ਚੰਡੀਗੜ੍ਹ,21.07.20: ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ, ਸੈਕਟਰ 38 (ਪੱਛਮ), ਡੀਐੱਮਸੀ, ਚੰਡੀਗੜ੍ਹ ਨੂੰ ਵੱਕਾਰੀ ਫੁਲਬ੍ਰਾਈਟ ਪ੍ਰੋਗਰਾਮ-ਟੀਚਰਸ ਫੌਰ ਗਲੋਬਲ ਕਲਾਸਰੂਮਸ ਦੇ ਤਹਿਤ ਸੰਯੁਕਤ ਰਾਜ ਦੇ ਅਧਿਆਪਕਾਂ ਦੇ ਵਫ਼ਦ ਦੀ ਮੇਜ਼ਬਾਨੀ ਲਈ ਕਠੋਰ ਰਾਸ਼ਟਰੀ ਚੋਣ ਪ੍ਰਕਿਰਿਆ ਦੇ ਬਾਅਦ ਚੁਣਿਆ ਗਿਆ ਹੈ। ਦੇਸ਼ ਭਰ ਦੀਆਂ ਕੇਵਲ ਸੱਤ ਸੰਸਥਾਵਾਂ ਨੂੰ ਇਸ ਪ੍ਰੋਗਰਾਮ ਲਈ ਸ਼ਾਰਟਲਿਸਟ ਕੀਤਾ ਗਿਆ ਹੈ। ਇਨ੍ਹਾਂ ਵਿੱਚ ਡੀਪੀਐੱਸ ਬੈਂਗਲੁਰੂ, ਕੋਟਕ ਮਹਿੰਦਰਾ ਐਜੂਕੇਸ਼ਨ ਫਾਊਂਡੇਸ਼ਨ (ਮੁੰਬਈ), ਦ ਸਿੰਧੀਆ ਸਕੂਲ (ਗਵਾਲੀਅਰ), ਸੇਂਟ ਜੋਸੇਫ ਹਾਇਰ ਸੈਕੰਡਰੀ ਸਕੂਲ (ਤਿਰੂਵਨੰਤਪੁਰਮ), ਐੱਸ ਸੀਈਆਰਟੀ ਤੇਲੰਗਾਨਾ, ਸਰਕਾਰੀ ਹਾਈ ਸਕੂਲ (ਕੋਲਕਾਤਾ) ਅਤੇ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ, ਸੈਕਟਰ 38 (ਵੈਸਟ), ਡੀਐੱਮਸੀ, ਚੰਡੀਗੜ੍ਹ ਸ਼ਾਮਲ ਹਨ।ਸਕੂਲ ਦੇ ਪ੍ਰਿੰਸੀਪਲ ਸ਼੍ਰੀਮਤੀ ਨੀਰਜਾ ਜੈਨ ਦੀ ਅਗਵਾਈ ਵਿੱਚ ਸਕੂਲ ਨੂੰ ਇਸ ਵੱਕਾਰੀ ਅੰਤਰਰਾਸ਼ਟਰੀ ਅਕਾਦਮਿਕ ਐਕਸਚੇਂਜ ਪ੍ਰੋਗਰਾਮ ਵਿੱਚ ਚੰਡੀਗੜ੍ਹ ਦੀ ਪ੍ਰਤੀਨਿਧਤਾ ਕਰਨ ਦਾ ਗੌਰਵ ਪ੍ਰਾਪਤ ਹੋਇਆ ਹੈ।
ਸੰਯੁਕਤ ਰਾਜ ਅਮਰੀਕਾ ਦੇ ਤਿੰਨ ਅਧਿਆਪਕਾਂ ਦਾ ਵਫ਼ਦ 17 ਜੁਲਾਈ 2026 ਨੂੰ ਸਕੂਲ ਪਹੁੰਚਿਆ ਅਤੇ 23 ਜੁਲਾਈ 2026 ਤੱਕ ਸਕੂਲ ਵਿੱਚ ਰਹੇਗਾ। ਹਫ਼ਤਾ ਭਰ ਚਲਣ ਵਾਲੇ ਇਸ ਪ੍ਰੋਗਰਾਮ ਦਾ ਉਦੇਸ਼ ਭਾਰਤੀ ਅਤੇ ਅਮਰੀਕੀ ਅਧਿਆਪਕਾਂ ਦੇ ਦਰਮਿਆਨ ਅਭਿਨਵ ਅਧਿਆਪਨ ਪੱਧਤੀਆਂ, ਕਲਾਸਰੂਮ ਰਣਨੀਤੀਆਂ ਅਤੇ ਗਲੋਬਲ ਅਕਾਦਮਿਕ ਦ੍ਰਿਸ਼ਟੀਕੋਣਾਂ ਦਾ ਅਦਾਨ-ਪ੍ਰਦਾਨ ਕਰਕੇ ਅਕਾਦਮਿਕ ਸਹਿਯੋਗ ਨੂੰ ਹੁਲਾਰਾ ਦੇਣਾ ਹੈ।
ਆਪਣੇ ਪ੍ਰਵਾਸ ਦੇ ਦੌਰਾਨ ਵਫ਼ਦ ਸਕੂਲ ਵਿੱਚ ਸੰਚਾਲਿਤ ਕੌਸ਼ਲ ਅਧਾਰਿਤ ਸਿੱਖਿਆ ਗਤੀਵਿਧੀਆਂ ਜਿਵੇਂ ਵਿੱਚ ਬਿਊਟੀ ਐਂਡ ਵੈੱਲਨੈੱਸ, ਕਲਾ, ਕਲਮਕਾਰੀ, ਪਿਛਵਾਈ, ਮੰਡਲਾ ਆਰਟ, ਮੂਰਤੀਕਲਾ ਅਤੇ ਬਲਾਕ ਪ੍ਰਿੰਟਿੰਗ ਦਾ ਅਵਲੋਕਨ ਕਰ ਰਿਹਾ ਹੈ। ਅਮਰੀਕੀ ਅਧਿਆਪਕ ਚੰਡੀਗੜ੍ਹ ਦੇ ਸਰਕਾਰੀ ਸਕੂਲਾਂ ਦੇ 40 ਅਧਿਆਪਕਾਂ ਲਈ ਸਮਰੱਥਾ-ਨਿਰਮਾਣ ਵਰਕਸ਼ਾਪ ਵੀ ਆਯੋਜਿਤ ਕਰ ਰਹੇ ਹਨ।
ਅੱਜ ਵਫ਼ਦ ਨੇ ਸ਼੍ਰੀ ਨਿਤੀਸ਼ ਸਿੰਗਲਾ, ਡਾਇਰੈਕਟਰ ਸਕੂਲ ਸਿੱਖਿਆ, ਚੰਡੀਗੜ੍ਹ ਪ੍ਰਸ਼ਾਸਨ ਨਾਲ ਮੁਲਾਕਾਤ ਕਰਕੇ ਵਿਚਾਰ-ਵਟਾਂਦਰਾ ਕੀਤਾ। ਇਸ ਤੋਂ ਬਾਅਦ ਉਨ੍ਹਾਂ ਨੂੰ ਵਿਦਿਆ ਸਮੀਕਸ਼ਾ ਕੇਂਦਰ (ਵੀਐੱਸਕੇ) ਵਿਖੇ
ਭਾਰਤੀ ਸਿੱਖਿਆ ਪ੍ਰਣਾਲੀ ਅਤੇ ਚੰਡੀਗੜ੍ਹ ਦੇ ਸਰਕਾਰੀ ਸਕੂਲਾਂ ਦੀਆਂ ਬਿਹਤਰੀਨ ਕਾਰਜਪ੍ਰਣਾਲੀਆਂ ਬਾਰੇ ਪੇਸ਼ਕਾਰੀਆਂ ਦਿੱਤੀਆਂ ਗਈਆਂ। ਵਫ਼ਦ ਨੇ ਵਿਸ਼ੇਸ਼ ਤੌਰ ‘ਤੇ ਚੰਡੀਗੜ੍ਹ ਦੇ ਸਰਕਾਰੀ ਸਕੂਲਾਂ ਵਿੱਚ ਸੰਚਾਲਿਤ ਕੌਸ਼ਲ – ਅਧਾਰਿਤ ਪਾਠਕ੍ਰਮਾਂ ਅਤੇ ਸਰਕਾਰੀ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਸੈਕਟਰ 38 (ਵੈਸਟ), ਡੀਐੱਮਸੀ ਦੀਆਂ ਅਭਿਨਵ ਪਹਿਲਾਂ ਦੀ ਸ਼ਲਾਘਾ ਕੀਤੀ।
ਇਹ ਯਾਤਰਾ ਭਾਰਤ ਅਤੇ ਸੰਯੁਕਤ ਰਾਜ ਅਮਰੀਕਾ ਦੇ ਅਧਿਆਪਕਾਂ ਦੇ ਦਰਮਿਆਨ ਬਿਹਤਰੀਨ ਅਕਾਦਮਿਕ
ਕਾਰਜਪ੍ਰਣਾਲੀਆਂ ਦੇ ਅਦਾਨ-ਪ੍ਰਦਾਨ,ਪੇਸ਼ੇਵਰ ਸਹਿਯੋਗ ਨੂੰ ਮਜ਼ਬੂਤ ਕਰਨ ਅਤੇ ਸੱਭਿਆਚਾਰਕ ਅਤੇ ਅਕਾਦਮਿਕ ਸਮਝ ਨੂੰ ਹੋਰ ਅਧਿਕ ਮਜ਼ਬੂਤ ਬਣਾਉਣ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਪਹਿਲ ਹੈ।
