ਵਰਕਸ਼ਾਪ ਦਾ ਉਦਘਾਟਨ ਕਰਦੇ ਹੋਏ, ਇੰਜੀਨੀਅਰ ਸੀ.ਬੀ. ਓਝਾ, ਮੁੱਖ ਇੰਜੀਨੀਅਰ, ਯੂ.ਟੀ. ਚੰਡੀਗੜ੍ਹ ਨੇ ਅਭਿਨਵ ਸਮਾਧਾਨਾਂ ਅਤੇ ਸਮੂਹਿਕ ਕਾਰਵਾਈਆਂ ਦੇ ਜ਼ਰੀਏ ਜੀਵਾਸ਼ਮ ਈਂਧਣ ‘ਤੇ ਨਿਰਭਰਤਾ ਘਟਾਉਣ ਦੀ ਤੁਰੰਤ ਜ਼ਰੂਰਤ ‘ਤੇ ਬਲ ਦਿੱਤਾ। ਉਨ੍ਹਾਂ ਨੇ 2047 ਤੱਕ ਕਾਰਬਨ-ਨਿਊਟ੍ਰਲ, ਨੈੱਟ-ਜ਼ੀਰੋ ਸ਼ਹਿਰ ਬਣਾਉਣ ਦੇ ਚੰਡੀਗੜ੍ਹ ਦੇ ਦ੍ਰਿਸ਼ਟੀਕੋਣ ਨੂੰ ਦਰਸਾਇਆ ਅਤੇ ਊਰਜਾ ਸੰਭਾਲ਼ ਅਤੇ ਟਿਕਾਊ ਵਿਕਾਸ ਪਹਿਲਾਂ ਨੂੰ ਚਲਾਉਣ ਵਿੱਚ ਊਰਜਾ ਪ੍ਰਬੰਧਨ ਸੈੱਲ ਦੀ ਸਰਗਰਮ ਭੂਮਿਕਾ ਨੂੰ ਉਜਾਗਰ ਕੀਤਾ।
ਆਈਓਸੀਐੱਲ (IOCL) ਦੇ
ਸ਼੍ਰੀ ਐੱਮ.ਕੇ. ਸਿਨਹਾ, ਨੇ ਡੀਕਾਰਬਨਾਇਜ਼ੇਸ਼ਨ ਦੇ ਵਿਆਪਕ ਲਕਸ਼ਾਂ ਨੂੰ ਮਜ਼ਬੂਤ ਕਰਦੇ ਹੋਏ, ਈਂਧਣ ਦਕਸ਼ਤਾ, ਮਿਸ਼ਰਣ ਅਤੇ ਸਵੱਛ ਊਰਜਾ ਅਭਿਆਸਾਂ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਤਕਨੀਕੀ ਸੈਸ਼ਨਾਂ ਵਿੱਚ ਵਾਤਾਵਰਣ-ਅਨੁਕੂਲ ਡ੍ਰਾਇਵਿੰਗ, ਇਲੈਕਟ੍ਰਿਕ ਮੋਬਿਲਿਟੀ, ਈਂਧਣ-ਦਕਸ਼ ਟਾਇਰ, ਸਮਾਰਟ ਵਾਹਨ ਰੱਖ-ਰਖਾਅ, ਐੱਲਪੀਜੀ (LPG) ਸੰਭਾਲ਼ ਅਤੇ ਘਰੇਲੂ ਸੁਰੱਖਿਆ ਜਿਹੇ ਵਿਸ਼ਿਆਂ ‘ਤੇ ਚਰਚਾ ਹੋਈ।
ਸ਼੍ਰੀ ਯਸ਼ਜੀਤ ਗੁਪਤਾ, ਜਨਰਲ ਮੈਨੇਜਰ (ਟ੍ਰਾਂਸਪੋਰਟ), ਚੰਡੀਗੜ੍ਹ ਪ੍ਰਸ਼ਾਸਨ, ਨੇ ਚੰਡੀਗੜ੍ਹ ਟ੍ਰਾਂਸਪੋਰਟ ਅੰਡਰਟੇਕਿੰਗ ਦੀਆਂ ਵੱਖ-ਵੱਖ ਪਹਿਲਾਂ ਬਾਰੇ ਜਾਣਕਾਰੀ ਦਿੱਤੀ, ਜਿਨ੍ਹਾਂ ਦਾ ਉਦੇਸ਼ ਖੇਤਰ ਵਿੱਚ ਈਂਧਣ ਦਕਸ਼ਤਾ ਅਤੇ ਟਿਕਾਊ ਗਤੀਸ਼ੀਲਤਾ ਨੂੰ ਹੁਲਾਰਾ ਦੇਣਾ ਹੈ।
‘ਚੁਣੌਤੀਆਂ ਅਤੇ ਅਵਸਰ, ਈਂਧਣ ਦਕਸ਼ਤਾ ਨਿਯਮਾਂ ਦੀ ਭੂਮਿਕਾ’ ‘ਤੇ ਸੈਸ਼ਨ ਸ਼੍ਰੀ ਪੀਯੂਸ਼ ਸਕਸੈਨਾ, ਐਸੋਸੀਏਟ ਫੈਲੋ, ਦ ਐਨਰਜੀ ਐਂਡ ਰਿਸੋਰਸਿਜ਼ ਇੰਸਟੀਟਿਊਟ (ਟੀਈਆਰਆਈ/TERI) ਦੁਆਰਾ ਦਿੱਤਾ ਗਿਆ; ‘ਟ੍ਰਾਂਸਪੋਰਟ ਸੈਕਟਰ ਵਿੱਚ ਈਂਧਣ ਦਕਸ਼ਤਾ: ਈਥੇਨੌਲ ਬਲੈਂਡਿੰਗ, ਇੰਜਣ ਲੁਬਰੀਕੇਸ਼ਨ ਅਭਿਆਸ, ਅਤੇ ਰੋਕਥਾਮ ਰੱਖ-ਰਖਾਅ’ ਅਤੇ ‘ਈਕੋ-ਡ੍ਰਾਇਵਿੰਗ ਤਕਨੀਕਾਂ, ਭਵਿੱਖਬਾਣੀ ਰੱਖ-ਰਖਾਅ, ਅਤੇ ਈਂਧਣ ਦਕਸ਼ਤਾ ਵਿੱਚ ਟਾਇਰ ਦੀ ਭੂਮਿਕਾ’ ‘ਤੇ ਸੈਸ਼ਨ ਸ਼੍ਰੀ ਅਰਜੁਨ ਜੀ ਸਿੰਘ ਟੁਟੇਜਾ, ਟੈਕਨੀਕਲ ਸਰਵਿਸ ਮੈਨੇਜਰ, ਆਈਓਸੀਐੱਲ (ICOL) ਦੁਆਰਾ ਦਿੱਤੇ ਗਏ; ‘ਘਰਾਂ ਵਿੱਚ ਐੱਲਪੀਜੀ (LPG) ਉਪਯੋਗਤਾ-ਸੰਭਾਲ਼ ਤਕਨੀਕਾਂ ਅਤੇ ਸੁਰੱਖਿਆ ਉਪਾਅ’ ਵਿਸ਼ੇ ‘ਤੇ ਸੈਸ਼ਨ ਸੁਸ਼੍ਰੀ ਰਿਚਾ ਲੂਥਰਾ, ਸੀਨੀਅਰ ਮੈਨੇਜਰ, ਚੰਡੀਗੜ੍ਹ ਇੰਡੇਨ ਡਿਵੀਜ਼ਨਲ ਦਫ਼ਤਰ ਦੁਆਰਾ ਦਿੱਤਾ ਗਿਆ।
ਵਰਕਸ਼ਾਪ ਵਿੱਚ ਲਗਭਗ 60 ਡੈਲੀਗੇਟਾਂ ਨੇ ਹਿੱਸਾ ਲਿਆ, ਜਿਨ੍ਹਾਂ ਵਿੱਚ ਚੰਡੀਗੜ੍ਹ ਅਤੇ ਹਰਿਆਣਾ ਦੇ ਟ੍ਰਾਂਸਪੋਰਟ ਵਿਭਾਗਾਂ ਦੇ ਅਧਿਕਾਰੀ, ਇੰਜੀਨੀਅਰ, ਸਿੱਖਿਆ ਸ਼ਾਸਤਰੀ ਅਤੇ ਵੱਖ-ਵੱਖ ਅਦਾਰਿਆਂ ਦੇ ਪ੍ਰਤੀਨਿਧ ਸ਼ਾਮਲ ਸਨ।
ਇਸ ਸਮਾਗਮ ਦਾ ਸਮਾਪਨ ਸਮੂਹਿਕ ਕਾਰਵਾਈ ਦੇ ਸੱਦੇ ਨਾਲ ਹੋਇਆ,ਜਿਸ ਵਿੱਚ ਟਿਕਾਊ ਟ੍ਰਾਂਸਪੋਰਟ, ਅਖੁੱਟ ਊਰਜਾ ਅਪਣਾਉਣ ਅਤੇ ਊਰਜਾ ਦਕਸ਼ਤਾ ਨੂੰ ਡੀਕਾਰਬੋਨਾਇਜ਼ੇਸ਼ਨ ਦੀ ਦਿਸ਼ਾ ਵਿੱਚ ਮਹੱਤਵਪੂਰਨ ਮਾਰਗ ਦੱਸਿਆ ਗਿਆ, ਨਾਲ ਹੀ ਇਸ ਪਰਿਵਰਤਨ ਵਿੱਚ ਚੰਡੀਗੜ੍ਹ ਪ੍ਰਸ਼ਾਸਨ ਦੀ ਲੀਡਰਸ਼ਿਪ ਭੂਮਿਕਾ ‘ਤੇ ਵੀ ਬਲ ਦਿੱਤਾ ਗਿਆ।
1
2
