ਸਪੈਸ਼ਲ ਇੰਟੈਂਸਿਵ ਰਿਵਿਜ਼ਨ (ਐੱਸਆਈਆਰ)- 2026 ਦੇ ਤੀਸਰੇ ਪੜਾਅ ਦੇ ਤਹਿਤ ਯੂ.ਟੀ. ਚੰਡੀਗੜ੍ਹ ਵਿੱਚ ਮਿਤੀ 15.06.2026 ਤੋਂ 14.07.2026 ਤੱਕ ਗਣਨਾ ਪੜਾਅ ਸੰਪੰਨ ਕੀਤਾ ਗਿਆ। ਸ਼ਡਿਊਲ ਦੇ ਅਨੁਸਾਰ ਮਿਤੀ 21.07.2026 ਨੂੰ ਡ੍ਰਾਫਟ ਇਲੈਕਟੋਰਲ ਰੋਲ ਪ੍ਰਕਾਸ਼ਿਤ ਕੀਤੀ ਜਾ ਰਹੀ ਹੈ।
ਆਮ ਜਨਤਾ ਅਤੇ ਸਾਰੀਆਂ ਮਾਨਤਾ ਪ੍ਰਾਪਤ ਰਾਜਨੀਤਿਕ ਪਾਰਟੀਆਂ ਦੀ ਜਾਣਕਾਰੀ ਲਈ ਸੂਚਿਤ ਕੀਤਾ ਜਾਂਦਾ ਹੈ ਕਿ ਪੋਲਿੰਗ ਸਟੇਸ਼ਨਾਂ ਦੇ ਤਰਕਸੰਗਤੀਕਰਨ ਤੋਂ ਬਾਅਦ, 01-ਚੰਡੀਗੜ੍ਹ ਸੰਸਦੀ ਹਲਕੇ ਲਈ ਡ੍ਰਾਫਟ ਇਲੈਕਟੋਰਲ ਰੋਲ ਮਿਤੀ 21.07.2026 ਨੂੰ ਪ੍ਰਕਾਸ਼ਿਤ ਕੀਤੀ ਜਾ ਰਹੀ ਹੈ ਜਿਸ ਦੀ ਯੋਗਤਾ ਮਿਤੀ 01.07.2026 ਹੈ। ਡ੍ਰਾਫਟ ਇਲੈਕਟੋਰਲ ਰੋਲ ਵਿੱਚ ਉਨ੍ਹਾਂ ਇਲੈਟਰਸ ਦੇ ਨਾਮ ਸ਼ਾਮਲ ਹਨ ਜਿਨ੍ਹਾਂ ਨੇ ਘਰ-ਘਰ ਗਣਨਾ ਪੜਾਅ ਦੌਰਾਨ ਆਪਣੇ ਗਣਨਾ ਫਾਰਮ ਜਮ੍ਹਾਂ ਕਰਵਾਏ ਹਨ।
ਜਿਨ੍ਹਾਂ ਨਾਗਰਿਕਾਂ ਦੇ ਨਾਮ ਡ੍ਰਾਫਟ ਇਲੈਕਟੋਰਲ ਰੋਲ ਵਿੱਚ ਨਹੀਂ ਹਨ, ਉਹ ਆਪਣਾ ਨਾਮ ਇਲੈਕਟੋਰਲ ਰੋਲ ਵਿੱਚ ਸ਼ਾਮਲ ਕਰਵਾਉਣ ਲਈ ਨਿਰਧਾਰਿਤ ਘੋਸ਼ਣਾ ਅਤੇ ਸਹਾਇਕ ਦਸਤਾਵੇਜ਼ਾਂ ਸਹਿਤ ਮਿਤੀ 21.07.2026 ਤੋਂ 20.08.2026 ਤੱਕ ਦਾਅਵਿਆਂ ਅਤੇ ਇਤਰਾਜ਼ਾਂ ਦੀ ਮਿਆਦ ਦੇ ਦੌਰਾਨ ਦਾਅਵਾ ਪ੍ਰਸਤੁਤ ਕਰ ਸਕਦੇ ਹਨ।
ਅਜਿਹੇ ਯੁਵਾ ਨਾਗਰਿਕ ਜੋ 01.07.2026 ਨੂੰ ਜਾਂ ਇਸ ਤੋਂ ਪਹਿਲਾਂ 18 ਸਾਲ ਦੀ ਉਮਰ ਪ੍ਰਾਪਤ ਕਰ ਚੁੱਕੇ ਹਨ ਜਾਂ ਪ੍ਰਾਪਤ ਕਰ ਲੈਣਗੇ, ਉਹ ਵੀ ਨਿਰਧਾਰਿਤ ਘੋਸ਼ਣਾ-ਪੱਤਰ ਸਹਿਤ ਫਾਰਮ-6 ਜਮ੍ਹਾਂ ਕਰਵਾ ਕੇ ਇਲੈਕਟੋਰਲ ਰੋਲ ਵਿੱਚ ਆਪਣਾ ਨਾਮ ਦਰਜ ਕਰਵਾਉਣ ਦੇ ਪਾਤਰ ਹਨ।
ਇਲੈਕਟੋਰਲ ਰੋਲ ਵਿੱਚ ਐਂਟਰੀਆਂ ਵਿੱਚ ਸੰਸ਼ੋਧਨ, ਇਲੈਕਟਰ ਫੋਟੋ ਪਹਿਚਾਣ ਪੱਤਰ (ਈਪੀਆਈਸੀ) ਦੀ ਤਬਦੀਲੀ ਜਾਂ ਪਤਾ ਬਦਲਣ ਦੇ ਇੱਛੁਕ ਵੋਟਰ ਈਸੀਆਈਨੈੱਟ (ECINET) ਮੋਬਾਈਲ ਐਪ ਜਾਂ ਈਸੀਆਈਨੈੱਟ (ECINET) ਪੋਰਟਲ ਦੇ ਜ਼ਰੀਏ ਔਨਲਾਇਨ ਜਾਂ ਸਬੰਧਿਤ ਬੂਥ ਲੈਵਲ ਅਫ਼ਸਰ ਦੇ ਜ਼ਰੀਏ ਔਫਲਾਇਨ ਫਾਰਮ-8 ਜਮ੍ਹਾਂ ਕਰਵਾ ਸਕਦੇ ਹਨ।
ਕਿਸੇ ਵੀ ਪ੍ਰਕਾਰ ਦੀ ਸਹਾਇਤਾ ਲਈ ਨਾਗਰਿਕ ਵੋਟਰ ਹੈਲਪਲਾਇਨ ਨੰਬਰ 1950 ‘ਤੇ ਸੰਪਰਕ ਕਰ ਸਕਦੇ ਹਨ ਜਾਂ ਈਸੀਆਈਨੈੱਟ (ECINET) ਮੋਬਾਈਲ ਐਪਲੀਕੇਸ਼ਨ ‘ਤੇ ਉਪਲਬਧ “ਬੀਐੱਲਓ ਨਾਲ ਕਾਲ ਰਿਕੁਐਸਟ ਬੁੱਕ ਕਰੋ” ਸੁਵਿਧਾ ਦਾ ਉਪਯੋਗ ਕਰ ਸਕਦੇ ਹਨ।
