ਇਸ ਕਾਨਫਰੰਸ ਦੀ ਪ੍ਰਧਾਨਗੀ ਮੁੱਖ ਚੋਣ ਕਮਿਸ਼ਨਰ ਸ਼੍ਰੀ ਗਿਆਨੇਸ਼ ਕੁਮਾਰ ਨੇ ਚੋਣ ਕਮਿਸ਼ਨਰ ਡਾ. ਸੁਖਬੀਰ ਸਿੰਘ ਸੰਧੂ ਅਤੇ ਡਾ. ਵਿਵੇਕ ਜੋਸ਼ੀ ਦੀ ਮੌਜੂਦਗੀ ਵਿੱਚ ਕੀਤੀ। ਕਮਿਸ਼ਨ ਨੇ ਦੇਸ਼ ਵਿਆਪੀ ਵਿਸ਼ੇਸ਼ ਇੰਟੈਂਸਿਵ ਰਿਵੀਜ਼ਨ (SIR) ਅਭਿਆਸ ਲਈ ਸਾਰੇ ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਦੇ ਸੀਈਓਜ਼ ਦੇ ਦਫ਼ਤਰਾਂ ਦੀ ਤਿਆਰੀ ਦਾ ਮੁਲਾਂਕਣ ਕੀਤਾ।
ਇਹ ਕਾਨਫਰੰਸ 10 ਸਤੰਬਰ, 2025 ਨੂੰ ਆਯੋਜਿਤ SIR ਤਿਆਰੀ ਕਾਨਫਰੰਸ ਦੇ ਫਾਲੋ-ਅੱਪ ਵਜੋਂ ਆਯੋਜਿਤ ਕੀਤੀ ਜਾ ਰਹੀ ਹੈ ਜਿਸ ਦੌਰਾਨ ਸਾਰੇ ਰਾਜਾਂ/ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਨੇ ਆਖਰੀ ਮੁਕੰਮਲ SIR ਦੇ ਅਨੁਸਾਰ ਆਪਣੇ-ਆਪਣੇ ਰਾਜ/ਕੇਂਦਰ ਸ਼ਾਸਿਤ ਪ੍ਰਦੇਸ਼ ਵਿੱਚ ਵੋਟਰਾਂ ਦੀ ਗਿਣਤੀ, ਆਖਰੀ SIR ਦੀ ਯੋਗਤਾ ਮਿਤੀ ਅਤੇ ਵੋਟਰ ਸੂਚੀ ਬਾਰੇ ਵਿਸਤ੍ਰਿਤ ਪੇਸ਼ਕਾਰੀਆਂ ਦਿੱਤੀਆਂ।
ਕਮਿਸ਼ਨ ਨੇ ਰਾਜ/ਕੇਂਦਰ ਸ਼ਾਸਤ ਪ੍ਰਦੇਸ਼ ਵਿੱਚ ਪਿਛਲੇ SIR ਦੇ ਅਨੁਸਾਰ ਮੌਜੂਦਾ ਵੋਟਰਾਂ ਨੂੰ ਵੋਟਰਾਂ ਨਾਲ ਮੈਪ ਕਰਨ ਲਈ ਪਹਿਲਾਂ ਜਾਰੀ ਕੀਤੇ ਗਏ ਨਿਰਦੇਸ਼ਾਂ ‘ਤੇ ਹੋਈ ਪ੍ਰਗਤੀ ਦਾ ਮੁਲਾਂਕਣ ਕੀਤਾ।
ਕਮਿਸ਼ਨ ਨੇ DEOs, EROS, AEROS, BLOs ਅਤੇ BLAs ਦੀ ਨਿਯੁਕਤੀ ਅਤੇ ਸਿਖਲਾਈ ਦੀ ਸਥਿਤੀ ਦੀ ਵੀ ਸਮੀਖਿਆ ਕੀਤੀ।
ਮੀਟਿੰਗ ਦੌਰਾਨ ਸ਼੍ਰੀ ਸਵਪਨਿਲ ਐਮ. ਨਾਇਕ, IAS, ਮੁੱਖ ਚੋਣ ਅਧਿਕਾਰੀ, UT ਚੰਡੀਗੜ੍ਹ; ਸ਼੍ਰੀ ਹਰੀ ਕਲਿੱਕਟ, IAS, ਵਧੀਕ ਮੁੱਖ ਚੋਣ ਅਧਿਕਾਰੀ; ਸ਼੍ਰੀ ਅਮਨਦੀਪ ਸਿੰਘ ਭੱਟੀ, PCS, ਵਧੀਕ ਡਿਪਟੀ ਕਮਿਸ਼ਨਰ, UT ਚੰਡੀਗੜ੍ਹ ਮੌਜੂਦ ਸਨ।
1
2
