ਭਾਰਤ ਦੇ ਚੋਣ ਕਮਿਸ਼ਨ ਦੁਆਰਾ ਐਲਾਨੇ ਗਏ ਇਲੈਕਟੋਰਲ ਰੋਲਸ ਦੇ ਸਪੈਸ਼ਲ ਇੰਟੈੰਸਿਵ ਰਿਵਿਜ਼ਨ (ਐੱਸਆਈਆਰ/SIR) ਦੇ ਤਹਿਤ ਚੋਣ ਵਿਭਾਗ, ਯੂ.ਟੀ. ਚੰਡੀਗੜ੍ਹ ਨੇ ਰਿਵਿਜ਼ਨ ਪ੍ਰਕਿਰਿਆ ਦੇ ਸੁਚਾਰੂ ਅਤੇ ਪ੍ਰਭਾਵੀ ਲਾਗੂਕਰਨ ਨੂੰ ਸੁਨਿਸ਼ਚਿਤ ਕਰਨ ਲਈ ਬੂਥ ਲੈਵਲ ਅਫ਼ਸਰਾਂ (ਬੀਐੱਲਓਜ਼/BLOs) ਲਈ ਇੱਕ ਢਾਂਚਾਗਤ ਟ੍ਰੇਨਿੰਗ ਪ੍ਰੋਗਰਾਮ ਸ਼ੁਰੂ ਕੀਤਾ ਹੈ। ਇਹ ਟ੍ਰੇਨਿੰਗ ਸੈਸ਼ਨ 06 ਜੂਨ 2026 ਤੋਂ 09 ਜੂਨ 2026 ਤੱਕ ਐੱਮਸੀਐੱਮ ਡੀਏਵੀ ਕਾਲਜ, ਸੈਕਟਰ 36, ਚੰਡੀਗੜ੍ਹ ਵਿਖੇ ਆਯੋਜਿਤ ਕੀਤੇ ਜਾ ਰਹੇ ਹਨ। ਨਿਰਧਾਰਿਤ ਸੈਸ਼ਨਾਂ ਵਿੱਚ ਉਪਸਥਿਤ ਨਾ ਹੋ ਸਕਣ ਵਾਲੇ ਬੀਐੱਲਓਜ਼ (BLOs) ਅਤੇ ਬੀਐੱਲਓ ਸੁਪਰਵਾਇਜ਼ਰਾਂ (BLO Supervisors) ਲਈ ਰਿਜ਼ਰਵ ਟ੍ਰੇਨਿੰਗ ਸ਼ਡਿਊਲ ਦੀ ਵਿਵਸਥਾ ਵੀ ਕੀਤੀ ਗਈ ਹੈ।
ਟ੍ਰੇਨਿੰਗ ਦੇ ਦੌਰਾਨ ਪ੍ਰਤੀਭਾਗੀਆਂ ਨੂੰ ਸਪੈਸ਼ਲ ਇੰਟੈੰਸਿਵ ਰਿਵਿਜ਼ਨ (ਐੱਸਆਈਆਰ/SIR) ਪ੍ਰਕਿਰਿਆ ਨਾਲ ਸਬੰਧਿਤ ਦਿਸ਼ਾ-ਨਿਰਦੇਸ਼ਾਂ, ਇਸ ਦੇ ਵਿਭਿੰਨ ਪੜਾਵਾਂ ਅਤੇ ਗਣਨਾ ਫਾਰਮ (Enumeration Form-EF) ਦੀ ਵੰਡ, ਭਰਨ ਅਤੇ ਡਿਜਿਟਾਇਜ਼ੇਸ਼ਨ ਦੀ ਪ੍ਰਕਿਰਿਆ ਬਾਰੇ ਵਿਆਪਕ ਤੌਰ ‘ਤੇ ਜਾਣਕਾਰੀ ਦਿੱਤੀ ਗਈ। ਇਸ ਦੇ ਇਲਾਵਾ ਦਾਅਵਿਆਂ ਅਤੇ ਇਤਰਾਜ਼ਾਂ ਦੀ ਮਿਆਦ ਦੇ ਦੌਰਾਨ ਵਰਤੇ ਜਾਣ ਵਾਲੇ ਫਾਰਮ 6 ਅਤੇ ਫਾਰਮ 8 ਅਤੇ ਨੋਟਿਸ ਪੜਾਅ (ਸੁਣਵਾਈ ਅਤੇ ਤਸਦੀਕ) ਸਬੰਧੀ ਪ੍ਰਕਿਰਿਆਵਾਂ ਤੋਂ ਵੀ ਜਾਣੂ ਕਰਵਾਇਆ ਗਿਆ।
ਗਣਨਾ ਪੜਾਅ ਦੇ ਤਹਿਤ ਬੀਐੱਲਓ ਆਪਣੇ-ਆਪਣੇ ਨਿਰਧਾਰਿਤ ਬੂਥਾਂ ਦੇ ਖੇਤਰਾਂ ਵਿੱਚ ਘਰ-ਘਰ ਜਾ ਕੇ (ਐੱਚ2ਐੱਚ/H2H) ਇਲੈਕਟਰਸ ਨੂੰ ਗਣਨਾ ਫਾਰਮ ਵੰਡਣਗੇ। ਸਾਰੇ ਇਲੈਕਟਰਸ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਬੀਐੱਲਓਜ਼ ਨਾਲ ਸਹਿਯੋਗ ਕਰਨ ਅਤੇ ਵਿਧੀਵਤ ਭਰੇ ਹੋਏ ਗਣਨਾ ਫਾਰਮ ਸਮੇਂ ‘ਤੇ ਜਮ੍ਹਾਂ ਕਰਵਾਉਣ, ਤਾਕਿ ਤਰੁਟੀ-ਰਹਿਤ ਅਤੇ ਸਟੀਕ ਇਲੈਕਟੋਰਲ ਰੋਲ ਤਿਆਰ ਕੀਤਾ ਜਾ ਸਕੇ। ਇਹ ਫਾਰਮ ਔਨਲਾਇਨ ਵੀ ਵੋਟਰ ਪੋਰਟਲ:
www.voters.eci.gov.in ਦੇ ਜ਼ਰੀਏ ਭਰਿਆ ਜਾ ਸਕਦਾ ਹੈ।
ਹਰੇਕ ਇਲੈਕਟਰ ਨੂੰ ਗਣਨਾ ਫਾਰਮ ਦੀਆਂ ਦੋ ਕਾਪੀਆਂ ਉਪਲਬਧ ਕਰਵਾਈਆਂ ਜਾਣਗੀਆਂ। ਇਨ੍ਹਾਂ ਵਿੱਚੋਂ ਵਿਧੀਵਤ ਭਰੀ ਅਤੇ ਦਸਤਖਤ ਕੀਤੀ ਕਾਪੀ ਸਬੰਧਿਤ ਬੀਐੱਲਓ ਨੂੰ ਜਮ੍ਹਾਂ ਕਰਵਾਉਣੀ ਹੋਵੇਗੀ, ਜਦਕਿ ਦੂਸਰੀ ਕਾਪੀ ਰਿਕਾਰਡ ਹਿਤ ਇਲੈਕਟਰ ਆਪਣੇ ਪਾਸ ਸੁਰੱਖਿਅਤ ਰੱਖ ਸਕਦਾ ਹੈ। ਜਿੱਥੇ ਜ਼ਰੂਰੀ ਹੋਵੇ, ਗਣਨਾ ਫਾਰਮ ਦੇ ਨਾਲ ਸਹਾਇਕ ਦਸਤਾਵੇਜ਼ ਵੀ ਜਮ੍ਹਾਂ ਕੀਤੇ ਜਾ ਸਕਦੇ ਹਨ।
ਚੋਣ ਸੇਵਾਵਾਂ ਨਾਲ ਸਬੰਧਿਤ ਕਿਸੇ ਵੀ ਸਹਾਇਤਾ ਲਈ ਨਾਗਰਿਕ ਕੰਮਕਾਜੀ ਦਿਨਾਂ ਵਿੱਚ ਵੋਟਰ ਹੈਲਪਲਾਇਨ ਨੰਬਰ “1950” ‘ਤੇ ਸੰਪਰਕ ਕਰ ਸਕਦੇ ਹਨ। ਨਾਗਰਿਕ ਈਸੀਆਈਐੱਨਈਟੀ (ਈਸੀਆਈਨੈੱਟ/ECINET) ਮੋਬਾਈਲ ਐਪਲੀਕੇਸ਼ਨ ਅਤੇ ਵੋਟਰ ਪੋਰਟਲ ‘ਤੇ ਉਪਲਬਧ “Book a Call Request with BLO” ਸੁਵਿਧਾ ਦਾ ਵੀ ਲਾਭ ਉਠਾ ਸਕਦੇ ਹਨ।
ਚੋਣ ਵਿਭਾਗ ਸਾਰੇ ਇਲੈਕਟਰਸ ਅਤੇ ਹਿਤਧਾਰਕਾਂ ਨੂੰ ਅਪੀਲ ਕਰਦਾ ਹੈ ਕਿ ਉਹ ਸਪੈਸ਼ਲ ਇੰਟੈਂਸਿਵ ਰਿਵਿਜ਼ਨ (ਐੱਸਆਈਆਰ/SIR)-2026 ਵਿੱਚ ਸਰਗਰਮੀ ਨਾਲ ਹਿੱਸਾ ਲੈਣ ਅਤੇ ਗਣਨਾ ਪੜਾਅ ਦੌਰਾਨ ਬੂਥ ਲੈਵਲ ਅਫ਼ਸਰਾਂ (ਬੀਐੱਲਓਜ਼/BLOs) ਨੂੰ ਪੂਰਾ ਸਹਿਯੋਗ ਦੇਣ।
