ਚੰਡੀਗੜ੍ਹ ਪ੍ਰਸ਼ਾਸਨ
*ਪ੍ਰੈੱਸ ਨੋਟ*
ਚੰਡੀਗੜ੍ਹ, 31 ਅਕਤੂਬਰ, 2025:
ਆਇਓਡੀਨ ਘਾਟ ਵਿਕਾਰ (ਆਈਡੀਡੀਜ਼/IDDs) ਦੀ ਰੋਕਥਾਮ ਦੇ ਆਲਮੀ ਦਿਵਸ ਦੇ ਸਬੰਧ ਵਿੱਚ ਮਨਾਏ ਗਏ ਮਹੀਨੇ ਭਰ ਚਲਣ ਵਾਲੇ ਪ੍ਰੋਗਰਾਮ ਦਾ ਅੱਜ ਸਮਾਪਨ ਇਸ ਸੰਦੇਸ਼ ਦੇ ਨਾਲ ਹੋਇਆ ਕਿ “ਆਤਮਮੰਥਨ ਕਰੋ, ਜਾਗਰੂਕਤਾ ਫੈਲਾਓ ਅਤੇ ਆਇਓਡੀਨ ਦੀ ਕਮੀ ਦੇ ਵਿਕਾਰਾਂ ਦੇ ਖ਼ਾਤਮੇ ਹਿਤ ਵਿਅਕਤੀਗਤ ਜ਼ਿੰਮੇਵਾਰੀ ਨਿਭਾਈਏ।”
ਇਸ ਸਮਾਗਮ ਵਿੱਚ ਡਾ. ਸੁਮਨ ਸਿੰਘ, ਡਾਇਰੈਕਟਰ ਸਿਹਤ ਸੇਵਾਵਾਂ-ਕਮ-ਐੱਮਡੀ ਰਾਸ਼ਟਰੀ ਸਿਹਤ ਮਿਸ਼ਨ, ਯੂਟੀ ਚੰਡੀਗੜ੍ਹ, ਮੁੱਖ ਮਹਿਮਾਨ ਸਨ। ਡਾ. ਰੰਜਨਾ ਮਹਿਤਾ, ਪ੍ਰੋਗਰਾਮ ਅਫ਼ਸਰ (ਐੱਏਆਈਡੀਡੀਸੀਪੀ/NIDDCP) ਨੇ ਆਈਡੀਡੀ (IDD) ਸੈੱਲ, ਯੂਟੀ ਚੰਡੀਗੜ੍ਹ ਦੁਆਰਾ ਕੀਤੀਆਂ ਗਈਆਂ ਵੱਖ-ਵੱਖ ਗਤੀਵਿਧੀਆਂ ‘ਤੇ ਪ੍ਰਕਾਸ਼ ਪਾਇਆ ਅਤੇ ਪ੍ਰੋਗਰਾਮ ਦੀਆਂ ਪ੍ਰਮੁੱਖ ਪ੍ਰਾਪਤੀਆਂ ਦੀ ਜਾਣਕਾਰੀ ਦਿੱਤੀ।
ਪ੍ਰੋਗਰਾਮ ਅਫ਼ਸਰਾਂ, ਮੈਡੀਕਲ ਅਫ਼ਸਰਾਂ, ਸਿਹਤ ਅਧਿਆਪਕਾਂ, ਪੀਅਰ ਐਜੂਕੇਟਰਾਂ ਅਤੇ ਸਰਕਾਰੀ ਸਕੂਲਾਂ ਦੇ ਵਿਦਿਆਰਥੀਆਂ ਨੂੰ ਸੰਬੋਧਨ ਕਰਦੇ ਹੋਏ, ਡਾ. ਸੁਮਨ ਸਿੰਘ ਨੇ ਆਈਡੀਡੀਜ਼ (IDDs) ਨੂੰ ਰੋਕਣ ਲਈ ਲੋੜੀਂਦੀ ਮਾਤਰਾ ਵਿੱਚ ਆਇਓਡੀਨ ਵਾਲੇ ਨਮਕ ਦੇ ਉਪਯੋਗ ਦੇ ਮਹੱਤਵ ਅਤੇ ਭਾਈਚਾਰਕ ਜਾਗਰੂਕਤਾ ਦੀ ਜ਼ਰੂਰਤ ‘ਤੇ ਬਲ ਦਿੱਤਾ।
ਪੂਰੇ ਮਹੀਨੇ ਦੌਰਾਨ, ਕਈ ਗਤੀਵਿਧੀਆਂ ਦਾ ਆਯੋਜਨ ਕੀਤਾ ਗਿਆ, ਜਿਸ ਵਿੱਚ ਜੀਐੱਮਐੱਸਐੱਚ-16 ਦੇ ਗਾਇਨੀਕੋਲੋਜੀ ਅਤੇ ਪੀਡੀਆਟ੍ਰਿਕਸ ਓਪੀਡੀ ਵਿੱਚ ਸਿਹਤ ਭਾਸ਼ਣ, ਗਰਭਵਤੀ ਮਹਿਲਾਵਾਂ ਵਿੱਚ ਪਿਸ਼ਾਬ ਆਇਓਡੀਨ ਟੈਸਟਿੰਗ, ਅਤੇ ਆਯੁਸ਼ਮਾਨ ਆਰੋਗਯ ਮੰਦਿਰਾਂ ਵਿੱਚ ਨਮਕ ਟੈਸਟਿੰਗ ਪ੍ਰਦਰਸ਼ਨ ਸ਼ਾਮਲ ਸਨ। ਚੰਡੀਗੜ੍ਹ ਦੇ ਵਿਭਿੰਨ ਸਰਕਾਰੀ ਸਕੂਲਾਂ ਵਿੱਚ ਜਾਗਰੂਕਤਾ ਭਾਸ਼ਣ ਅਤੇ ਮੁਕਾਬਲੇ ਵੀ ਆਯੋਜਿਤ ਕੀਤੇ ਗਏ, ਨਾਲ ਹੀ ਸਟੇਟ ਆਈਡੀਡੀ (IDD) ਪ੍ਰਯੋਗਸ਼ਾਲਾ ਵਿੱਚ ਨਮਕ ਅਤੇ ਪਿਸ਼ਾਬ ਦੇ ਨਮੂਨਿਆਂ ਦੀ ਜਾਂਚ ਵੀ ਕੀਤੀ ਗਈ।
ਇਸ ਪ੍ਰੋਗਰਾਮ ਵਿੱਚ ਜੀਐੱਮਐੱਸ ਐੱਸਐੱਸ (GMSSS)-33 ਦੇ ਵਿਦਿਆਰਥੀਆਂ ਦੁਆਰਾ ਇੱਕ ਰੂਹਾਨੀ ਸਰਸਵਤੀ ਵੰਦਨਾ ਅਤੇ ਜੀਐੱਮਐੱਸਐੱਸਐੱਸ (GMSSS)–23 ਦੇ ਵਿਦਿਆਰਥੀਆਂ ਦੁਆਰਾ ਇੱਕ ਜਾਗਰੂਕਤਾ ਸਕਿੱਟ ਪੇਸ਼ ਕੀਤੀ ਗਈ, ਜਿਸ ਵਿੱਚ ਆਇਓਡੀਨ ਦੀ ਕਮੀ ਦੇ ਪ੍ਰਭਾਵ ਨੂੰ ਉਜਾਗਰ ਕੀਤਾ ਗਿਆ। ਜੇਤੂਆਂ ਅਤੇ ਪ੍ਰਤੀਭਾਗੀਆਂ ਨੂੰ ਇਨਾਮ ਅਤੇ ਸਰਟੀਫਿਕੇਟ ਦਿੱਤੇ ਗਏ।
ਸਿਹਤ ਵਿਭਾਗ, ਯੂਟੀ ਚੰਡੀਗੜ੍ਹ ਨੇ ਆਇਓਡੀਨ ਵਾਲੇ ਨਮਕ ਦਾ ਸਹੀ ਉਪਯੋਗ ਸੁਨਿਸ਼ਚਿਤ ਕਰਨ ਅਤੇ ਆਇਓਡੀਨ ਦੀ ਕਮੀ ਵਾਲੇ ਵਿਕਾਰਾਂ ਦੇ ਖ਼ਾਤਮੇ ਲਈ ਜਨਤਕ ਸਿੱਖਿਆ ਦੇ ਯਤਨਾਂ ਨੂੰ ਨਿਰੰਤਰ ਜਾਰੀ ਰੱਖਣ ਦੇ ਆਪਣੇ ਸੰਕਲਪ ਨੂੰ ਦੁਹਰਾਇਆ।
