲਈ ਪ੍ਰੋਤਸਾਹਿਤ ਕੀਤਾ ਜਾਵੇਗਾ।
