ਚੰਡੀਗੜ੍ਹ, 10 ਅਪ੍ਰੈਲ, 2026: ਪੋਸ਼ਣ ਪਖਵਾੜਾ ਦੇ ਤਹਿਤ ਵਿਭਿੰਨ ਕੇਂਦਰਾਂ ਵਿੱਚ ਵਿਆਪਕ ਜਾਗਰੂਕਤਾ ਅਤੇ ਆਊਟਰੀਚ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਗਿਆ। ਆਰਸੀ ਧਨਾਸ-2 ਵਿਖੇ ਨਵਚੇਤਨਾ ਫ੍ਰੇਮਵਰਕ (0-3 ਵਰ੍ਹੇ), ਮਾਤਾਵਾਂ ਦੇ ਪੋਸ਼ਣ ਦੇ ਮਹੱਤਵ ਅਤੇ ਸ਼ਿਸ਼ੂ ਤੇ ਬਾਲ ਆਹਾਰ ਪੱਧਤੀਆਂ (ਆਈਵਾਈਸੀਐੱਫ/IYCF)
‘ਤੇ ਇੱਕ ਜਾਗਰੂਕਤਾ ਸੈਸ਼ਨ ਆਯੋਜਿਤ ਕੀਤਾ ਗਿਆ, ਜਿਸ ਵਿੱਚ ਮਾਹਰਾਂ, ਅਧਿਕਾਰੀਆਂ ਅਤੇ ਲਾਭਾਰਥੀਆਂ ਨੇ ਹਿੱਸਾ ਲਿਆ।
ਇਸ ਤੋਂ ਇਲਾਵਾ, ਡੱਡੂਮਾਜਰਾ ਅਤੇ ਇੰਡਸਟ੍ਰੀਅਲ ਏਰੀਆ ਸਰਕਲਾਂ ਵਿੱਚ ਵੀ ਪਖਵਾੜਾ ਮਨਾਇਆ ਗਿਆ, ਜਿੱਥੇ ਮਾਪਿਆਂ ਅਤੇ ਸਮੁਦਾਇ ਦੀ ਭੂਮਿਕਾ ‘ਤੇ ਵਿਸ਼ੇਸ਼ ਜ਼ੋਰ ਦਿੰਦੇ ਹੋਏ ਸਕ੍ਰੀਨ ਟਾਇਮ ਨੂੰ ਘੱਟ ਕਰਨ, ਰੋਜ਼ਾਨਾ ਆਹਾਰ ਅਤੇ ਵਿਅਕਤੀਗਤ ਦੇਖਭਾਲ਼ ਬਾਰੇ ਜਾਗਰੂਕਤਾ ਵਧਾਈ ਗਈ।
ਇਸ ਦੇ ਨਾਲ ਹੀ ਵਿਭਿੰਨ ਥੀਮੈਟਿਕ ਗਤੀਵਿਧੀਆਂ ਵੀ ਆਯੋਜਿਤ ਕੀਤੀਆਂ ਗਈਆਂ, ਜਿਨ੍ਹਾਂ ਵਿੱਚ ਜਲਦੀ ਛਾਤੀ ਦਾ ਦੁੱਧ ਚੁੰਘਾਉਣ ਨੂੰ ਹੁਲਾਰਾ ਦੇਣਾ, ਗਰਭਵਤੀ ਮਹਿਲਾਵਾਂ ਲਈ ਮੋਟੇ ਅਨਾਜ (ਮਿਲੇਟਸ) ਅਧਾਰਿਤ ਪੋਸ਼ਣ, ਬੱਚਿਆਂ ਦੇ ਵਾਧੇ ਦੀ ਨਿਗਰਾਨੀ, 3-6 ਵਰ੍ਹਿਆਂ ਦੇ ਬੱਚਿਆਂ ਲਈ ਪ੍ਰੀ-ਸਕੂਲ ਸਿੱਖਿਆ, ਅਤੇ ਸੰਸਥਾਗਤ ਜਣੇਪੇ ਨੂੰ ਪ੍ਰੋਤਸਾਹਿਤ ਕਰਨ ਹਿਤ ਘਰੇਲੂ ਦੌਰੇ ਸ਼ਾਮਲ ਹਨ। ਹੋਰ ਪਹਿਲਾਂ ਵਿੱਚ ਘਰ ‘ਤੇ ਯੋਗ ਨੂੰ ਹੁਲਾਰਾ ਦੇਣਾ, ਮਿਲੇਟਸ ਦੇ ਸਿਹਤ ਲਾਭਾਂ ਬਾਰੇ ਜਾਗਰੂਕਤਾ, ਮਿਲੇਟਸ ਵਿਸ਼ੇ ‘ਤੇ ਸਲੋਗਨ ਲਿਖਣ ਮੁਕਾਬਲੇ, ਟੀਕਾਕਰਣ ‘ਤੇ ਵਖਿਆਨ, ਅਤੇ ਗੰਭੀਰ ਤੀਬਰ ਕੁਪੋਸ਼ਣ/ਦਰਮਿਆਨੇ ਤੀਬਰ ਕੁਪੋਸ਼ਣ (ਐੱਸਏਐੱਮ/ਐੱਮਏਐੱਮ/SAM/MAM) ਬੱਚਿਆਂ ਲਈ ਘਰੇਲੂ ਦੌਰੇ ਸ਼ਾਮਲ ਰਹੇ।
ਇਸ ਦੇ ਇਲਾਵਾ, ਆਯੁਸ਼ ਦੇ ਜ਼ਰੀਏ ਸੰਪੂਰਨ ਸਿਹਤ ਦੇ ਪ੍ਰਤੀ ਜਾਗਰੂਕਤਾ, ਖੁਰਾਕ ਮਜ਼ਬੂਤੀਕਰਨ (ਫੋਰਟਿਫਿਕੇਸ਼ਨ), ‘ਪੋਸ਼ਣ ਕੇ ਪੰਚ ਸੂਤਰ’ ਅਤੇ ਪੂਰਕ ਆਹਾਰ ਪੱਧਤੀਆਂ ‘ਤੇ ਵੀ ਸੈਸ਼ਨ ਆਯੋਜਿਤ ਕੀਤੇ ਗਏ। ਸ਼ੁਰੂਆਤੀ ਬਾਲ ਅਵਸਥਾ ਵਿੱਚ ਮਿਲੇਟਸ ਨੂੰ ਆਹਾਰ ਵਿੱਚ ਸ਼ਾਮਲ ਕਰਨ ‘ਤੇ ਵੀ ਵਿਸ਼ੇਸ਼ ਬਲ ਦਿੱਤਾ ਗਿਆ।
ਅੱਗੇ, ਆਯੁਸ਼ ਡਾਕਟਰਾਂ ਦੁਆਰਾ ਰੋਜ਼ਾਨਾ ‘ਪੋਸ਼ਣ ਹੈਲਪਲਾਇਨ’ ਸੈਸ਼ਨ ਆਯੋਜਿਤ ਕੀਤੇ ਜਾ ਰਹੇ ਹਨ, ਜਿਨ੍ਹਾਂ ਦੇ ਜ਼ਰੀਏ ਲਾਭਾਰਥੀਆਂ ਨੂੰ ਡਾਕਟਰਾਂ ਨਾਲ ਸਿੱਧੇ ਸੰਵਾਦ ਕਰਕੇ ਪੋਸ਼ਣ ਅਤੇ ਸਿਹਤ ਸਬੰਧੀ ਸਮੱਸਿਆਵਾਂ ਦਾ ਸਮਾਧਾਨ ਪ੍ਰਾਪਤ ਕਰਨ ਦੀ ਸੁਵਿਧਾ ਮਿਲ ਰਹੀ ਹੈ।
