ਚੰਡੀਗੜ੍ਹ, 21 ਮਾਰਚ, 2025: ਅੱਜ, ਸ਼੍ਰੀ ਮਨਦੀਪ ਸਿੰਘ ਬਰਾੜ, ਗ੍ਰਹਿ ਸਕੱਤਰ -ਕਮ- ਸਕੱਤਰ ਸੱਭਿਆਚਾਰ, ਯੂ.ਟੀ., ਚੰਡੀਗੜ੍ਹ ਪ੍ਰਸ਼ਾਸਨ ਨੇ ਚੰਡੀਗੜ੍ਹ ਸੰਗੀਤ ਨਾਟਕ ਅਕੈਡਮੀ (ਸੀ.ਐਸ.ਐਨ.ਏ.) ਦੇ ਕੰਮਕਾਜ ਅਤੇ ਪ੍ਰੋਗਰਾਮਾਂ ਦੀ ਸਮੀਖਿਆ ਕਰਨ ਲਈ ਇੱਕ ਮੀਟਿੰਗ ਦੀ ਪ੍ਰਧਾਨਗੀ ਕੀਤੀ। ਮੀਟਿੰਗ ਦੌਰਾਨ, ਸ਼੍ਰੀ ਸੁਦੇਸ਼ ਸ਼ਰਮਾ, ਚੇਅਰਮੈਨ, ਸੀ.ਐਸ.ਐਨ.ਏ. ਨੇ ਸੰਗਠਨ ਢਾਂਚੇ, ਪਿਛਲੇ ਪ੍ਰੋਗਰਾਮਾਂ ਅਤੇ ਸੀ.ਐਸ.ਐਨ.ਏ. ਦੁਆਰਾ ਆਯੋਜਿਤ ਗਤੀਵਿਧੀਆਂ ਬਾਰੇ ਇੱਕ ਸੰਖੇਪ ਪੇਸ਼ਕਾਰੀ ਦਿੱਤੀ।
ਸਕੱਤਰ ਸੱਭਿਆਚਾਰ ਨੇ ਸੀ.ਐਸ.ਐਨ.ਏ. ਦੇ ਸਮੁੱਚੇ ਕੰਮਕਾਜ ‘ਤੇ ਸੰਤੁਸ਼ਟੀ ਪ੍ਰਗਟ ਕੀਤੀ। ਉਨ੍ਹਾਂ ਨੇ ਸੀ.ਐਸ.ਐਨ.ਏ. ਦੀ ਕਾਰਜਕੁਸ਼ਲਤਾ ਨੂੰ ਬਿਹਤਰ ਬਣਾਉਣ ਲਈ ਦਿਸ਼ਾ-ਨਿਰਦੇਸ਼ ਅਤੇ ਸੁਝਾਅ ਦਿੱਤੇ। ਮੀਟਿੰਗ ਦੌਰਾਨ ਸ਼੍ਰੀ ਸੌਰਭ ਕੁਮਾਰ ਅਰੋੜਾ, ਡਾਇਰੈਕਟਰ ਸੱਭਿਆਚਾਰ, ਸ਼੍ਰੀ ਵਿਕਰਾਂਤ ਸੇਠ, ਵਾਈਸ-ਚੇਅਰਮੈਨ ਸੀ.ਐਸ.ਐਨ.ਏ. ਅਤੇ ਸੱਭਿਆਚਾਰ ਵਿਭਾਗ, ਯੂ.ਟੀ., ਚੰਡੀਗੜ੍ਹ ਦੇ ਹੋਰ ਅਧਿਕਾਰੀ ਮੌਜੂਦ ਸਨ।
