ਚੰਡੀਗੜ੍ਹ, 3 ਅਗਸਤ:
ਖੇਡ ਵਿਭਾਗ, ਯੂ.ਟੀ. ਚੰਡੀਗੜ੍ਹ ਲੜਕਿਆਂ ਅਤੇ ਲੜਕੀਆਂ ਦੇ ਵਰਗ ਦੇ ਅੰਡਰ-11, ਅੰਡਰ-14, ਅੰਡਰ-17, ਅੰਡਰ-19 ਵਰਗਾਂ ਅਤੇ ਵਿਸ਼ੇਸ਼ ਬੱਚਿਆਂ ਦੇ ਵਰਗਾਂ ਦੇ ਤੈਰਾਕੀ ਟੂਰਨਾਮੈਂਟ ਦਾ ਆਯੋਜਨ 25 ਤੋਂ 27 ਅਗਸਤ, 2026 ਤੱਕ ਆਲ ਵੈਦਰ ਸਵਿਮਿੰਗ ਪੂਲ ਸੈਕਟਰ 23, ਚੰਡੀਗੜ੍ਹ ਵਿਖੇ ਕਰੇਗਾ।
ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਲਈ ਐਂਟਰੀਆਂ ਜਮ੍ਹਾਂ ਕਰਵਾਉਣ ਦੀ ਅੰਤਿਮ ਮਿਤੀ 22 ਅਗਸਤ, 2026 ਹੈ। ਐਂਟਰੀ ਫਾਰਮ ਵਿਭਾਗ ਦੀ ਵੈੱਬਸਾਇਟ http://sportsdeptt.chd.gov.in ਅਤੇ ਸੈਕਟਰ 8, ਆਲ ਵੈਦਰ ਸਵਿਮਿੰਗ ਪੂਲ ਸੈਕਟਰ 23, ਨਰਸਰੀ ਪੂਲ ਸੈਕਟਰ 23, ਸੈਕਟਰ 27, ਸੈਕਟਰ 34, ਸੈਕਟਰ 38 (ਵੈਸਟ), ਸੈਕਟਰ 39, ਸੈਕਟਰ 43, ਸੈਕਟਰ 50, ਸੈਕਟਰ 56, ਮਨੀਮਾਜਰਾ ਸਪੋਰਟਸ ਕੰਪਲੈਕਸ ਅਤੇ ਲੇਕ ਕਲੱਬ ਸਪੋਰਟਸ ਕੰਪਲੈਕਸ ਵਿਖੇ ਸਥਿਤ ਸਵਿਮਿੰਗ ਕੋਚਿੰਗ ਸੈਂਟਰਾਂ ਤੋਂ ਪ੍ਰਾਪਤ ਕੀਤੇ ਜਾ ਸਕਦੇ ਹਨ। ਇੱਛੁਕ ਪ੍ਰਤੀਭਾਗੀਆਂ ਦੇ ਦਸਤਾਵੇਜ਼ਾਂ ਦੀ ਤਸਦੀਕ ਤੋਂ ਬਾਅਦ ਕੇਵਲ ਸਰੀਰਕ ਤੌਰ ‘ਤੇ ਇਨ੍ਹਾਂ ਕੋਚਿੰਗ ਸੈਂਟਰਾਂ ‘ਤੇ ਹੀ ਐਂਟਰੀਆਂ ਸਵੀਕਾਰ ਕੀਤੀਆਂ ਜਾਣਗੀਆਂ।
ਟੂਰਨਾਮੈਂਟ ਵਿੱਚ ਹਿੱਸਾ ਲੈਣ ਲਈ ਕੋਈ ਐਂਟਰੀ ਫੀਸ ਨਹੀਂ ਲਈ ਜਾਵੇਗੀ। ਸਾਰੇ ਪ੍ਰਤੀਭਾਗੀਆਂ ਨੂੰ ਟੂਰਨਾਮੈਂਟ ਦੇ ਦੌਰਾਨ ਰਿਫਰੈਸ਼ਮੈਂਟ ਵੀ ਉਪਲਬਧ ਕਰਵਾਈ ਜਾਵੇਗੀ।
ਪ੍ਰਤੀਭਾਗੀ ਚੰਡੀਗੜ੍ਹ ਦੇ ਨਿਵਾਸੀ ਹੋਣ ਜਾਂ ਚੰਡੀਗੜ੍ਹ ਸਥਿਤ ਕਿਸੇ ਸਕੂਲ/ਕਾਲਜ ਦੇ ਵਿਦਿਆਰਥੀ ਹੋਣ। ਪਾਤਰਤਾ ਦੇ ਪ੍ਰਮਾਣ ਦੇ ਰੂਪ ਵਿੱਚ ਆਧਾਰ ਕਾਰਡ ਅਤੇ ਸਕੂਲ/ਕਾਲਜ ਪਹਿਚਾਣ ਪੱਤਰ ਜਾਂ ਸਬੰਧਿਤ ਸੰਸਥਾ ਦਾ ਬੋਨਾਫਾਇਡ ਸਰਟੀਫਿਕੇਟ ਪ੍ਰਸਤੁਤ ਕਰਨਾ ਜ਼ਰੂਰੀ ਹੋਵੇਗਾ।
ਉਮਰ ਪਾਤਰਤਾ ਇਸ ਪ੍ਰਕਾਰ ਹੈ:
* ਅੰਡਰ-11: 01.01.2016 ਜਾਂ ਉਸ ਤੋਂ ਬਾਅਦ ਜਨਮ
* ਅੰਡਰ-14: 01.01.2013 ਜਾਂ ਉਸ ਤੋਂ ਬਾਅਦ ਜਨਮ
* ਅੰਡਰ-17: 01.01.2010 ਜਾਂ ਉਸ ਤੋਂ ਬਾਅਦ ਜਨਮ
* ਅੰਡਰ-19: 01.01.2008 ਜਾਂ ਉਸ ਤੋਂ ਬਾਅਦ ਜਨਮ
