ਕੇਂਦਰੀ ਸੈਕੰਡਰੀ ਸਿੱਖਿਆ ਬੋਰਡ (ਸੀਬੀਐੱਸਈ/CBSE) ਨੇ ਅੱਜ ਸੀਨੀਅਰ ਸੈਕੰਡਰੀ ਅਤੇ ਸੈਕੰਡਰੀ ਕਲਾਸਾਂ ਦੇ ਨਤੀਜੇ ਐਲਾਨੇ। ਯੂ.ਟੀ. ਚੰਡੀਗੜ੍ਹ ਦੇ ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲਾਂ ਦੀ ਕੁੱਲ ਪਾਸ ਪ੍ਰਤੀਸ਼ਤਤਾ 87.25% ਰਹੀ, ਜਦਕਿ ਪਿਛਲੇ ਸਾਲ ਇਹ 88.79% ਸੀ। ਇਸ ਤਰ੍ਹਾਂ ਇਸ ਵਰ੍ਹੇ ਨਤੀਜੇ ਵਿੱਚ 1.54 ਪ੍ਰਤੀਸ਼ਤ ਅੰਕਾਂ ਦੀ ਮਾਮੂਲੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਰਾਸ਼ਟਰੀ ਪੱਧਰ ‘ਤੇ ਸੀਬੀਐੱਸਈ ਦੀ ਕੁੱਲ ਪਾਸ ਪ੍ਰਤੀਸ਼ਤਤਾ 85.2% ਰਹੀ, ਜੋ ਪਿਛਲੇ ਵਰ੍ਹੇ ਦੇ 88.39% ਦੇ ਮੁਕਾਬਲੇ 3.19 ਪ੍ਰਤੀਸ਼ਤ ਅੰਕ ਘੱਟ ਹੈ। ਇਸ ਤਰ੍ਹਾਂ ਯੂ.ਟੀ. ਚੰਡੀਗੜ੍ਹ ਦੇ ਸਰਕਾਰੀ ਸਕੂਲਾਂ ਦੀ ਪਾਸ ਪ੍ਰਤੀਸ਼ਤਤਾ ਸੀਬੀਐੱਸਈ ਦੀ ਕੁੱਲ ਪਾਸ ਪ੍ਰਤੀਸ਼ਤਤਾ ਨਾਲੋਂ 2.05 ਪ੍ਰਤੀਸ਼ਤ ਅੰਕ ਅਧਿਕ ਰਹੀ।
ਪੰਜਾਬ ਦੇ ਰਾਜਪਾਲ ਅਤੇ ਯੂ.ਟੀ. ਚੰਡੀਗੜ੍ਹ ਦੇ ਪ੍ਰਸ਼ਾਸਕ ਸ਼੍ਰੀ ਗੁਲਾਬ ਚੰਦ ਕਟਾਰੀਆ ਨੇ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਮਾਪਿਆਂ ਨੂੰ ਇਸ ਉਤਕ੍ਰਿਸ਼ਟ ਪ੍ਰਦਰਸ਼ਨ ਲਈ ਵਧਾਈ ਦਿੱਤੀ ਅਤੇ ਵਿਦਿਆਰਥੀਆਂ ਦੇ ਉੱਜਵਲ ਭਵਿੱਖ ਲਈ ਸ਼ੁਭਕਾਮਨਾਵਾਂ ਦਿੱਤੀਆਂ।
ਰਾਸ਼ਟਰੀ ਪੱਧਰ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਵਿੱਚ ਪਾਸ ਪ੍ਰਤੀਸ਼ਤਤਾ ਵਿੱਚ ਆਈ ਗਿਰਾਵਟ ਦਾ ਕਾਰਨ ਅਧਿਕ ਸਖ਼ਤ ਅਤੇ ਦਕਸ਼ਤਾ-ਅਧਾਰਿਤ ਮੁੱਲਾਂਕਣ ਪ੍ਰਣਾਲੀ, ਰਾਸ਼ਟਰੀ ਸਿੱਖਿਆ ਨੀਤੀ (ਐੱਨਈਪੀ/NEP) 2020 ਦੇ ਤਹਿਤ ਸੰਕਲਪਿਕ ਸਮਝ ‘ਤੇ ਵਧੇਰੇ ਜ਼ੋਰ ਅਤੇ ਉੱਤਰ ਪੱਤਰੀਆਂ ਦੇ ਡਿਜੀਟਲ ਮੁੱਲਾਂਕਣ ਅਰਥਾਤ
ਔਨ-ਸਕ੍ਰੀਨ ਮਾਰਕਿੰਗ (ਓਐੱਸਐੱਮ/OSM) ਪ੍ਰਣਾਲੀ ਨੂੰ ਮੰਨਿਆ ਜਾ ਸਕਦਾ ਹੈ। ਇਹ ਪ੍ਰਵਿਰਤੀ ਰੱਟੇ ਦੀ ਪੱਧਤੀ ਤੋਂ ਹਟ ਕੇ ਐਪਲੀਕੇਸ਼ਨ-ਅਧਾਰਿਤ ਮੁੱਲਾਂਕਣ ਦੀ ਦਿਸ਼ਾ ਵਿੱਚ ਬਦਲਾਅ ਨੂੰ ਦਰਸਾਉਂਦੀ ਹੈ।
ਸੀਨੀਅਰ ਸੈਕੰਡਰੀ ਦੇ ਨਤੀਜਿਆਂ ਦੇ ਵੇਰਵੇ ਹੇਠ ਲਿਖੇ ਅਨੁਸਾਰ ਹਨ:
ਕੁੱਲ 10,255 ਵਿਦਿਆਰਥੀਆਂ ਨੇ ਸੀਨੀਅਰ ਸੈਕੰਡਰੀ ਪਰੀਖਿਆ ਦਿੱਤੀ, ਜਿਨ੍ਹਾਂ ਵਿੱਚੋਂ 8,948 ਵਿਦਿਆਰਥੀ ਪਾਸ ਹੋਏ।
ਮੌਜੂਦਾ ਸੈਸ਼ਨ ਦੀ ਕੁੱਲ ਪਾਸ ਪ੍ਰਤੀਸ਼ਤਤਾ 87.25% ਰਹੀ, ਜਦਕਿ ਅਕਾਦਮਿਕ ਸੈਸ਼ਨ 2024-25 ਵਿੱਚ 88.79% ਸੀ।
ਇਸ ਵਰ੍ਹੇ, ਦੋ ਸਕੂਲਾਂ -ਜੀਐੱਮਐੱਸਐੱਸਐੱਸ(GMSSS) ਸੈਕਟਰ 32 ਅਤੇ ਜੀਐੱਸਐੱਸਐੱਸ (GSSS) ਮਨੀਮਾਜਰਾ ਟਾਊਨ-
ਨੇ 95% ਅਤੇ ਇਸ ਤੋਂ ਅਧਿਕ ਦੀ ਪਾਸ ਪ੍ਰਤੀਸ਼ਤਤਾ ਦਰਜ ਕੀਤੀ। ਇਸ ਤੋਂ ਇਲਾਵਾ, 16 ਸਕੂਲਾਂ ਨੇ 90% ਅਤੇ ਇਸ ਤੋਂ ਅਧਿਕ ਪਾਸ ਪ੍ਰਤੀਸ਼ਤਤਾ ਪ੍ਰਾਪਤ ਕੀਤੀ।
ਵਿਦਿਆਰਥੀਆਂ ਨੇ ਪ੍ਰਭਾਵੀ ਗੁਣਾਵੱਤਾਪੂਰਨ ਪ੍ਰਦਰਸ਼ਨ ਵੀ ਕੀਤਾ। ਕੁੱਲ 348 ਵਿਦਿਆਰਥੀਆਂ ਨੇ 90% ਅਤੇ ਇਸ ਤੋਂ ਅਧਿਕ ਅੰਕ ਪ੍ਰਾਪਤ ਕੀਤੇ, ਜਦਕਿ ਪਿਛਲੇ ਵਰ੍ਹੇ ਇਹ ਸੰਖਿਆ 225 ਸੀ।
ਵਿਸ਼ੇਸ਼ ਤੌਰ ‘ਤੇ ਜ਼ਿਕਰਯੋਗ ਹੈ ਕਿ
57 ਵਿਦਿਆਰਥੀਆਂ ਨੇ 95% ਅਤੇ ਇਸ ਤੋਂ ਅਧਿਕ ਅੰਕ ਪ੍ਰਾਪਤ ਕੀਤੇ, ਜਦਕਿ ਪਿਛਲੇ ਅਕਾਦਮਿਕ ਸੈਸ਼ਨ ਵਿੱਚ ਇਹ ਸੰਖਿਆ 29 ਸੀ। ਇਸ ਪ੍ਰਕਾਰ 28 ਵਿਦਿਆਰਥੀਆਂ ਦਾ ਵਾਧਾ ਦਰਜ ਕੀਤਾ ਗਿਆ।
ਸਰਕਾਰੀ ਸੀਨੀਅਰ ਸੈਕੰਡਰੀ ਸਕੂਲਾਂ ਦੀਆਂ ਵਿਦਿਆਰਥਣਾਂ ਨੇ ਇੱਕ ਵਾਰ ਫਿਰ ਵਿਦਿਆਰਥੀਆਂ ਤੋਂ ਬਿਹਤਰ ਪ੍ਰਦਰਸ਼ਨ ਕੀਤਾ। ਕੁੱਲ 4,933 ਵਿਦਿਆਰਥੀਆਂ ਵਿੱਚੋਂ 4,169 ਪਾਸ ਹੋਏ, ਜਦਕਿ 5,322 ਵਿਦਿਆਰਥਣਾਂ ਵਿੱਚੋਂ 4,819 ਵਿਦਿਆਰਥਣਾਂ ਨੇ ਪਰੀਖਿਆ ਪਾਸ ਕੀਤੀ।
ਵਿਦਿਆਰਥੀਆਂ ਵਿੱਚ ਕੁੱਲ ਸੀਬੀਐੱਸਈ ਪਾਸ ਪ੍ਰਤੀਸ਼ਤਤਾ 82.13% ਰਹੀ, ਜਦਕਿ ਯੂ.ਟੀ. ਚੰਡੀਗੜ੍ਹ ਦੇ ਸਰਕਾਰੀ ਸਕੂਲਾਂ ਦੀ ਪਾਸ ਪ੍ਰਤੀਸ਼ਤਤਾ 84.51% ਦਰਜ ਕੀਤੀ ਗਈ। ਇਸੇ ਤਰ੍ਹਾਂ, ਵਿਦਿਆਰਥਣਾਂ ਵਿੱਚ ਕੁੱਲ ਸੀਬੀਐੱਸਈ ਪਾਸ ਪ੍ਰਤੀਸ਼ਤਤਾ 88.86% ਰਹੀ, ਜਦਕਿ ਯੂ.ਟੀ. ਚੰਡੀਗੜ੍ਹ ਦੇ ਸਰਕਾਰੀ ਸਕੂਲਾਂ ਦੀ ਪਾਸ ਪ੍ਰਤੀਸ਼ਤਤਾ 90.55% ਰਹੀ। ਇਹ ਸਰਕਾਰੀ ਸਕੂਲਾਂ ਦੀਆਂ ਵਿਦਿਆਰਥਣਾਂ ਦੇ ਨਿਰੰਤਰ ਉਤਕ੍ਰਿਸ਼ਟ ਪ੍ਰਦਰਸ਼ਨ ਨੂੰ ਦਰਸਾਉਂਦੀ ਹੈ।
ਇਹ ਜ਼ਿਕਰਯੋਗ ਹੈ ਕਿ ਜੀਐੱਮਐੱਸਐੱਸਐੱਸ (GMSSS) ਸੈਕਟਰ 35 ਦੇ ਵਿਦਿਆਰਥੀ ਅਨੂਪ ਸੈਣੀ ਨੇ 99.4% ਅੰਕ ਪ੍ਰਾਪਤ ਕਰਕੇ ਸੰਪੂਰਨ ਪਰੀਖਿਆ ਵਿੱਚ ਸਿਖਰਲਾ ਸਥਾਨ ਹਾਸਲ ਕੀਤਾ। ਉਸ ਨੇ ਦਸਵੀਂ ਦੀ ਸਿੱਖਿਆ ਵੀ ਇਸੇ ਸਰਕਾਰੀ ਸਕੂਲ ਤੋਂ ਪ੍ਰਾਪਤ ਕੀਤੀ ਸੀ।
ਪੀਐੱਮ ਸ਼੍ਰੀ ਜੀਜੀਐੱਮਐੱਸਐੱਸਐੱਸ (PM SHRI GGMSSS) ਸੈਕਟਰ 18 ਦੀ ਵਿਦਿਆਰਥਣ ਵੰਸ਼ਿਕਾ ਜੈਨ ਨੇ ਸੁਣਨ ਦੀ ਦਿੱਵਯਾਂਗਤਾ ਅਤੇ ਟਾਇਪ-1 ਸ਼ੂਗਰ ਜਿਹੀਆਂ ਚੁਣੌਤੀਆਂ ਦੇ ਬਾਵਜੂਦ 96% ਅੰਕ ਪ੍ਰਾਪਤ ਕੀਤੇ।
ਅਕਾਦਮਿਕ ਸੈਸ਼ਨ 2025-26 ਵਿੱਚ ਸਟ੍ਰੀਮ-ਵਾਰ ਪਾਸ ਪ੍ਰਤੀਸ਼ਤਤਾ ਇਸ ਪ੍ਰਕਾਰ ਰਹੀ: ਮੈਡੀਕਲ ਸਟ੍ਰੀਮ ਨੇ 2024-25 ਵਿੱਚ 93.25% ਦੇ ਮੁਕਾਬਲੇ 82.88% ਪਾਸ ਪ੍ਰਤੀਸ਼ਤਤਾ ਦਰਜ ਕੀਤੀ; ਨੌਨ-ਮੈਡੀਕਲ ਸਟ੍ਰੀਮ ਨੇ ਪਿਛਲੇ ਸਾਲ 87.71% ਦੇ ਮੁਕਾਬਲੇ 79.06% ਪ੍ਰਾਪਤ ਕੀਤੀ; ਕਮਰਸ ਸਟ੍ਰੀਮ ਨੇ ਪਿਛਲੇ ਸੈਸ਼ਨ ਵਿੱਚ 92.05% ਦੇ ਮੁਕਾਬਲੇ 88.92% ਦਰਜ ਕੀਤੀ; ਹਿਊਮੈਨਿਟੀਜ਼ ਸਟ੍ਰੀਮ ਨੇ ਪਿਛਲੇ ਸਾਲ 86.50% ਦੇ ਮੁਕਾਬਲੇ 87.94% ਪਾਸ ਪ੍ਰਤੀਸ਼ਤਤਾ ਨਾਲ ਸੁਧਾਰ ਦਰਜ ਕੀਤਾ। ਉੱਥੇ ਹੀ ਸਕਿੱਲ ਕੋਰਸਾਂ ਨੇ ਸਭ ਤੋਂ ਵੱਧ 97.17% ਪਾਸ ਪ੍ਰਤੀਸ਼ਤਤਾ ਦਰਜ ਕੀਤੀ, ਜੋ ਪਿਛਲੇ ਵਰ੍ਹੇ ਦੀ 94.68% ਤੋਂ ਅਧਿਕ ਹੈ।
