ਸ਼੍ਰੀ ਨਿਸ਼ਾਂਤ ਯਾਦਵ, ਆਈਏਐੱਸ, ਆਬਕਾਰੀ ਅਤੇ ਟੈਕਸੇਸ਼ਨ ਕਮਿਸ਼ਨਰ, ਯੂਟੀ ਚੰਡੀਗੜ੍ਹ ਦੇ ਮਾਰਗਦਰਸ਼ਨ ਅਤੇ ਨਿਰਦੇਸ਼ਾਂ ਦੇ ਤਹਿਤ ਆਬਕਾਰੀ ਵਿਭਾਗ ਨੇ ਪੰਜਾਬ ਆਬਕਾਰੀ ਐਕਟ, 1914, ਉਸ ਦੇ ਤਹਿਤ ਬਣਾਏ ਗਏ ਨਿਯਮਾਂ ਅਤੇ ਯੂਟੀ ਚੰਡੀਗੜ੍ਹ ਦੀ ਆਬਕਾਰੀ ਨੀਤੀ 2026-27 ਦੇ ਪ੍ਰਾਵਧਾਨਾਂ ਦੇ ਪ੍ਰਭਾਵੀ ਅਨੁਪਾਲਨ ਨੂੰ ਸੁਨਿਸ਼ਚਿਤ ਕਰਨ ਹਿਤ ਲਾਗੂਕਰਨ ਗਤੀਵਿਧੀਆਂ ਨੂੰ ਹੋਰ ਅਧਿਕ ਸਖ਼ਤ ਕੀਤਾ ਹੈ।
ਹਾਲ ਹੀ ਵਿੱਚ ਇਹ ਦੇਖਿਆ ਗਿਆ ਕਿ ਇੱਕ ਖੁਦਰਾ ਸ਼ਰਾਬ ਲਾਇਸੈਂਸਧਾਰਕ ਦੁਆਰਾ “ਸਮਿਰਨੌਫ ਮਿੰਟੀ ਜਾਮੁਨ ਵੋਡਕਾ” ਨੂੰ ਬਰਫ਼ ਦੇ ਗੋਲਿਆਂ (ਚੁਸਕੀ) ਦੇ ਨਾਲ ਮਿਲਾ ਕੇ ਅਣਅਧਿਕਾਰਿਤ ਤਰੀਕੇ ਨਾਲ ਆਮ ਜਨਤਾ ਨੂੰ
ਲਾਇਸੰਸਸ਼ੁਦਾ ਪਰਿਸਰ ਦੇ ਬਾਹਰ,
ਇੰਟਰਨਲ ਮਾਰਕਿਟ, ਸੈਕਟਰ 9, ਚੰਡੀਗੜ੍ਹ ਦੇ ਵਿੱਚ ਪਰੋਸਿਆ ਜਾ ਰਿਹਾ ਸੀ।
ਇਸ ਸਬੰਧ ਵਿੱਚ ਕਲੈਕਟਰ (ਆਬਕਾਰੀ), ਸ਼੍ਰੀ ਪ੍ਰਦੁਮਨ ਸਿੰਘ ਦੁਆਰਾ ਲਾਇਸੰਸਧਾਰਕ, ਮੈਸਰਜ਼ ਬਜਾਜ ਸਪਿਰਿਟਸ ਪ੍ਰਾਈਵੇਟ ਲਿਮਿਟਿਡ, ਇੰਟਰਨਲ ਮਾਰਕਿਟ, ਸੈਕਟਰ 9, ਚੰਡੀਗੜ੍ਹ ਨੂੰ ਕਾਰਨ ਦੱਸੋ ਨੋਟਿਸ ਜਾਰੀ ਕੀਤਾ ਗਿਆ। ਮਾਮਲੇ ‘ਤੇ ਵਿਚਾਰ ਕਰਨ ਤੋਂ ਬਾਅਦ ਕਲੈਕਟਰ (ਆਬਕਾਰੀ) ਦੁਆਰਾ ਲਾਇਸੈਂਸਧਾਰਕ ‘ਤੇ 7 ਲੱਖ ਰੁਪਏ ਦਾ ਜੁਰਮਾਨਾ ਲਗਾਇਆ ਗਿਆ ਹੈ।
ਇੱਕ ਹੋਰ ਮਾਮਲੇ ਵਿੱਚ ਮੈਸਰਜ਼ ਕੈਂਦਲ ਹਾਸਪਿਟੈਲਿਟੀ, ਐੱਸਸੀਓ 11, ਸੈਕਟਰ 7, ਚੰਡੀਗੜ੍ਹ ਦਾ ਬਾਰ ਲਾਇਸੈਂਸ ਪੰਜਾਬ ਐਕਸਾਈਜ਼ ਐਕਟ, 1914 ਅਤੇ ਉਸ ਦੇ ਤਹਿਤ ਬਣਾਏ ਗਏ ਨਿਯਮਾਂ ਦੀ ਉਲੰਘਣਾ ਕਾਰਨ ਰੱਦ ਕਰ ਦਿੱਤਾ ਗਿਆ ਹੈ।
ਐਕਸਾਈਜ਼ ਵਿਭਾਗ ਯੂਟੀ ਚੰਡੀਗੜ੍ਹ ਵਿੱਚ ਪਾਰਦਰਸ਼ੀ, ਕਾਨੂੰਨੀ ਅਤੇ ਸੁਵਿਵਸਥਿਤ ਐਕਸਾਈਜ਼ ਪ੍ਰਸ਼ਾਸਨ ਸੁਨਿਸ਼ਚਿਤ ਕਰਨ ਲਈ ਪ੍ਰਤੀਬੱਧ ਹੈ। ਸ਼ਰਾਬ ਦੀ ਅਣਅਧਿਕਾਰਿਤ ਵਿਕਰੀ, ਪਰੋਸਣਾ, ਸਟੋਰੇਜ, ਟ੍ਰਾਂਸਪੋਰਟੇਸ਼ਨ ਜਾਂ ਦੁਰਉਪਯੋਗ ਵਿੱਚ ਸ਼ਾਮਲ ਪਾਏ ਜਾਣ ਵਾਲੇ ਕਿਸੇ ਵੀ ਵਿਅਕਤੀ ਜਾਂ ਲਾਇਸੈਂਸਧਾਰਕ ਦੇ ਵਿਰੁੱਧ ਕਾਨੂੰਨ ਅਨੁਸਾਰ ਸਖ਼ਤ ਕਾਰਵਾਈ ਕੀਤੀ ਜਾਵੇਗੀ।
