ਟੈਨੈਂਸੀ ਐਗਰੀਮੈਂਟਸ ਦੀ ਰਜਿਸਟ੍ਰੇਸ਼ਨ ਦੀ ਸੁਵਿਧਾ ਲਈ ਉਪਭੋਗਤਾ-ਅਨੁਕੂਲ ਡਿਜੀਟਲ ਪਲੈਟਫਾਰਮ
ਡਿਪਟੀ ਕਮਿਸ਼ਨਰ, ਯੂਟੀ ਚੰਡੀਗੜ੍ਹ, ਸ਼੍ਰੀ ਨਿਸ਼ਾਂਤ ਕੁਮਾਰ ਯਾਦਵ, ਆਈਏਐੱਸ ਦੀ ਪ੍ਰਧਾਨਗੀ ਵਿੱਚ ਅੱਜ ਚੰਡੀਗੜ੍ਹ ਟੈਨੈਂਸੀ ਨਿਯਮਾਂ, 2026 ਦੇ ਲਾਗੂਕਰਨ ਲਈ ਵਿਕਸਿਤ ਕੀਤੇ ਜਾ ਰਹੇ ਔਨਲਾਇਨ ਟੈਨੈਂਸੀ ਪੋਰਟਲ ਦੀ ਸਮੀਖਿਆ ਮੀਟਿੰਗ ਆਯੋਜਿਤ ਕੀਤੀ ਗਈ। ਇਹ ਪੋਰਟਲ ਸ਼ਹਿਰ ਦੇ ਵਾਸੀਆਂ ਲਈ ਜਨਤਕ ਤੌਰ ‘ਤੇ ਸ਼ੁਰੂ ਕੀਤੇ ਜਾਣ ਤੋਂ ਪਹਿਲਾਂ ਸਮੀਖਿਆ ਲਈ ਪ੍ਰਸਤੁਤ ਕੀਤਾ ਗਿਆ। ਮੀਟਿੰਗ ਵਿੱਚ ਐਡੀਸ਼ਨਲ ਡਿਪਟੀ ਕਮਿਸ਼ਨਰ, ਤਹਿਸੀਲਦਾਰਾਂ ਅਤੇ ਰਾਸ਼ਟਰੀ ਸੂਚਨਾ ਵਿਗਿਆਨ ਕੇਂਦਰ (ਐੱਨਆਈਸੀ) ਦੇ ਅਧਿਕਾਰੀਆਂ ਨੇ ਹਿੱਸਾ ਲਿਆ।
ਮੀਟਿੰਗ ਦੇ ਦੌਰਾਨ ਐੱਨਆਈਸੀ ਅਧਿਕਾਰੀਆਂ ਨੇ ਪੋਰਟਲ ਦੀ ਵਿਸਤ੍ਰਿਤ ਪੇਸ਼ਕਾਰੀ ਦਿੰਦੇ ਹੋਏ ਟੈਨੈਂਸੀ ਐਗਰੀਮੈਂਟਸ ਦੀ ਰਜਿਸਟ੍ਰੇਸ਼ਨ, ਯੂਨੀਕ ਆਇਡੈਂਟਿਫ਼ਿਕੇਸ਼ਨ ਨੰਬਰ (ਯੂਆਈਐੱਨ) ਜਾਰੀ ਕਰਨਾ, ਕਿਰਾਇਆ ਸੰਸ਼ੋਧਨ ਲਈ ਅਰਜ਼ੀਆਂ ਅਤੇ ਔਨਲਾਇਨ ਸ਼ਿਕਾਇਤ ਨਿਵਾਰਣ ਪ੍ਰਣਾਲੀ ਸਹਿਤ ਪੂਰੀ ਪ੍ਰਕਿਰਿਆ ਦਾ ਪ੍ਰਦਰਸ਼ਨ ਕੀਤਾ। ਅਧਿਕਾਰੀਆਂ ਨੇ ਦੱਸਿਆ ਕਿ ਨਾਗਰਿਕ ਭਾਰਤ ਸਰਕਾਰ ਦੇ ਸਰਵਿਸਪਲੱਸ ਪੋਰਟਲ ਦੇ ਜ਼ਰੀਏ ਇਨ੍ਹਾਂ ਸੇਵਾਵਾਂ ਦਾ ਲਾਭ ਉਠਾ ਸਕਣਗੇ।
ਪੋਰਟਲ ਦੀ ਸਮੀਖਿਆ ਕਰਨ ਤੋਂ ਬਾਅਦ ਡਿਪਟੀ ਕਮਿਸ਼ਨਰ ਨੇ ਐੱਨਆਈਸੀ ਅਧਿਕਾਰੀਆਂ ਨੂੰ ਨਿਰਦੇਸ਼ ਦਿੱਤੇ ਕਿ ਇਸ ਨੂੰ ਆਮ ਨਾਗਰਿਕਾਂ ਦੀ ਸੁਵਿਧਾ ਨੂੰ ਧਿਆਨ ਵਿੱਚ ਰੱਖਦੇ ਹੋਏ ਅਧਿਕ ਉਪਭੋਗਤਾ-ਅਨੁਕੂਲ ਅਤੇ ਸੁਗਮ ਬਣਾਇਆ ਜਾਵੇ। ਉਨ੍ਹਾਂ ਨੇ ਇਹ ਵੀ ਨਿਰਦੇਸ਼ ਦਿੱਤੇ ਕਿ ਪੋਰਟਲ ਸਥਾਨਕ ਭਾਸ਼ਾ ਵਿੱਚ ਉਪਲਬਧ ਕਰਵਾਇਆ ਜਾਵੇ ਅਤੇ ਜਨਤਕ ਉਪਯੋਗ ਤੋਂ ਪਹਿਲਾਂ ਇਸ ਦਾ ਵਿਆਪਕ ਪਰੀਖਣ ਸੁਨਿਸ਼ਚਿਤ ਕੀਤਾ ਜਾਵੇ, ਤਾਕਿ ਮਕਾਨ ਮਾਲਕ ਅਤੇ ਕਿਰਾਏਦਾਰ ਅਸਾਨੀ ਨਾਲ ਆਪਣੇ ਟੈਨੈਂਸੀ ਐਗਰੀਮੈਂਟਸ ਨੂੰ ਰਜਿਸਟਰ ਕਰ ਸਕਣ ਅਤੇ ਸਬੰਧਿਤ ਸੇਵਾਵਾਂ ਦਾ ਲਾਭ ਪ੍ਰਾਪਤ ਕਰ ਸਕਣ।
ਚੰਡੀਗੜ੍ਹ ਟੈਨੈਂਸੀ ਨਿਯਮ, 2026, ਜਿਨ੍ਹਾਂ ਨੂੰ ਅਸਾਮ ਟੈਨੈਂਸੀ ਐਕਟ, 2021 ਦੀ ਧਾਰਾ 44 ਦੇ ਤਹਿਤ ਕੇਂਦਰ ਸ਼ਾਸਿਤ ਪ੍ਰਦੇਸ਼ ਚੰਡੀਗੜ੍ਹ ਵਿੱਚ ਲਾਗੂ ਕੀਤਾ ਗਿਆ ਹੈ, ਆਮ ਜਨਤਾ ਦੀ ਜਾਣਕਾਰੀ ਲਈ ਪ੍ਰਕਾਸ਼ਿਤ ਕਰ ਦਿੱਤੇ ਗਏ ਹਨ ਅਤੇ ਨੋਟੀਫਿਕੇਸ਼ਨ ਜਾਰੀ ਹੋਣ ਦੀ ਮਿਤੀ ਤੋਂ 30 ਦਿਨਾਂ ਦੇ ਅੰਦਰ ਸਬੰਧਿਤ ਹਿਤਧਾਰਕਾਂ ਤੋਂ ਸੁਝਾਅ ਅਤੇ ਇਤਰਾਜ਼ ਮੰਗੇ ਗਏ ਹਨ। ਪ੍ਰਸਤਾਵਿਤ ਵਿਵਸਥਾ ਦੇ ਤਹਿਤ ਔਨਲਾਇਨ ਕਿਰਾਇਆਨਾਮਾ ਰਜਿਸਟ੍ਰੇਸ਼ਨ, ਸੱਤ ਦਿਨਾਂ ਦੇ ਅੰਦਰ ਯੂਨੀਕ ਆਇਡੈਂਟਿਫ਼ਿਕੇਸ਼ਨ ਨੰਬਰ ਜਾਰੀ ਕਰਨਾ, ਕਿਰਾਏਦਾਰੀ ਸਬੰਧੀ ਜਾਣਕਾਰੀ ਦੀ ਗੋਪਨੀਅਤਾ, ਓਟੀਪੀ ਅਧਾਰਿਤ ਤਸਦੀਕ, ਕਿਰਾਇਆ ਸੰਸ਼ੋਧਨ ਦੀ ਸੁਵਿਧਾ ਅਤੇ ਸਮਾਂਬੱਧ ਵਿਵਾਦ ਨਿਵਾਰਣ ਜਿਹੀਆਂ ਵਿਵਸਥਾਵਾਂ ਉਪਲਬਧ ਕਰਵਾਈਆਂ ਜਾਣਗੀਆਂ। ਇਹ ਡਿਜੀਟਲ ਵਿਵਸਥਾ ਚੰਡੀਗੜ੍ਹ ਦੇ ਕਿਰਾਏ ਦੇ ਰਿਹਾਇਸ਼ੀ ਖੇਤਰ ਨੂੰ ਵਿਵਸਥਿਤ ਅਤੇ ਪਾਰਦਰਸ਼ੀ ਬਣਾਉਣ, ਮਕਾਨ ਮਾਲਕਾਂ ਅਤੇ ਕਿਰਾਏਦਾਰਾਂ ਦੇ ਦਰਮਿਆਨ ਵਿਵਾਦਾਂ ਦੇ ਸਮਾਂਬੱਧ ਸਮਾਧਾਨ ਅਤੇ ਨਿਯਮਿਤ ਸਿਵਲ ਅਦਾਲਤਾਂ ‘ਤੇ ਬੋਝ ਘੱਟ ਕਲਨ ਦੀ ਦਿਸ਼ਾ ਵਿੱਚ ਇੱਕ ਮਹੱਤਵਪੂਰਨ ਪਹਿਲ ਹੋਵੇਗੀ।
