ਇਸਟੇਟ ਆਫ਼ਿਸ, ਯੂਟੀ ਚੰਡੀਗੜ੍ਹ ਨੇ 7 ਜੁਲਾਈ 2025 ਤੋਂ ਆਟੋ-ਮਿਊਟੇਸ਼ਨ ਸਿਸਟਮ ਨੂੰ ਸਫ਼ਲਤਾਪੂਰਵਕ ਸ਼ੁਰੂ ਕੀਤਾ। ਇਹ ਮਹੱਤਵਪੂਰਨ ਈ-ਗਵਰਨੈਂਸ ਸੁਧਾਰ ਮਿਊਟੇਸ਼ਨ ਪ੍ਰਕਿਰਿਆ ਨੂੰ ਅਲੱਗ ਤੋਂ ਐਪਲੀਕੇਸ਼ਨ-ਅਧਾਰਿਤ ਸੇਵਾ ਤੋਂ ਬਦਲ ਕੇ ਆਟੋਮੈਟਿਕ ਪੋਸਟ-ਰਜਿਸਟ੍ਰੇਸ਼ਨ ਡਿਜੀਟਲ ਪ੍ਰਕਿਰਿਆ ਵਿੱਚ ਬਦਲ ਦਿੱਤਾ ਹੈ। ਇਸ ਨਾਲ ਨਾਗਰਿਕਾਂ ਲਈ ਸੁਵਿਧਾ ਵਿੱਚ ਵਾਧਾ ਹੋਇਆ ਹੈ ਅਤੇ ਜਾਇਦਾਦ ਸਬੰਧੀ ਸੇਵਾਵਾਂ ਨੂੰ ਅਧਿਕ
ਨਾਗਰਿਕ-ਕੇਂਦ੍ਰਿਤ ਬਣਾਇਆ ਗਿਆ ਹੈ।
ਨਵੀਂ ਪ੍ਰਣਾਲੀ ਦੇ ਤਹਿਤ ਸਬ-ਰਜਿਸਟਰਾਰ ਦਫ਼ਤਰ ਵਿੱਚ ਜਾਇਦਾਦ ਡੀਡ ਦੀ ਰਜਿਸਟ੍ਰੇਸ਼ਨ ਦੇ ਬਾਅਦ ਸਬੰਧਿਤ ਜਾਣਕਾਰੀ ਇਲੈਕਟ੍ਰੌਨਿਕ ਤੌਰ ‘ਤੇ ਆਪਣੇ ਆਪ ਹੀ ਇਸਟੇਟ ਆਫ਼ਿਸ ਨੂੰ ਭੇਜੀ ਜਾਂਦੀ ਹੈ। ਇਸ ਤੋਂ ਬਾਅਦ ਮਿਊਟੇਸ਼ਨ ਦੀ
ਪ੍ਰਕਿਰਿਆ ਬੈਕਐਂਡ ‘ਤੇ ਡਿਜੀਟਲ ਤੌਰ ‘ਤੇ ਪੂਰੀ ਕੀਤੀ ਜਾਂਦੀ ਹੈ। ਇਸ ਨਾਲ ਜਾਇਦਾਦ ਮਾਲਕਾਂ ਨੂੰ ਅਲੱਗ ਤੋਂ ਮਿਊਟੇਸ਼ਨ ਲਈ ਆਵੇਦਨ ਕਰਨ ਜਾਂ ਇਸਟੇਟ ਆਫ਼ਿਸ ਜਾਣ ਦੀ ਜ਼ਰੂਰਤ ਨਹੀਂ ਰਹਿੰਦੀ।
ਆਟੋ-ਮਿਊਟੇਸ਼ਨ ਸਿਸਟਮ ਦੇ ਤਹਿਤ ਮਿਊਟੇਸ਼ਨ ਦੀ ਪੂਰੀ ਪ੍ਰਕਿਰਿਆ ਡਿਜੀਟਲ ਅਤੇ ਪੇਪਰਲੈੱਸ ਹੈ। ਇਸ ਵਿੱਚ ਅਲੱਗ ਤੋਂ ਮਿਊਟੇਸ਼ਨ ਆਵੇਦਨ, ਫਾਰਮ ਅਤੇ ਦਸਤਾਵੇਜ਼ਾਂ ਨੂੰ ਵਾਰ-ਵਾਰ ਜਮ੍ਹਾਂ ਕਰਾਉਣ ਦੀ ਜ਼ਰੂਰਤ ਸਮਾਪਤ ਹੋ ਗਈ ਹੈ। ਇਹ ਪੂਰੀ ਤਰ੍ਹਾਂ ਫੇਸਲੈੱਸ ਸੇਵਾ ਹੈ ਅਤੇ ਇਸ ਲਈ ਇਸਟੇਟ ਆਫ਼ਿਸ ਵਿੱਚ ਫਿਜ਼ੀਕਲੀ ਜਾਣ ਦੀ ਜ਼ਰੂਰਤ ਨਹੀਂ ਹੈ। ਆਟੋਮੇਟਿਡ ਡੇਟਾ ਐਕਸਚੇਂਜ ਨਾਲ ਏਜੰਟਾਂ ਅਤੇ ਵਿਚੋਲਿਆਂ ‘ਤੇ ਨਿਰਭਰਤਾ ਵੀ ਘੱਟ ਹੋਈ ਹੈ।ਐੱਸਐੱਮਐੱਸ ਅਧਾਰਿਤ ਟ੍ਰੈਕਿੰਗ ਦੇ ਜ਼ਰੀਏ ਰੀਅਲ-ਟਾਇਮ ਪਾਰਦਰਸ਼ਤਾ ਸੁਨਿਸ਼ਚਿਤ ਕੀਤੀ ਜਾ ਰਹੀ ਹੈ। ਨਿਰਧਾਰਿਤ ਸਮਾਂ-ਸੀਮਾ ਦੇ ਅਨੁਸਾਰ ਲੀਜ਼ਹੋਲਡ ਜਾਇਦਾਦਾਂ ਦਾ ਮਿਊਟੇਸ਼ਨ ਦੋ ਕਾਰਜ ਦਿਵਸਾਂ ਅਤੇ ਫ੍ਰੀਹੋਲਡ ਜਾਇਦਾਦਾਂ ਦਾ ਮਿਊਟੇਸ਼ਨ ਸੱਤ ਕਾਰਜ ਦਿਵਸਾਂ ਦੇ ਵਿੱਚ ਕੀਤਾ ਜਾਂਦਾ ਹੈ।
7 ਜੁਲਾਈ 2025 ਨੂੰ ਸ਼ੁਰੂ ਹੋਣ ਦੇ ਬਾਅਦ ਤੋਂ ਹੁਣ ਤੱਕ ਕੁੱਲ 1,829 ਮਿਊਟੇਸ਼ਨ ਮਾਮਲੇ ਪ੍ਰਾਪਤ ਹੋਏ ਹਨ। ਇਨ੍ਹਾਂ ਵਿੱਚੋਂ ਲਗਭਗ 1,800 ਮਾਮਲਿਆਂ ਦਾ ਰਜਿਸਟ੍ਰੇਸ਼ਨ ਦੇ ਸੱਤ ਦਿਨਾਂ ਦੇ ਅੰਦਰ ਨਿਪਟਾਰਾ ਕੀਤਾ ਜਾ ਚੁੱਕਿਆ ਹੈ। ਬਾਕੀ 29 ਮਾਮਲੇ ਨਿਰਧਾਰਿਤ ਸਮਾਂ-ਸੀਮਾ ਦੇ ਅੰਦਰ ਪ੍ਰਕਿਰਿਆ ਅਧੀਨ ਹਨ। ਬਿਨੈਕਾਰਾਂ ਨੂੰ ਇਸਟੇਟ ਆਫ਼ਿਸ ਵਿੱਚ ਫਿਜ਼ੀਕਲੀ ਜਾਣ ਦੀ ਜ਼ਰੂਰਤ ਨਹੀਂ ਪਈ ਹੈ।
ਆਟੋ-ਮਿਊਟੇਸ਼ਨ ਸਿਸਟਮ ਨੇ ਨਾਗਰਿਕਾਂ ਦੇ ਪ੍ਰਤੱਖ ਸੰਪਰਕ, ਕਾਗਜ਼ੀ ਕਾਰਵਾਈ, ਪ੍ਰਕਿਰਿਆਗਤ ਦੇਰੀ ਅਤੇ ਪ੍ਰਸ਼ਾਸਨਿਕ ਵਿਵੇਕ-ਅਧਿਕਾਰ ਨੂੰ ਕਾਫ਼ੀ ਹੱਦ ਤੱਕ ਘਟਾ ਦਿੱਤਾ ਹੈ ਅਤੇ ਜਾਇਦਾਦ ਮਾਲਕੀ ਰਿਕਾਰਡਾਂ ਦੇ ਤੇਜ਼ੀ ਨਾਲ ਅਪਡੇਟ ਕਰਨ ਵਿੱਚ ਸਹਾਇਤਾ ਕੀਤੀ ਹੈ। ਇਹ ਪਹਿਲ ਫੇਸਲੈੱਸ, ਪਾਰਦਰਸ਼ੀ ਅਤੇ ਤਕਨੀਕ ਅਧਾਰਿਤ ਸ਼ਾਸਨ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਕਦਮ ਹੈ ਅਤੇ ਚੰਡੀਗੜ੍ਹ ਪ੍ਰਸ਼ਾਸਨ ਦੀ ਈਜ਼ ਆਵ੍ ਲਿਵਿੰਗ ਅਤੇ ਸੁਸ਼ਾਸਨ ਪ੍ਰਤੀ ਪ੍ਰਤੀਬੱਧਤਾ ਦੀ ਦੁਬਾਰਾ ਪੁਸ਼ਟੀ ਕਰਦੀ ਹੈ।
