ਸਮਾਜ ਭਲਾਈ, ਮਹਿਲਾ ਅਤੇ ਬਾਲ ਵਿਕਾਸ ਵਿਭਾਗ, ਚੰਡੀਗੜ੍ਹ ਪ੍ਰਸ਼ਾਸਨ ਦੁਆਰਾ ਪੋਸ਼ਣ ਜਾਗਰੂਕਤਾ, ਸਮੁਦਾਇਕ ਭਾਗੀਦਾਰੀ ਅਤੇ ਅੰਤਰ-ਵਿਭਾਗੀ ਤਾਲਮੇਲ ‘ਤੇ ਧਿਆਨ ਦਿੰਦੇ ਹੋਏ 9 ਸਤੰਬਰ ਤੋਂ 8 ਅਕਤੂਬਰ, 2026 ਤੱਕ 9ਵਾਂ ਰਾਸ਼ਟਰੀਯ ਪੋਸ਼ਣ ਮਾਹ ਮਨਾਇਆ ਜਾਵੇਗਾ। ਇਹ ਮੁਹਿੰਮ ਚੰਡੀਗੜ੍ਹ ਦੇ ਸਾਰੇ 450 ਆਂਗਣਵਾੜੀ ਕੇਂਦਰਾਂ ਨੂੰ ਕਵਰ ਕਰੇਗੀ, ਜਿਸ ਵਿੱਚ ਪੋਸ਼ਣ ਮੇਲੇ, ਪੋਸ਼ਣ ਸਲਾਹ-ਮਸ਼ਵਰੇ, ਪੌਸ਼ਟਿਕ ਵਿਅੰਜਨ ਪ੍ਰਦਰਸ਼ਨ, ਵਿਕਾਸ ਨਿਗਰਾਨੀ (ਗ੍ਰੋਥ ਮਾਨੀਟਰਿੰਗ), ਸ਼ੁਰੂਆਤੀ ਬਾਲ ਅਵਸਥਾ ਦੇਖਭਾਲ਼ ਅਤੇ ਸਿੱਖਿਆ (ਈਸੀਸੀਈ) ਗਤੀਵਿਧੀਆਂ ਅਤੇ ਪੀਐੱਮਐੱਮਵੀਵਾਈ ਸੰਤ੍ਰਿਪਤਾ ਡ੍ਰਾਇਵਸ ਨੂੰ ਸ਼ਾਮਲ ਹੋਣਗੇ।
ਇਸ ਵਰ੍ਹੇ ਦੇ ਪੋਸ਼ਣ ਮਾਹ ਦਾ ਮੁੱਖ ਥੀਮ, “ਹਮਾਰੀ ਆਂਗਣਵਾੜੀ ਹਮਾਰੀ ਜ਼ਿੰਮੇਦਾਰੀ,” ਆਹਾਰ ਵਿਵਿਧਤਾ, ਤਾਜ਼ਾ ਗਰਮ-ਪਕਾਇਆ ਹੋਇਆ ਭੋਜਨ, ਸਮੁਦਾਇਕ ਮਾਲਕੀ, ਸ਼ੁਰੂਆਤੀ ਬਾਲ ਵਿਕਾਸ ਅਤੇ ਮਾਤਾਵਾਂ ਦੀ ਸਿਹਤ ਲਈ ਪੀਐੱਮਐੱਮਵੀਵਾਈ ਨਕਦ ਟ੍ਰਾਂਸਫਰ ‘ਤੇ ਕੇਂਦ੍ਰਿਤ ਹੋਵੇਗਾ।
ਮਹੀਨੇ ਭਰ ਚਲਣ ਵਾਲੀ ਇਸ ਮੁਹਿੰਮ ਦੀ ਕਾਰਜ ਯੋਜਨਾ ਨੂੰ ਅੰਤਿਮ ਰੂਪ ਦੇਣ ਲਈ ਸਮਾਜ ਭਲਾਈ, ਮਹਿਲਾ ਅਤੇ ਬਾਲ ਵਿਕਾਸ ਸਕੱਤਰ ਸ਼੍ਰੀ ਹਰਪ੍ਰੀਤ ਸਿੰਘ ਸੂਦਨ ਦੀ ਪ੍ਰਧਾਨਗੀ ਵਿੱਚ ਸਬੰਧਿਤ ਵਿਭਾਗਾਂ ਅਤੇ ਹਿਤਧਾਰਕਾਂ ਨਾਲ ਇੱਕ ਤਿਆਰੀ ਮੀਟਿੰਗ ਆਯੋਜਿਤ ਕੀਤੀ ਗਈ।
ਡਾਇਰੈਕਟਰ, ਸਮਾਜ ਭਲਾਈ, ਮਹਿਲਾ ਅਤੇ ਬਾਲ ਵਿਕਾਸ, ਸ਼੍ਰੀ ਨਵੀਨ ਨੇ ਪ੍ਰਤੀਭਾਗੀ ਵਿਭਾਗਾਂ ਨੂੰ ਪੋਸ਼ਣ ਮਾਹ ਦੇ ਉਦੇਸ਼ਾਂ ਅਤੇ ਪ੍ਰਸਤਾਵਿਤ ਗਤੀਵਿਧੀਆਂ ਬਾਰੇ ਜਾਣੂ ਕਰਵਾਇਆ।
ਇਹ ਮੁਹਿੰਮ ਇੱਕ ਬਹੁ-ਖੇਤਰੀ ਤਾਲਮੇਲ ਦ੍ਰਿਸ਼ਟੀਕੋਣ ਅਪਣਾਏਗੀ
ਜਿਸ ਵਿੱਚ ਸਿਹਤ, ਸਿੱਖਿਆ ਅਤੇ ਆਯੁਸ਼ ਵਿਭਾਗ, ਨਗਰ ਨਿਗਮ,
ਐੱਨਯੂਐੱਲਐੱਮ,
ਐੱਫਐੱਸਐੱਸਏਆਈ, ਪੀਜੀਆਈਐੱਮਈਆਰ, ਜੀਐੱਮਸੀਐੱਚ-32, ਜੀਐੱਮਐੱਸਐੱਚ-16, ਐੱਨਐੱਸਐੱਸ, ਨਹਿਰੂ ਯੁਵਾ ਕੇਂਦਰ ਅਤੇ ਹੋਰ ਹਿਤਧਾਰਕ ਹਿੱਸਾ ਲੈਣਗੇ। ਗਤੀਵਿਧੀਆਂ ਵਿਸ਼ੇਸ਼ ਤੌਰ ‘ਤੇ ਸ਼ੁਰੂਆਤੀ 1,000 ਦਿਨਾਂ, ਮਾਤਾਵਾਂ ਦੇ ਪੋਸ਼ਣ, ਬ੍ਰੈਸਟ ਫੀਡਿੰਗ, ਅਨੀਮੀਆ ਦੀ ਰੋਕਥਾਮ ਅਤੇ ਬਾਲ ਵਿਕਾਸ ‘ਤੇ ਕੇਂਦ੍ਰਿਤ ਹੋਣਗੀਆਂ।
ਆਯੁਸ਼ ਵਿਭਾਗ ਪੋਸ਼ਣ ਸਕ੍ਰੀਨਿੰਗ ਕੈਂਪ, 18 ਕਲੱਸਟਰਾਂ ਵਿੱਚ ਗਰਭ ਅਵਸਥਾ ਯੋਗ ਸੈਸ਼ਨ, ‘ਸਵਰਣ ਪ੍ਰਾਸ਼ਨ’ ‘ਤੇ ਇੱਕ ਪਾਇਲਟ ਪ੍ਰੋਜੈਕਟ, ਯੋਗ ਮਾਸਟਰ ਟ੍ਰੇਨਰਾਂ ਦੀ ਤੈਨਾਤੀ ਅਤੇ ਪੋਸ਼ਣ ਵਾਟਿਕਾਵਾਂ ਨੂੰ ਮਜ਼ਬੂਤ ਬਣਾ ਕੇ ਇਸ ਮੁਹਿੰਮ ਵਿੱਚ ਸਹਿਯੋਗ ਦੇਵੇਗਾ।
ਸ਼੍ਰੀ ਹਰਪ੍ਰੀਤ ਸਿੰਘ ਸੂਦਨ ਨੇ ਸਾਰੇ ਪ੍ਰਤੀਭਾਗੀ ਵਿਭਾਗਾਂ ਅਤੇ ਹਿਤਧਾਰਕਾਂ ਨੂੰ ਸਾਰਥਕ ਗਤੀਵਿਧੀਆਂ ਚਲਾ ਕੇ, ਉਨ੍ਹਾਂ ਨੂੰ ‘ਜਨ ਅੰਦੋਲਨ ਡੈਸ਼ਬੋਰਡ’ ‘ਤੇ ਅਪਲੋਡ ਕਰਕੇ ਅਤੇ ਇੱਕ ਤੰਦਰੁਸਤ ਅਤੇ ਪੋਸ਼ਣ-ਸਚੇਤ ਚੰਡੀਗੜ੍ਹ ਦੇ ਨਿਰਮਾਣ ਲਈ ਜਨ ਭਾਗੀਦਾਰੀ ਨੂੰ ਹੁਲਾਰਾ ਦੇ ਕੇ ਇਸ ‘ਪੋਸ਼ਣ ਜਨ ਅੰਦੋਲਨ’ ਵਿੱਚ ਸਰਗਰਮ ਯੋਗਦਾਨ ਦੇਣ ਦੀ ਤਾਕੀਦ ਕੀਤੀ।
