ਹਾਲ ਹੀ ਵਿੱਚ ਮੁੰਬਈ ਵਿੱਚ ਤਰਬੂਜ ਦੇ ਸੇਵਨ ਨਾਲ ਹੋਈ ਇੱਕ ਕਥਿਤ ਮੌਤ ਸਬੰਧੀ ਮੀਡੀਆ ਰਿਪੋਰਟਾਂ ਦੇ ਮੱਦੇਨਜ਼ਰ, ਫੂਡ ਸੇਫਟੀ ਐਡਮਿਨਿਸਟ੍ਰੇਸ਼ਨ, ਸਿਹਤ ਵਿਭਾਗ, ਯੂ.ਟੀ. ਚੰਡੀਗੜ੍ਹ ਨੇ ਤੁਰੰਤ ਨਿਵਾਰਕ ਕਾਰਵਾਈ ਕੀਤੀ ਹੈ। ਫੂਡ ਸੇਫਟੀ ਅਧਿਕਾਰੀਆਂ ਨੂੰ ਸ਼ਹਿਰ ਦੇ ਵਿਭਿੰਨ ਬਜ਼ਾਰਾਂ ਤੋਂ ਤਰਬੂਜ ਦੇ ਨਮੂਨੇ ਇਕੱਤਰ ਕਰਨ ਦੇ ਨਿਰਦੇਸ਼ ਦਿੱਤੇ ਗਏ ਸਨ। ਇਨ੍ਹਾਂ ਨਮੂਨਿਆਂ ਨੂੰ ਵਿਸਤ੍ਰਿਤ ਪਰੀਖਣ ਹਿਤ ਐੱਫਐੱਸਐੱਸਏਆਈ (FSSAI) ਅਧਿਸੂਚਿਤ ਅਤੇ ਐੱਨਏਬੀਐੱਲ (NABL) ਮਾਨਤਾ ਪ੍ਰਾਪਤ ਪ੍ਰਯੋਗਸ਼ਾਲਾਵਾਂ ਨੂੰ ਭੇਜਿਆ ਗਿਆ ਹੈ।
ਨਾਲ ਹੀ, ਮੋਬਾਈਲ ਫੂਡ ਟੈਸਟਿੰਗ ਪ੍ਰਯੋਗਸ਼ਾਲਾਵਾਂ ਨੂੰ ਸ਼ਹਿਰ ਦੇ ਵਿਭਿੰਨ ਸੈਕਟਰਾਂ ਵਿੱਚ ਤੈਨਾਤ ਕੀਤਾ ਗਿਆ ਹੈ, ਜਿੱਥੇ ਤਰਬੂਜ ਦੀ ਗੁਣਵੱਤਾ ਮੌਕੇ ‘ਤੇ ਹੀ ਜਾਂਚ ਕੀਤੀ ਜਾ ਰਹੀ ਹੈ। ਮੋਬਾਈਲ ਫੂਡ ਟੈਸਟਿੰਗ ਯੂਨਿਟਾਂ ਤੋਂ ਪ੍ਰਾਪਤ ਮੁੱਢਲੀਆਂ ਰਿਪੋਰਟਾਂ ਦੇ ਅਨੁਸਾਰ, ਹੁਣ ਤੱਕ ਟੈਸਟ ਕੀਤੇ ਗਏ ਨਮੂਨਿਆਂ ਵਿੱਚ ਨਕਲੀ ਰੰਗ ਜਾਂ ਅਤਿਰਿਕਤ ਚੀਨੀ ਦੀ ਮਿਲਾਵਟ ਨਹੀਂ ਪਾਈ ਗਈ ਹੈ। ਵਿਭਾਗ ਮਾਨਤਾ ਪ੍ਰਾਪਤ ਪ੍ਰਯੋਗਸ਼ਾਲਾਵਾਂ ਤੋਂ ਵਿਸਤ੍ਰਿਤ ਵਿਸ਼ਲੇਸ਼ਣ ਰਿਪੋਰਟਾਂ ਦੀ ਉਡੀਕ ਕਰ ਰਿਹਾ ਹੈ।
ਭੋਜਨ ਤੋਂ ਹੋਣ ਵਾਲੀਆਂ ਬਿਮਾਰੀਆਂ ਤੋਂ ਬਚਾਅ ਹਿਤ ਆਮ ਜਨਤਾ ਨੂੰ ਨਿਮਨਲਿਖਤ ਸਾਵਧਾਨੀਆਂ ਵਰਤਣ ਦੀ ਸਲਾਹ ਦਿੱਤੀ ਜਾਂਦੀ ਹੈ:
* ਸੜਕ ਕਿਨਾਰੇ ਠੇਲਿਆਂ, ਰੇਹੜੀ ਬਜ਼ਾਰਾਂ ਜਾਂ ਖੁੱਲ੍ਹੇ ਵਿੱਚ ਵਿਕ ਰਹੇ ਕਟੇ ਜਾਂ ਛਿੱਲੇ ਹੋਏ ਫਲਾਂ ਦਾ ਸੇਵਨ ਨਾ ਕਰੋ।
* ਜ਼ਿਆਦਾ ਪੱਕੇ, ਕੁਚਲੇ ਹੋਏ, ਖਰਾਬ ਜਾਂ ਅਸਾਧਾਰਣ ਗੰਧ ਜਾਂ ਦਿਖਾਵਟ ਵਾਲੇ ਫਲ ਨਾ ਖਰੀਦੋ।
* ਸਾਰੇ ਫਲਾਂ ਨੂੰ ਖਾਣ ਤੋਂ ਪਹਿਲਾਂ ਸਾਫ਼ ਪੀਣ ਯੋਗ ਪਾਣੀ ਨਾਲ ਚੰਗੀ ਤਰ੍ਹਾਂ ਧੋਵੋ, ਭਾਵੇਂ ਉਨ੍ਹਾਂ ਨੂੰ ਛਿੱਲ ਕੇ ਹੀ ਕਿਉਂ ਨਾ ਖਾਣਾ ਹੋਵੇ।
• ਕਟੇ ਹੋਏ ਫਲਾਂ ਨੂੰ ਜ਼ਿਆਦਾ ਦੇਰ ਤੱਕ ਨਾ ਰੱਖੋ, ਵਿਸ਼ੇਸ਼ ਕਰਕੇ ਗਰਮ ਮੌਸਮ ਵਿੱਚ। ਉਨ੍ਹਾਂ ਦਾ ਤੁਰੰਤ ਸੇਵਨ ਕਰੋ।
* ਕੇਵਲ ਸਾਫ਼, ਲਾਇਸੰਸਸ਼ੁਦਾ ਵਿਕ੍ਰੇਤਾਵਾਂ ਤੋਂ ਹੀ ਫਲ ਖਰੀਦੋ, ਜੋ ਉਚਿਤ ਸਵੱਛਤਾ ਅਤੇ ਸਟੋਰੇਜ ਬਣਾਈ ਰੱਖਦੇ ਹੋਣ।
ਨਾਗਰਿਕਾਂ ਨੂੰ ਬੇਨਤੀ ਕੀਤੀ ਜਾਂਦੀ ਹੈ ਕਿ ਉਹ ਸਤਰਕ ਰਹਿਣ ਅਤੇ ਕਿਸੇ ਵੀ ਅਸਵੱਛ ਗਤੀਵਿਧੀ ਜਾਂ ਖੁਰਾਕੀ ਮਿਲਾਵਟ ਦਾ ਖ਼ਦਸ਼ਾ ਹੋਣ ‘ਤੇ “ਫੂਡ ਸੇਫਟੀ ਕਨੈਕਟ” (“Food Safety Connect”) ਮੋਬਾਈਲ ਐਪ
(ਗੂਗਲ ਪਲੇ ਸਟੋਰ ਅਤੇ ਐਪਲ ਐਪ ਸਟੋਰ ‘ਤੇ ਉਪਲਬਧ) ਜਾਂ ਐੱਫਐੱਸਐੱਸਏਆਈ (FSSAI) ਵੈੱਬ ਪੋਰਟਲ ਦੇ ਜ਼ਰੀਏ ਸੂਚਿਤ ਕਰਨ।
