ਗਵਰਨਮੈਂਟ ਪੌਲੀਟੈਕਨਿਕ ਫੌਰ ਵੂਮੈਨ, ਸੈਕਟਰ 10-ਡੀ, ਚੰਡੀਗੜ੍ਹ ਨੇ ਇੱਕ ਮਹੱਤਵਪੂਰਨ ਉਪਲਬਧੀ ਹਾਸਲ ਕਰਦੇ ਹੋਏ ਅਕਾਦਮਿਕ ਸਾਲ 2025-26 ਦੇ ਸੰਸਥਾਗਤ ਮੁੱਲਾਂਕਣ ਵਿੱਚ ਆਪਣੇ ਡਿਪਲੋਮਾ ਇਨ ਫਾਰਮੇਸੀ ਪ੍ਰੋਗਰਾਮ ਲਈ ਕੁਆਲਿਟੀ ਕੌਂਸਲ ਆਵ੍ ਇੰਡੀਆ (ਕਿਊਆਈਸੀ) ਦੇ ਨੈਸ਼ਨਲ ਐਕਰੀਡੀਟੇਸ਼ਨ ਬੋਰਡ ਫੌਰ ਐਜੂਕੇਸ਼ਨ ਐਂਡ ਟ੍ਰੇਨਿੰਗ (ਐੱਨਏਬੀਈਟੀ) ਤੋਂ ਸਰਬਉੱਚ ਗ੍ਰੇਡ ‘ਏ’ ਮਾਨਤਾ ਪ੍ਰਾਪਤ ਕੀਤੀ ਹੈ।
ਇਹ ਮਾਨਤਾ ਡੈਸਕਟੌਪ ਮੁੱਲਾਂਕਣ, ਔਨ-ਸਾਇਟ ਮੁੱਲਾਂਕਣ ਅਤੇ ਸੰਪੂਰਨ ਸੰਸਥਾਗਤ ਪ੍ਰਦਰਸ਼ਨ ‘ਤੇ ਅਧਾਰਿਤ ਤਿੰਨ-ਪੜਾਵਾਂ ਵਾਲੀ ਵਿਸਤ੍ਰਿਤ ਮੁੱਲਾਂਕਣ ਪ੍ਰਕਿਰਿਆ ਤੋਂ ਬਾਅਦ ਪ੍ਰਦਾਨ ਕੀਤੀ ਗਈ। ਇਹ ਪ੍ਰਕਿਰਿਆ ਸਕੱਤਰ, ਤਕਨੀਕੀ ਸਿੱਖਿਆ ਅਤੇ ਤਕਨੀਕੀ ਸਿੱਖਿਆ ਡਾਇਰੈਕਟੋਰੇਟ, ਚੰਡੀਗੜ੍ਹ ਪ੍ਰਸ਼ਾਸਨ ਦੇ ਮਾਰਗਦਰਸ਼ਨ ਵਿੱਚ ਸੰਪੰਨ ਹੋਈ।
ਇਸ ਉਪਲਬਧੀ ਦੇ ਨਾਲ ਸੰਸਥਾ ਨੇ ਰਾਸ਼ਟਰੀ ਪੱਧਰ ‘ਤੇ 6ਵਾਂ ਸਥਾਨ ਪ੍ਰਾਪਤ ਕੀਤਾ ਹੈ ਅਤੇ ਪੰਜਾਬ, ਹਰਿਆਣਾ, ਹਿਮਾਚਲ ਪ੍ਰਦੇਸ਼ ਅਤੇ ਰਾਜਸਥਾਨ ਸਹਿਤ ਉੱਤਰ ਭਾਰਤ ਵਿੱਚ ਪ੍ਰਥਮ ਸਥਾਨ ਹਾਸਲ ਕੀਤਾ ਹੈ।
ਸੰਸਥਾ ਦੇ ਪ੍ਰਿੰਸੀਪਲ ਸ਼੍ਰੀਮਤੀ ਵਿਨ ਦੋਸਾਝ ਦੀ ਅਗਵਾਈ ਵਿੱਚ ਇੱਥੇ ਛੇ ਡਿਪਲੋਮਾ ਪ੍ਰੋਗਰਾਮ ਸੰਚਾਲਿਤ ਕੀਤੇ ਜਾ ਰਹੇ ਹਨ, ਜਿਨ੍ਹਾਂ ਦਾ ਪ੍ਰਮੁੱਖ ਉਦੇਸ਼ ਕੌਸ਼ਲ ਵਿਕਾਸ ਅਤੇ ਮਹਿਲਾ ਸਸ਼ਕਤੀਕਰਣ ਹੈ। “ਮਹਿਲਾਵਾਂ ਵਿੱਚ ਉਤਕ੍ਰਿਸ਼ਟਤਾ ਦਾ ਸੱਭਿਆਚਾਰ ਵਿਕਸਿਤ ਕਰਨ ਹਿਤ ਦਕਸ਼ ਕੌਸ਼ਲ ਦਾ ਸਮਾਵੇਸ਼” ਦੇ ਆਪਣੇ ਵਿਜ਼ਨ ਦੇ ਅਨੁਰੂਪ ਸੰਸਥਾ ਗੁਣਵੱਤਾਪੂਰਨ ਤਕਨੀਕੀ ਸਿੱਖਿਆ ਦੇ ਮਾਧਿਅਮ ਨਾਲ ਉਦਯੋਗਾਂ ਦੀਆਂ ਜ਼ਰੂਰਤਾਂ ਦੇ ਅਨੁਰੂਪ ਦਕਸ਼ ਪੇਸ਼ੇਵਰ ਤਿਆਰ ਕਰ ਰਹੀ ਹੈ।
ਕਿਊਸੀਵਾਈ ਦੁਆਰਾ ਸੰਸਥਾਵਾਂ ਦਾ ਮੁੱਲਾਂਕਣ ਅਕਾਦਮਿਕ ਉਤਕ੍ਰਿਸ਼ਟਤਾ, ਪਰਿਣਾਮ-ਅਧਾਰਿਤ ਸਿੱਖਿਆ, ਸੁਸ਼ਾਸਨ, ਇਨੋਵੇਸ਼ਨਸ ਅਤੇ ਨਿਰੰਤਰ ਗੁਣਵੱਤਾ ਸੁਧਾਰ ਜਿਹੇ ਕਠੋਰ ਮਿਆਰਾਂ ਦੇ ਅਧਾਰ ‘ਤੇ ਕੀਤਾ ਜਾਂਦਾ ਹੈ। ਗ੍ਰੇਡ ‘ਏ’ ਮਾਨਤਾ ਸੰਸਥਾ ਦੀ ਉੱਚ ਗੁਣਵੱਤਾ ਵਾਲੀ ਤਕਨੀਕੀ ਸਿੱਖਿਆ ਪ੍ਰਦਾਨ ਕਰਨ ਦੀ ਪ੍ਰਤੀਬੱਧਤਾ ਨੂੰ ਦਰਸਾਉਂਦੀ ਹੈ।
ਇਹ ਉਪਲਬਧੀ ਸੰਸਥਾ ਦੇ ਪ੍ਰਿੰਸੀਪਲ, ਫੈਕਲਟੀ, ਸਟਾਫ਼, ਵਿਦਿਆਰਥੀਆਂ ਅਤੇ ਸਾਰੇ ਹਿਤਧਾਰਕਾਂ ਦੇ ਸਮੂਹਿਕ ਪ੍ਰਯਾਸ, ਸਮਰਪਣ ਅਤੇ ਉਤਕ੍ਰਿਸ਼ਟਤਾ ਦੇ ਪ੍ਰਤੀ ਉਨ੍ਹਾਂ ਦੀ ਪ੍ਰਤੀਬੱਧਤਾ ਦਾ ਪਰਿਣਾਮ ਹੈ।
