ਗਵਰਨਮੈਂਟ ਰਿਹੈਬਲਿਟੇਸ਼ਨ ਇੰਸਟੀਟਿਊਟ ਫੌਰ ਇੰਟਲੈਕਚੁਅਲ ਡਿਸਏਬਿਲਿਟੀਜ਼ (ਜੀਆਰਆਈਆਈਡੀ/GRIID/ਗ੍ਰਿੱਡ), ਚੰਡੀਗੜ੍ਹ ਨੇ ਸੇਵਾ ਪਖਵਾੜਾ 2025 ਪਹਿਲ ਦੇ ਤਹਿਤ 25 ਸਤੰਬਰ, 2025 ਨੂੰ ਆਪਣੇ ਕਾਨਫਰੰਸ ਹਾਲ ਵਿਖੇ ਜਨਰਲ ਸਕੂਲ ਅਧਿਆਪਕਾਂ ਲਈ ਇੱਕ ਵਿਸ਼ੇਸ਼ ਭਾਸ਼ਣ ਦਾ ਆਯੋਜਨ ਕੀਤਾ।
ਇਸ ਪ੍ਰੋਗਰਾਮ ਦਾ ਉਦੇਸ਼ ਚੰਡੀਗੜ੍ਹ ਭਰ ਦੇ ਵੱਖ-ਵੱਖ ਸਕੂਲਾਂ ਦੇ ਅਧਿਆਪਕਾਂ ਦੀ ਸਮਰੱਥਾ ਨਿਰਮਾਣ ਕਰਨਾ ਸੀ, ਜਿਸ ਵਿੱਚ ਵਿਸ਼ੇਸ਼ ਤੌਰ ‘ਤੇ ਪਾਜ਼ਿਟਿਵ ਬਿਹੇਵੀਅਰ ਇੰਟਰਵੈਂਸ਼ਨਸ ਐਂਡ ਸਪੋਰਟਸ-ਸਕਾਰਾਤਮਕ ਵਿਵਹਾਰ ਦਖਲਅੰਦਾਜ਼ੀ ਅਤੇ ਸਹਾਇਤਾ (ਪੀਬੀਆਈਐੱਸ/PBIS) ‘ਤੇ ਧਿਆਨ ਕੇਂਦ੍ਰਿਤ ਦਿੱਤਾ ਗਿਆ।
ਇਸ ਪ੍ਰੋਗਰਾਮ ਦੀ ਸ਼ੁਰੂਆਤ ਗਵਰਨਮੈਂਟ ਰਿਹੈਬਲਿਟੇਸ਼ਨ ਇੰਸਟੀਟਿਊਟ ਫੌਰ ਇੰਟਲੈਕਚੁਅਲ ਡਿਸਏਬਿਲਿਟੀਜ਼ (ਜੀਆਰਆਈਆਈਡੀ/GRIID/ਗ੍ਰਿੱਡ) ਦੇ ਸੰਯੁਕਤ ਡਾਇਰੈਕਟਰ ਡਾ. ਅਜੀਤ ਸਿਦਾਨਾ ਦੇ ਸੁਆਗਤੀ ਭਾਸ਼ਣ ਹੋਈ। ਇਸ ਤੋਂ ਬਾਅਦ ਗਵਰਨਮੈਂਟ ਰਿਹੈਬਲਿਟੇਸ਼ਨ ਇੰਸਟੀਟਿਊਟ ਫੌਰ ਇੰਟਲੈਕਚੁਅਲ ਡਿਸਏਬਿਲਿਟੀਜ਼ (ਜੀਆਰਆਈਆਈਡੀ/GRIID/ਗ੍ਰਿੱਡ) ਦੇ ਟੈਕਨੀਕਲ ਸੁਪਰਵਾਇਜ਼ਰ ਡਾ. ਬਿਭਾਕਰ ਵਿਸ਼ਵਕਰਮਾ ਨੇ ਪਾਜ਼ਿਟਿਵ ਬਿਹੇਵੀਅਰ ਇੰਟਰਵੈਂਸ਼ਨਸ ਐਂਡ ਸਪੋਰਟਸ -ਸਕਾਰਾਤਮਕ ਵਿਵਹਾਰ ਦਖਲਅੰਦਾਜ਼ੀ ਅਤੇ ਸਹਾਇਤਾ (ਪੀਬੀਆਈਐੱਸ/PBIS) ‘ਤੇ ਇੱਕ ਵਿਸਤ੍ਰਿਤ ਪੇਸ਼ਕਾਰੀ ਦਿੱਤੀ। ਇਸ ਸੈਸ਼ਨ ਵਿੱਚ ਚੰਡੀਗੜ੍ਹ ਦੀਆਂ ਵੱਖ-ਵੱਖ ਵਿੱਦਿਅਕ ਸੰਸਥਾਵਾਂ ਦੇ 30 ਤੋਂ ਅਧਿਕ ਸਕੂਲ ਅਧਿਆਪਕਾਂ ਅਤੇ ਸਲਾਹਕਾਰਾਂ ਨੇ ਹਿੱਸਾ ਲਿਆ।
ਬੱਚਿਆਂ ਵਿੱਚ ਵਿਵਹਾਰ ਸਬੰਧੀ ਚਿੰਤਾਵਾਂ ਦੇ ਪ੍ਰਬੰਧਨ ਬਾਰੇ ਅਧਿਆਪਕਾਂ ਦੇ ਸਵਾਲਾਂ ਦੇ ਜਵਾਬ ਦੇਣ ਲਈ ਇੱਕ ਪੈਨਲ ਚਰਚਾ ਦਾ ਵੀ ਆਯੋਜਨ ਕੀਤਾ ਗਿਆ। ਪੈਨਲ ਵਿੱਚ ਸ਼੍ਰੀਮਤੀ ਵੰਦਨਾ ਸਿੰਘ, ਪ੍ਰਿੰਸੀਪਲ, ਗਵਰਨਮੈਂਟ ਰਿਹੈਬਲਿਟੇਸ਼ਨ ਇੰਸਟੀਟਿਊਟ ਫੌਰ ਇੰਟਲੈਕਚੁਅਲ ਡਿਸਏਬਿਲਿਟੀਜ਼ (ਜੀਆਰਆਈਆਈਡੀ/GRIID/ਗ੍ਰਿੱਡ) ਸਕੂਲ; ਡਾ. ਐੱਮ. ਕਰੁੱਪਾਸਾਮੀ, ਕੋਰਸ ਕੋਆਰਡੀਨੇਟਰ; ਸ਼੍ਰੀ ਅਨਿਲ ਕੁਮਾਰ, ਸੀਨੀਅਰ ਸਪੈਸ਼ਲ ਐਜੂਕੇਟਰ; ਸ਼੍ਰੀ ਸੰਦੀਪ ਸ਼ਰਮਾ, ਸੀਨੀਅਰ ਸਪੈਸ਼ਲ ਐਜੂਕੇਟਰ; ਅਤੇ ਡਾ. ਬਿਭਾਕਰ ਵਿਸ਼ਵਕਰਮਾ ਸ਼ਾਮਲ ਸਨ। ਮਾਹਰਾਂ ਨੇ ਅਧਿਆਪਕਾਂ ਨੂੰ ਸਕਾਰਾਤਮਕ ਅਤੇ ਸਮਾਵੇਸ਼ੀ ਕਲਾਸਰੂਮ ਵਾਤਾਵਰਣ ਬਣਾਉਣ ਦੇ ਲਈ ਵਿਵਹਾਰਿਕ ਸੁਝਾਅ ਅਤੇ ਰਣਨੀਤੀਆਂ ਸਾਂਝੀਆਂ ਕੀਤੀਆਂ।
ਪ੍ਰੋਗਰਾਮ ਦਾ ਸਮਾਪਨ ਸੁਸ਼੍ਰੀ ਵੰਦਨਾ ਸਿੰਘ, ਪ੍ਰਿੰਸੀਪਲ, ਗਵਰਨਮੈਂਟ ਰਿਹੈਬਲਿਟੇਸ਼ਨ ਇੰਸਟੀਟਿਊਟ ਫੌਰ ਇੰਟਲੈਕਚੁਅਲ ਡਿਸਏਬਿਲਿਟੀਜ਼ (ਜੀਆਰਆਈਆਈਡੀ/GRIID/ਗ੍ਰਿੱਡ) ਸਕੂਲ ਦੁਆਰਾ ਅੰਤਿਮ ਟਿੱਪਣੀਆਂ ਅਤੇ ਧੰਨਵਾਦ ਦੇ ਮਤੇ ਨਾਲ ਹੋਇਆ।
