ਭਾਰਤ ਸਰਕਾਰ ਦੇ ਰਾਸ਼ਟਰੀ ਪਸ਼ੂ ਰੋਗ ਨਿਯੰਤ੍ਰਣ ਪ੍ਰੋਗਰਾਮ (ਐੱਨਏਡੀਸੀਪੀ/NADCP) ਦੇ ਤਹਿਤ, ਪਸ਼ੂਪਾਲਣ ਅਤੇ ਮੱਛੀ ਪਾਲਣ ਵਿਭਾਗ, ਯੂਟੀ ਚੰਡੀਗੜ੍ਹ ਦੁਆਰਾ ਖੁਰਪਕਾ- ਮੂੰਹਪਕਾ ਰੋਗ (ਐੱਫਐੱਮਡੀ/FMD) ਪ੍ਰੋਗਰਾਮ ਨੂੰ 2020 ਵਿੱਚ ਆਪਣੀ ਸਥਾਪਨਾ ਦੇ ਬਾਅਦ ਸਫ਼ਲਤਾਪੂਰਵਕ ਚਲਾਇਆ ਜਾ ਰਿਹਾ ਹੈ। ਯੂਟੀ ਚੰਡੀਗੜ੍ਹ ਦੇ ਸਾਰੇ ਪਿੰਡਾਂ ਵਿੱਚ
ਖੁਰਪਕਾ- ਮੂੰਹਪਕਾ ਰੋਗ (ਐੱਫਐੱਮਡੀ/FMD) ਟੀਕਾਕਰਣ
ਦਾ ਛੇਵਾਂ ਦੌਰ 19 ਮਈ, 2025 ਤੋਂ ਸ਼ੁਰੂ ਕੀਤਾ ਗਿਆ ਅਤੇ 31 ਮਈ 2025 ਨੂੰ ਸਮਾਪਤ ਹੋਇਆ।
ਇਸ ਅਵਸਰ ‘ਤੇ, ਯੂਟੀ ਚੰਡੀਗੜ੍ਹ ਦੇ ਪਸ਼ੂਪਾਲਣ ਅਤੇ ਮੱਛੀਪਾਲਣ ਦੇ ਸਕੱਤਰ, ਆਈਏਐੱਸ ਸ਼੍ਰੀ ਹਰੀ ਕੱਲਿਕਟ (Sh. Hari Kallikat) ਨੇ ਕਿਹਾ ਕਿ ਐੱਫਐੱਮਡੀ ਆਰਥਿਕ ਪ੍ਰਭਾਵ ਦੀ ਦ੍ਰਿਸ਼ਟੀ ਤੋਂ ਪਸ਼ੂਆਂ ਦੀਆਂ ਸਭ ਤੋਂ ਗੰਭੀਰ ਬਿਮਾਰੀਆਂ ਵਿੱਚੋਂ ਇੱਕ ਹੈ ਅਤੇ ਇਸ ਨੂੰ ਨਿਯੰਤ੍ਰਣ ਅਤੇ ਖ਼ਾਤਮੇ ਦੇ ਲਈ ਵਿਸ਼ਵ ਪੱਧਰ ‘ਤੇ ਪ੍ਰਾਥਮਿਕਤਾ ਵਾਲੀ ਬਿਮਾਰੀ ਦੇ ਰੂਪ ਵਿੱਚ ਮਾਨਤਾ ਪ੍ਰਾਪਤ ਹੈ। ਪਸ਼ੂਪਾਲਣ ਅਤੇ ਮੱਛੀਪਾਲਣ ਵਿਭਾਗ, ਯੂਟੀ ਚੰਡੀਗੜ੍ਹ ਨੇ ਭਾਰਤ ਸਰਕਾਰ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਪਸ਼ੂ ਪਾਲਕਾਂ ਦੇ ਘਰ-ਘਰ ਜਾ ਕੇ ਖੁਰਪਕਾ- ਮੂੰਹਪਕਾ ਰੋਗ (ਐੱਫਐੱਮਡੀ/FMD) ਦੇ ਖ਼ਿਲਾਫ਼ ਸਾਰੇ ਬੜੇ ਅਤੇ ਛੋਟੇ ਪਸ਼ੂਆਂ ਦਾ ਮੁਫ਼ਤ ਟੀਕਾਕਰਣ ਕੀਤਾ।
ਸ਼੍ਰੀ ਨਵੀਨ, ਡੈਨਿਕਸ (DANICS), ਡਾਇਰੈਕਟਰ ਪਸ਼ੂਪਾਲਣ ਅਤੇ ਮੱਛੀਪਾਲਣ, ਯੂਟੀ ਚੰਡੀਗੜ੍ਹ ਨੇ ਦੱਸਿਆ ਕਿ ਹੁਣ ਤੱਕ, ਯੂਟੀ ਚੰਡੀਗੜ੍ਹ ਵਿੱਚ ਖੁਰਪਕਾ- ਮੂੰਹਪਕਾ ਰੋਗ (ਐੱਫਐੱਮਡੀ/FMD) ਟੀਕਾਕਰਣ ਦੇ ਛੇ ਦੌਰ ਪੂਰੇ ਹੋ ਚੁੱਕੇ ਹਨ ਅਤੇ ਇਸ ਬਿਮਾਰੀ ਦੇ ਖ਼ਿਲਾਫ਼ 1,13,268 ਟੀਕੇ ਲਗਾਏ ਗਏ ਹਨ, ਜਦਕਿ ਕੁਝ ਹੋਰ ਰਾਜਾਂ/ਯੂਟੀਜ਼ ਨੇ ਅਜੇ ਤੱਕ ਪੰਜਵਾਂ ਦੌਰ ਵੀ ਪੂਰਾ ਨਹੀਂ ਕੀਤਾ ਹੈ। ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਟੀਕਾਕਰਣ ਨਾਲ ਪਸ਼ੂਆਂ ਦੇ ਨਾਲ-ਨਾਲ ਮਨੁੱਖਾਂ ਵਿੱਚ ਵੀ ਬਿਮਾਰੀਆਂ ਦਾ ਪ੍ਰਭਾਵੀ ਪ੍ਰਬੰਧਨ ਹੋਵੇਗਾ। ਉਨ੍ਹਾਂ ਨੇ ਵਾਇਰਲ ਇਨਫੈਕਸ਼ਨ ਨਾਲ ਜਲਦੀ ਤੋਂ ਜਲਦੀ ਨਜਿੱਠਣ ਦੇ ਲਈ ਸਵੱਛ ਪਰਿਸਥਿਤੀਆਂ ਨੂੰ ਬਣਾਈ ਰੱਖਣ ਦੇ ਮਹੱਤਵ ‘ਤੇ ਵੀ ਜ਼ੋਰ ਦਿੱਤਾ।
ਡਾ. ਅਸ਼ਵਨੀ ਕੁਮਾਰ, ਜੁਆਇੰਟ ਡਾਇਰੈਕਟਰ ਪਸ਼ੂਪਾਲਣ ਨੇ ਦੱਸਿਆ ਕਿ ਖੁਰਪਕਾ- ਮੂੰਹਪਕਾ ਰੋਗ (ਐੱਫਐੱਮਡੀ/FMD) ਟੀਕਾਕਰਣ ਇੱਕ ਪ੍ਰਭਾਵੀ ਐੱਫਐੱਮਡੀ ਨਿਯੰਤ੍ਰਣ ਰਣਨੀਤੀ ਦਾ ਇੱਕ ਜ਼ਰੂਰੀ ਘਟਕ ਹੈ ਅਤੇ ਬਿਮਾਰੀ ਦੀਆਂ ਘਟਨਾਵਾਂ ਵਿੱਚ ਕਮੀ ਆਉਣ ਤੱਕ ਨਿਯਮਿਤ ਅੰਤਰਾਲ ‘ਤੇ ਸੰਵੇਦਨਸ਼ੀਲ ਪਸ਼ੂਆਂ ਦਾ ਬੜੇ ਪੈਮਾਨੇ ‘ਤੇ ਅਤੇ ਵਾਰ-ਵਾਰ ਟੀਕਾਕਰਣ ਕਰਕੇ ਇਸ ਨੂੰ ਪ੍ਰਾਪਤ ਕੀਤਾ ਜਾ ਸਕਦਾ ਹੈ।
