ਕਾਂਗਰਸ ਨੇ ਸਰਬ ਪਾਰਟੀ ਮੀਟਿੰਗ, ਵਿਸ਼ੇਸ਼ ਸੰਸਦ ਸੈਸ਼ਨ ਦੀ ਮੰਗ ਨੂੰ ਦੁਹਰਾਇਆ
ਚੰਡੀਗੜ੍ਹ, 10 ਮਈ: ਪੰਜਾਬ ਕਾਂਗਰਸ ਪ੍ਰਧਾਨ ਅਮਰਿੰਦਰ ਸਿੰਘ ਰਾਜਾ ਵੜਿੰਗ ਨੇ ਅੱਜ ਭਾਰਤ ਅਤੇ ਪਾਕਿਸਤਾਨ ਵਿਚਕਾਰ ਜੰਗਬੰਦੀ ਦੇ ਐਲਾਨ ਦਾ ਸਵਾਗਤ ਕੀਤਾ, ਉਮੀਦ ਕੀਤੀ ਕਿ ਪਾਕਿਸਤਾਨ ਨੂੰ ਹੋਸ਼ ਆ ਗਿਆ ਹੈ ਕਿ ਉਹ ਹੁਣ ਅੱਤਵਾਦ ਨੂੰ ਸਮਰਥਨ ਨਹੀਂ ਕਰੇਗਾ।
ਦੇਸ਼ ਦੀਆਂ ਰੱਖਿਆ ਫੌਜਾਂ ਨੂੰ 48 ਘੰਟਿਆਂ ਦੇ ਅੰਦਰ-ਅੰਦਰ ਪਾਕਿਸਤਾਨ ਨੂੰ ਆਪਣੇ ਪੈਰਾਂ ‘ਤੇ ਲਿਆਉਣ ਲਈ ਵਧਾਈ ਦਿੰਦੇ ਹੋਏ, ਵੜਿੰਗ ਨੇ ਕਿਹਾ, ਭਾਰਤ ਨੇ ਹਮੇਸ਼ਾ ਕਿਹਾ ਹੈ ਕਿ ਉਹ ਕੋਈ ਜੰਗ ਨਹੀਂ ਚਾਹੁੰਦਾ ਸੀ।
“ਸਾਡੀਆਂ ਰੱਖਿਆ ਫੌਜਾਂ ਨੇ ਨਾ ਸਿਰਫ ਅੱਤਵਾਦੀ ਸਿਖਲਾਈ ਕੈਂਪਾਂ ‘ਤੇ ਹਮਲਾ ਕੀਤਾ ਸੀ ਅਤੇ ਬਲਿਕ ਉੱਥੇ ਅੱਤਵਾਦੀਆਂ ਨੂੰ ਵੀ ਮਾਰ ਦਿੱਤਾ ਸੀ”, ਉਨ੍ਹਾਂ ਕਿਹਾ, ਇਹ ਪਾਕਿਸਤਾਨ ਸੀ, ਜਿਸ ਨੇ ਨਾਗਰਿਕ ਆਬਾਦੀ ‘ਤੇ ਹਮਲਾ ਕਰਕੇ ਟਕਰਾਅ ਨੂੰ ਵਧਾਇਆ।
ਪੀ.ਸੀ.ਸੀ ਪ੍ਰਧਾਨ ਨੇ ਵਿਰੋਧੀ ਧਿਰ ਦੇ ਨੇਤਾ ਰਾਹੁਲ ਗਾਂਧੀ ਦੇ ਸੁਝਾਅ ਅਨੁਸਾਰ ਰਾਸ਼ਟਰੀ ਪੱਧਰ ‘ਤੇ ਸਰਬ ਪਾਰਟੀ ਮੀਟਿੰਗ ਅਤੇ ਸੰਸਦ ਦੇ ਵਿਸ਼ੇਸ਼ ਸੈਸ਼ਨ ਦੀ ਕਾਂਗਰਸ ਦੀ ਮੰਗ ਨੂੰ ਦੁਹਰਾਇਆ।
“ਅਸੀਂ ਸਰਕਾਰ ਦਾ ਸਮਰਥਨ ਕੀਤਾ ਹੈ ਅਤੇ ਅਸੀਂ ਜਾਣਨਾ ਚਾਹੁੰਦੇ ਹਾਂ ਕਿ ਜੰਗਬੰਦੀ ਦੀਆਂ ਸ਼ਰਤਾਂ ਕੀ ਸਨ”, ਉਨ੍ਹਾਂ ਕਿਹਾ, ਉਮੀਦ ਕਰਦੇ ਹੋਏ ਕਿ ਸਰਕਾਰ ਨੇ ਜੰਗਬੰਦੀ ਲਈ ਸਹਿਮਤੀ ਦਿੰਦੇ ਹੋਏ ਦੇਸ਼ ਦੀ ਸਥਿਤੀ ਨੂੰ ਕਾਇਮ ਰੱਖਿਆ ਹੈ ਅਤੇ ਰਾਸ਼ਟਰੀ ਹਿੱਤ ਨੂੰ ਸਭ ਤੋਂ ਉੱਪਰ ਰੱਖਿਆ ਹੈ।
