ਚੰਡੀਗੜ੍ਹ ਪ੍ਰਸ਼ਾਸਨ ਦੁਆਰਾ ਸੈਕਟਰ 31 ਚੰਡੀਗੜ੍ਹ ਵਿੱਚ ਮਾਨਸਿਕ ਬਿਮਾਰੀ (ਐੱਮ/MI), ਬੌਧਿਕ ਦਿੱਵਯਾਂਗਤਾ (ਆਈਡੀ/ID) ਅਤੇ ਔਟਿਜ਼ਮ ਸਪੈਕਟ੍ਰਮ ਡਿਸਆਰਡਰ (ਏਐੱਸਡੀ/ASD) ਤੋਂ ਠੀਕ ਹੋਏ ਵਿਅਕਤੀਆਂ ਲਈ ਇੱਕ ਗਰੁੱਪ ਹੋਮ ਬਣਾਇਆ ਗਿਆ ਹੈ।
ਸਮਾਜ ਭਲਾਈ ਵਿਭਾਗ ਨੇ 10.04.2025 ਤੱਕ ਗਰੁੱਪ ਹੋਮ ਵਿੱਚ ਆਪਣੇ ਬੱਚਿਆਂ ਦੇ ਦਾਖਲੇ ਲਈ ਦਿਲਚਸਪੀ ਰੱਖਣ ਵਾਲੇ ਮਾਪਿਆਂ/ਸਰਪ੍ਰਸਤਾਂ ਤੋਂ ਅਰਜ਼ੀਆਂ ਮੰਗਣ ਲਈ ਇੱਕ ਜਨਤਕ ਨੋਟਿਸ ਜਾਰੀ ਕੀਤਾ ਸੀ। ਵਿਭਾਗ ਨੂੰ ਗਰੁੱਪ ਹੋਮ ਵਿੱਚ ਦਾਖਲੇ ਲਈ 33 ਅਰਜ਼ੀਆਂ ਪ੍ਰਾਪਤ ਹੋਈਆਂ ਹਨ।
ਆਰਥਿਕ ਪੱਖੋਂ ਕਮਜ਼ੋਰ ਤਬਕੇ ਈਡਬਲਿਊਐੱਸ (EWS) ਦੇ ਬਿਨੈਕਾਰਾਂ ਸਹਿਤ ਪਾਤਰ ਬਿਨੈਕਾਰਾਂ ਦੇ ਪਹਿਲੇ ਬੈਚ ਨੂੰ ਮਨੋਨੀਤ ਮੈਡੀਕਲ ਸੰਸਥਾਵਾਂ – ਅਰਥਾਤ, ਮਾਨਸਿਕ ਸਿਹਤ ਸੰਸਥਾਨ, ਸੈਕਟਰ-32 (ਮਾਨਸਿਕ ਬਿਮਾਰੀ ਤੋਂ ਠੀਕ ਹੋਏ ਵਿਅਕਤੀਆਂ ਲਈ) ਅਤੇ ਸਰਕਾਰੀ ਬੌਧਿਕ ਦਿੱਵਯਾਂਗਤਾਵਾਂ ਲਈ ਪੁਨਰਵਾਸ ਸੰਸਥਾਨ (GRIID), ਸੈਕਟਰ-31 (ਬੌਧਿਕ ਦਿੱਵਯਾਂਗਤਾ (ਆਈਡੀ/ID) ਅਤੇ ਔਟਿਜ਼ਮ ਸਪੈਕਟ੍ਰਮ ਡਿਸਆਰਡਰ (ਏਐੱਸਡੀ/ASD) ਤੋਂ ਪੀੜਿਤ ਵਿਅਕਤੀਆਂ ਲਈ) ਵਿੱਚ ਭੇਜਿਆ ਗਿਆ ਹੈ, 45 ਦਿਨਾਂ ਦੇ ਡਾਕਟਰੀ ਮੁੱਲਾਂਕਣ ਲਈ, ਜੋ ਕਿ 07.05.2025 ਨੂੰ ਸ਼ੁਰੂ ਹੋਇਆ।
ਇਸ ਮੁੱਲਾਂਕਣ ਦਾ ਉਦੇਸ਼ ਉਨ੍ਹਾਂ ਵਿਅਕਤੀਆਂ ਦੀ ਡਾਕਟਰੀ ਅਤੇ ਮਨੋਵਿਗਿਆਨਿਕ ਅਨੁਕੂਲਤਾ ਦਾ ਮੁੱਲਾਂਕਣ ਕਰਨਾ ਹੈ ਜਿਨ੍ਹਾਂ ਨੇ ਗਰੁੱਪ ਹੋਮ ਦੇ ਤਹਿਤ ਰਿਹਾਇਸ਼ੀ ਦੇਖਭਾਲ਼ ਲਈ ਅਰਜ਼ੀ ਦਿੱਤੀ ਹੈ। ਮਨੋਵਿਗਿਆਨੀਆਂ, ਕਲੀਨਿਕਲ ਮਨੋਵਿਗਿਆਨੀਆਂ ਅਤੇ ਮੈਡੀਕਲ ਅਫ਼ਸਰਾਂ ਵਾਲੀ ਇੱਕ ਬਹੁ-ਅਨੁਸ਼ਾਸਨੀ ਟੀਮ ਨਿਵਾਸੀਆਂ ਲਈ ਢੁਕਵੀਂ ਅਤੇ ਸਹਾਇਕ ਪਲੇਸਮੈਂਟ ਸੁਨਿਸ਼ਚਿਤ ਕਰਨ ਲਈ ਇੱਕ ਵਿਆਪਕ ਮੁੱਲਾਂਕਣ ਕਰੇਗੀ।
ਇਸ ਦੇ ਅਤਿਰਿਕਤ, ਸੰਸਥਾਨਾਂ ਵਿੱਚ ਤੈਨਾਤ ਸਟਾਫ਼ ਇਹ ਦੇਖ ਸਕਦਾ ਹੈ ਕਿ ਬਿਨੈਕਾਰ ਨੂੰ ਰੋਜ਼ਾਨਾ ਜੀਵਨ ਦੀਆਂ ਗਤੀਵਿਧੀਆਂ, ਜਿਵੇਂ ਕਿ ਕੱਪੜੇ ਪਹਿਨਣ, ਖਾਣਾ ਖਾਣ ਅਤੇ ਤਿਆਰ ਹੋਣ ਆਦਿ ਵਿੱਚ ਨਿਊਨਤਮ ਜਾਂ ਕਿਸੇ ਸਹਾਇਤਾ ਦੀ ਜ਼ਰੂਰਤ ਹੈ ਜਾਂ ਨਹੀਂ।
45 ਦਿਨਾਂ ਦੇ ਡਾਕਟਰੀ ਮੁੱਲਾਂਕਣ ਨੂੰ ਸਫ਼ਲਤਾਪੂਰਵਕ ਪੂਰਾ ਕਰਨ ਦੇ ਬਾਅਦ, ਪਾਤਰ ਬਿਨੈਕਾਰਾਂ ਨੂੰ ਵਾਤਾਵਰਣ ਤੋਂ ਜਾਣੂ ਹੋਣ ਵਿੱਚ ਮਦਦ ਕਰਨ ਲਈ ਗਰੁੱਪ ਹੋਮ ਵਿਖੇ 45 ਦਿਨਾਂ ਦੇ ਡੇ-ਕੇਅਰ ਪ੍ਰੋਗਰਾਮ ਵਿੱਚ ਦਾਖਲ ਕੀਤਾ ਜਾਵੇਗਾ।
