ਭਾਰਤੀ ਜਨਤਾ ਪਾਰਟੀ ਪੰਜਾਬ ਦੇ ਸੂਬਾ ਪ੍ਰਧਾਨ ਸਰਦਾਰ ਕੇਵਲ ਸਿੰਘ ਢਿੱਲੋਂ ਨੇ ਸੂਬੇ ਵਿੱਚ ਪਾਰਟੀ ਦੇ ਸੰਗਠਨ ਨੂੰ ਹੋਰ ਮਜ਼ਬੂਤ ਕਰਨ, ਜ਼ਿਲ੍ਹਾ ਪੱਧਰ ’ਤੇ ਬਿਹਤਰ ਤਾਲਮੇਲ ਸਥਾਪਤ ਕਰਨ ਅਤੇ ਪਾਰਟੀ ਦੇ ਪ੍ਰੋਗਰਾਮਾਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨ ਦੇ ਉਦੇਸ਼ ਨਾਲ ਪੰਜਾਬ ਦੇ ਸਾਰੇ 36 ਸੰਗਠਨਾਤਮਕ ਜ਼ਿਲ੍ਹਿਆਂ ਲਈ ਜ਼ਿਲ੍ਹਾ ਇੰਚਾਰਜ ਅਤੇ ਸਹਿ-ਇੰਚਾਰਜ ਨਿਯੁਕਤ ਕੀਤੇ ਹਨ। ਇਹ ਨਿਯੁਕਤੀਆਂ ਭਾਜਪਾ ਪੰਜਾਬ ਦੇ ਸੂਬਾ ਜਨਰਲ ਸਕੱਤਰ ਸ੍ਰੀ ਅਨਿਲ ਸਰੀਨ ਵੱਲੋਂ 15 ਅਗਸਤ 2026 ਨੂੰ ਜਾਰੀ ਕੀਤੇ ਗਏ ਅਧਿਕਾਰਤ ਪੱਤਰ ਰਾਹੀਂ ਕੀਤੀਆਂ ਗਈਆਂ ਹਨ।
ਅੰਮ੍ਰਿਤਸਰ ਦਿਹਾਤੀ ਦੇ ਇੰਚਾਰਜ ਸ੍ਰੀ ਅਸ਼ਵਨੀ ਸੇਖੜੀ ਅਤੇ ਸਹਿ-ਇੰਚਾਰਜ ਸ. ਅਜੈਬੀਰਪਾਲ ਸਿੰਘ ਰੰਧਾਵਾ, ਅੰਮ੍ਰਿਤਸਰ ਦਿਹਾਤੀ-II ਦੇ ਇੰਚਾਰਜ ਸ. ਰਣਜੀਤ ਸਿੰਘ ਖੋਜੇਵਾਲ ਅਤੇ ਸਹਿ-ਇੰਚਾਰਜ ਸ੍ਰੀ ਮਾਨਵ ਤਨੇਜਾ, ਜਦਕਿ ਅੰਮ੍ਰਿਤਸਰ ਸ਼ਹਿਰੀ ਦੇ ਇੰਚਾਰਜ ਸ੍ਰੀ ਰਾਕੇਸ਼ ਰਾਠੌਰ ਅਤੇ ਸਹਿ-ਇੰਚਾਰਜ ਸ੍ਰੀ ਅਨਿਲ ਵਾਸੂਦੇਵਾ ਹੋਣਗੇ। ਬਰਨਾਲਾ ਦੇ ਇੰਚਾਰਜ ਸ੍ਰੀ ਨਿਪੁਨ ਸ਼ਰਮਾ ਅਤੇ ਸਹਿ-ਇੰਚਾਰਜ ਸ. ਓਂਕਾਰ ਸਿੰਘ ਸਿੱਧੂ, ਬਟਾਲਾ ਦੇ ਇੰਚਾਰਜ ਸ. ਰਵਿਕਰਨ ਸਿੰਘ ਕਾਹਲੋਂ ਅਤੇ ਸਹਿ-ਇੰਚਾਰਜ ਸ੍ਰੀ ਵਿਜੈ ਸ਼ਰਮਾ (ਪਠਾਨਕੋਟ) ਨਿਯੁਕਤ ਕੀਤੇ ਗਏ ਹਨ। ਬਠਿੰਡਾ ਦਿਹਾਤੀ ਦੇ ਇੰਚਾਰਜ ਸ੍ਰੀ ਸੁਰਜੀਤ ਜਿਆਣੀ ਅਤੇ ਸਹਿ-ਇੰਚਾਰਜ ਸ੍ਰੀ ਰਾਜੇਸ਼ ਪਟੇਹਲਾ, ਜਦਕਿ ਬਠਿੰਡਾ ਸ਼ਹਿਰੀ ਦੇ ਇੰਚਾਰਜ ਸ. ਮਨਜੀਤ ਸਿੰਘ ਰਾਏ ਅਤੇ ਸਹਿ-ਇੰਚਾਰਜ ਸ੍ਰੀਮਤੀ ਵੰਦਨਾ ਸਾਂਗਵਾਲ ਹੋਣਗੇ। ਫਰੀਦਕੋਟ ਦੀ ਇੰਚਾਰਜ ਸ੍ਰੀਮਤੀ ਮੋਨਾ ਜੈਸਵਾਲ ਅਤੇ ਸਹਿ-ਇੰਚਾਰਜ ਸ੍ਰੀ ਸੁਬੋਧ ਵਰਮਾ ਹਨ। ਫਤਿਹਗੜ੍ਹ ਸਾਹਿਬ ਦੇ ਇੰਚਾਰਜ ਸ੍ਰੀ ਕੇ.ਡੀ. ਭੰਡਾਰੀ, ਫਾਜ਼ਿਲਕਾ ਦੇ ਇੰਚਾਰਜ ਸ੍ਰੀ ਸਤੀਸ਼ ਅਸੀਜਾ ਅਤੇ ਸਹਿ-ਇੰਚਾਰਜ ਸ੍ਰੀ ਦੇਵੇਂਦਰ ਬਾਜਾਜ, ਜਦਕਿ ਫਿਰੋਜ਼ਪੁਰ ਦੇ ਇੰਚਾਰਜ ਸ੍ਰੀ ਜੀਵਨ ਗੁਪਤਾ ਅਤੇ ਸਹਿ-ਇੰਚਾਰਜ ਸ੍ਰੀ ਵਿਜੈ ਸ਼ਰਮਾ (ਮੋਗਾ) ਨਿਯੁਕਤ ਕੀਤੇ ਗਏ ਹਨ। ਗੁਰਦਾਸਪੁਰ ਦੇ ਇੰਚਾਰਜ ਸ੍ਰੀ ਹਰਵਿੰਦਰ ਸਿੰਘ ਸੰਧੂ ਅਤੇ ਸਹਿ-ਇੰਚਾਰਜ ਸ. ਹਰਜਿੰਦਰ ਸਿੰਘ ਠੇਕੇਦਾਰ ਹੋਣਗੇ।
ਹੁਸ਼ਿਆਰਪੁਰ ਦੇ ਇੰਚਾਰਜ ਸ੍ਰੀ ਸੁਸ਼ਲੀ ਸ਼ਰਮਾ ਅਤੇ ਸਹਿ-ਇੰਚਾਰਜ ਸ. ਗੁਰਪ੍ਰਤਾਪ ਸਿੰਘ ਟਿੱਕਾ, ਜਦਕਿ ਹੁਸ਼ਿਆਰਪੁਰ ਦਿਹਾਤੀ ਦੇ ਇੰਚਾਰਜ ਸ੍ਰੀ ਰਾਕੇਸ਼ ਸ਼ਰਮਾ ਹੋਣਗੇ। ਜਗਰਾਉਂ ਦੇ ਇੰਚਾਰਜ ਸ੍ਰੀ ਅਨਿਲ ਸਚਰ ਅਤੇ ਸਹਿ-ਇੰਚਾਰਜ ਸ. ਰਣਜੀਤ ਸਿੰਘ ਪੰਵਾਰ, ਜਲੰਧਰ ਦਿਹਾਤੀ (ਉੱਤਰ) ਦੇ ਇੰਚਾਰਜ ਸ੍ਰੀ ਪੁਸ਼ਪਿੰਦਰ ਸਿੰਗਲ ਅਤੇ ਜਲੰਧਰ ਦਿਹਾਤੀ (ਦੱਖਣ) ਦੀ ਇੰਚਾਰਜ ਸ੍ਰੀਮਤੀ ਕਰਮਜੀਤ ਕੌਰ ਚੌਧਰੀ ਅਤੇ ਸਹਿ-ਇੰਚਾਰਜ ਸ੍ਰੀ ਅਜੈ ਕੌਸ਼ਲ ਸੇਤੂ ਨਿਯੁਕਤ ਕੀਤੇ ਗਏ ਹਨ। ਜਲੰਧਰ ਸ਼ਹਿਰੀ ਦੇ ਇੰਚਾਰਜ ਸ੍ਰੀ ਸੂਰਜ ਭਾਰਦਵਾਜ ਅਤੇ ਸਹਿ-ਇੰਚਾਰਜ ਸ. ਹਰਜੀਤ ਸਿੰਘ ਸੰਧੂ ਹੋਣਗੇ। ਕਪੂਰਥਲਾ ਦੇ ਇੰਚਾਰਜ ਸ. ਮਨਜੀਤ ਸਿੰਘ ਮਾਣਾ ਅਤੇ ਸਹਿ-ਇੰਚਾਰਜ ਸ੍ਰੀਮਤੀ ਮੀਨੂ ਸੇਠੀ, ਖੰਨਾ ਦੇ ਇੰਚਾਰਜ ਸ. ਅਮਰਜੀਤ ਸਿੰਘ ਅਮਰੀ ਅਤੇ ਸਹਿ-ਇੰਚਾਰਜ ਸ. ਤੇਜਿੰਦਰ ਸਿੰਘ ਸਰਨ, ਲੁਧਿਆਣਾ ਦਿਹਾਤੀ ਦੇ ਇੰਚਾਰਜ ਸ੍ਰੀ ਗੇਜਾ ਰਾਮ ਵਾਲਮੀਕੀ ਅਤੇ ਸਹਿ-ਇੰਚਾਰਜ ਸ੍ਰੀ ਰਾਕੇਸ਼ ਕੁਮਾਰ ਗੁਪਤਾ, ਜਦਕਿ ਲੁਧਿਆਣਾ ਸ਼ਹਿਰੀ ਦੇ ਇੰਚਾਰਜ ਸ. ਦਿਆਲ ਸਿੰਘ ਸੋਢੀ ਅਤੇ ਸਹਿ-ਇੰਚਾਰਜ ਸ੍ਰੀ ਸੁਸ਼ੀਲ ਰਾਣਾ ਨਿਯੁਕਤ ਕੀਤੇ ਗਏ ਹਨ। ਮਲੇਰਕੋਟਲਾ ਦੇ ਇੰਚਾਰਜ ਸ੍ਰੀ ਸੁਸ਼ੀਲ ਰਿੰਕੂ ਅਤੇ ਸਹਿ-ਇੰਚਾਰਜ ਮੇਜਰ ਸਿੰਘ ਦੈਤਵਾਲ ਹੋਣਗੇ।
ਬਾਕੀ ਸੰਗਠਨਾਤਮਕ ਜ਼ਿਲ੍ਹਿਆਂ ਵਿੱਚ ਮਾਨਸਾ ਦੇ ਇੰਚਾਰਜ ਸ੍ਰੀ ਕੇ.ਕੇ. ਮਲਹੋਤਰਾ ਅਤੇ ਸਹਿ-ਇੰਚਾਰਜ ਸ੍ਰੀ ਰਿਸ਼ੀਪਾਲ ਖੇੜਾ, ਮੋਗਾ ਦੇ ਇੰਚਾਰਜ ਸ. ਚਰਨਜੀਤ ਸਿੰਘ ਬਰਾੜ ਅਤੇ ਸਹਿ-ਇੰਚਾਰਜ ਸ. ਕੰਵਰਵੀਰ ਸਿੰਘ ਤੋਹੜਾ, ਮੋਹਾਲੀ ਦੇ ਇੰਚਾਰਜ ਸ੍ਰੀ ਜਤਿੰਦਰ ਮਿੱਤਲ ਅਤੇ ਸਹਿ-ਇੰਚਾਰਜ ਸ੍ਰੀ ਰਮਨ ਪੱਬੀ, ਮੁਕਤਸਰ ਦੇ ਇੰਚਾਰਜ ਸ੍ਰੀ ਰੰਜਮ ਕਮਰਾ, ਨਵਾਂਸ਼ਹਿਰ ਦੇ ਇੰਚਾਰਜ ਡਾ. ਸੁਭਾਸ਼ ਸ਼ਰਮਾ ਅਤੇ ਸਹਿ-ਇੰਚਾਰਜ ਸ. ਸਰਬਜੀਤ ਸਿੰਘ ਮੱਕੜ, ਪਠਾਨਕੋਟ ਦੇ ਇੰਚਾਰਜ ਸ੍ਰੀ ਰਾਜੇਸ਼ ਹਨੀ, ਪਟਿਆਲਾ ਦਿਹਾਤੀ (ਉੱਤਰ) ਦੇ ਇੰਚਾਰਜ ਸ੍ਰੀ ਐਸ.ਕੇ. ਦੇਵ ਅਤੇ ਸਹਿ-ਇੰਚਾਰਜ ਸ. ਜਤਿੰਦਰ ਸਿੰਘ ਅਟਵਾਲ, ਪਟਿਆਲਾ ਦਿਹਾਤੀ ਦੱਖਣ ਦੀ ਇੰਚਾਰਜ ਸ. ਜੈਸਮੀਨ ਸੰਧਾਵਾਲੀਆ ਅਤੇ ਸਹਿ-ਇੰਚਾਰਜ ਸ੍ਰੀ ਪ੍ਰਦੀਪ ਗਰਗ, ਜਦਕਿ ਪਟਿਆਲਾ ਸ਼ਹਿਰੀ ਦੇ ਇੰਚਾਰਜ ਸ੍ਰੀ ਵਿਨੈ ਸ਼ਰਮਾ ਹੋਣਗੇ।
ਇਸੇ ਤਰ੍ਹਾਂ ਰੋਪੜ ਦੇ ਇੰਚਾਰਜ ਸ. ਰਣਜੀਤ ਸਿੰਘ ਗਿੱਲ ਅਤੇ ਸਹਿ-ਇੰਚਾਰਜ ਸ. ਭੁਪਿੰਦਰ ਸਿੰਘ ਚੀਮਾ, ਸੰਗਰੂਰ-1 ਦੇ ਇੰਚਾਰਜ ਸ੍ਰੀ ਮੰਗਤ ਰਾਏ ਬਾਂਸਲ ਅਤੇ ਸਹਿ-ਇੰਚਾਰਜ ਸ੍ਰੀ ਦਿਨੇਸ਼ ਸਰਪਾਲ, ਸੰਗਰੂਰ-2 ਦੇ ਇੰਚਾਰਜ ਸ. ਹਰਮਿੰਦਰ ਸਿੰਘ ਜੱਸੀ ਅਤੇ ਸਹਿ-ਇੰਚਾਰਜ ਸ. ਜਗਦੀਪ ਸਿੰਘ ਨਕਈ ਅਤੇ ਤਰਨ ਤਾਰਨ ਦੇ ਇੰਚਾਰਜ ਸ੍ਰੀ ਨਰੇਸ਼ ਸ਼ਰਮਾ ਅਤੇ ਸਹਿ-ਇੰਚਾਰਜ ਸ. ਸੁਖਵਿੰਦਰ ਸਿੰਘ ਪਿੰਟੂ ਨਿਯੁਕਤ ਕੀਤੇ ਗਏ ਹਨ।
ਇਨ੍ਹਾਂ ਨਿਯੁਕਤੀਆਂ ਦਾ ਉਦੇਸ਼ ਭਾਜਪਾ ਦੇ ਜ਼ਿਲ੍ਹਾ ਪੱਧਰੀ ਸੰਗਠਨ ਨੂੰ ਹੋਰ ਪ੍ਰਭਾਵਸ਼ਾਲੀ ਬਣਾਉਣਾ, ਸੰਗਠਨਾਤਮਕ ਗਤੀਵਿਧੀਆਂ ਵਿੱਚ ਬਿਹਤਰ ਤਾਲਮੇਲ ਸਥਾਪਤ ਕਰਨਾ ਅਤੇ ਸੂਬੇ ਭਰ ਵਿੱਚ ਪਾਰਟੀ ਦੇ ਪ੍ਰੋਗਰਾਮਾਂ ਨੂੰ ਪ੍ਰਭਾਵਸ਼ਾਲੀ ਢੰਗ ਨਾਲ ਲਾਗੂ ਕਰਨਾ ਹੈ। ਅਧਿਕਾਰਤ ਪੱਤਰ ਦੀਆਂ ਕਾਪੀਆਂ ਸਾਰੇ ਸੂਬਾ ਅਹੁਦੇਦਾਰਾਂ ਅਤੇ ਜ਼ਿਲ੍ਹਾ ਪ੍ਰਧਾਨਾਂ ਨੂੰ ਵੀ ਭੇਜੀਆਂ ਗਈਆਂ ਹਨ।
