ਚੰਡੀਗੜ੍ਹ ਦੇ ਸਰਕਾਰੀ ਸਕੂਲ ਅਨੁਭਵਾਤਮਕ ਸਿੱਖਿਆ ਦੇ ਜ਼ਰੀਏ ਵਿਦਿਆਰਥੀਆਂ ਵਿੱਚ ਵਿਗਿਆਨਿਕ ਸੋਚ ਅਤੇ ਇਨੋਵੇਸ਼ਨ ਦੀ ਭਾਵਨਾ ਵਿਕਸਿਤ ਕਰ ਰਹੇ ਹਨ। ਸਰਕਾਰੀ ਹਾਈ ਸਕੂਲ, ਡੱਡੂ ਮਾਜਰਾ ਸਥਿਤ ਅਟਲ ਟਿੰਕਰਿੰਗ ਲੈਬ (ਏਟੀਐੱਲ) ਵਿਖੇ ਪੰਜਵੀਂ ਤੋਂ ਦਸਵੀਂ ਕਲਾਸ ਤੱਕ ਦੇ ਵਿਦਿਆਰਥੀ ਏਟੀਐੱਲ ਇੰਚਾਰਜ ਭਾਰਤ ਭੂਸ਼ਣ ਦੇ ਮਾਰਗਦਰਸ਼ਨ ਵਿੱਚ ਅਸਲ ਸਮੱਸਿਆਵਾਂ ਦੀ ਪਹਿਚਾਣ ਕਰਕੇ ਉਨ੍ਹਾਂ ਦੇ ਸਮਾਧਾਨ ਲਈ ਮਾਡਲ ਤਿਆਰ ਕਰਦੇ ਹਨ ਅਤੇ ਪ੍ਰਯੋਗਾਂ ਦੇ ਜ਼ਰੀਏ ਸਿੱਖਦੇ ਹਨ।
ਸਕੂਲ ਦੇ ਵਿਦਿਆਰਥੀਆਂ ਨੇ ਅਟਲ ਟਿੰਕਰਿੰਗ ਮੈਰਾਥਨ, ਇੰਸਪਾਇਰ-ਮਾਨਕ, ਸਕੂਲ ਇਨੋਵੇਸ਼ਨ ਮੈਰਾਥਨ, ਆਈਆਰਆਈਐੱਸ ਨੈਸ਼ਨਲ ਫੇਅਰ ਅਤੇ ਨੈਸ਼ਨਲ ਟੌਏ ਫੇਅਰ ਜਿਹੇ ਵੱਕਾਰੀ ਰਾਸ਼ਟਰੀ ਮੰਚਾਂ ‘ਤੇ ਜ਼ਿਕਰਯੋਗ ਉਪਲਬਧੀਆਂ ਹਾਸਲ ਕੀਤੀਆਂ ਹਨ। ਸੰਨ 2025 ਵਿੱਚ ਸਕੂਲ ਦੇ 28 ਵਿਦਿਆਰਥੀ ਪ੍ਰੋਜੈਕਟਾਂ ਨੇ ਰਾਸ਼ਟਰੀ ਬਿਲਡਾਥੌਨ ਵਿੱਚ ਹਿੱਸਾ ਲਿਆ। ਸਕੂਲ ਨੂੰ ਭਾਰਤ ਦੇ ਸਟਾਰ ਏਟੀਐੱਲ ਦਾ ਸਨਮਾਨ ਵੀ ਪ੍ਰਾਪਤ ਹੋ ਚੁੱਕਿਆ ਹੈ ਅਤੇ ਰਾਜ-
ਪੱਧਰੀ ਵਿਗਿਆਨ, ਗਣਿਤ ਅਤੇ ਵਾਤਾਵਰਣ ਪ੍ਰਦਰਸ਼ਨੀਆਂ ਵਿੱਚ ਅਨੇਕ ਵਾਰ ਓਵਰਆਲ ਬੈਸਟ ਟ੍ਰਾਫੀ ਮਿਲੀ ਹੈ।
ਅਨੁਭਵਾਤਮਕ ਸਿੱਖਿਆ ਦੇ ਜ਼ਰੀਏ ਵਿਦਿਆਰਥੀ ਰਚਨਾਤਮਕ ਸੋਚ, ਸਮੱਸਿਆ ਸਮਾਧਾਨ, ਟੀਮ ਵਰਕ ਅਤੇ ਇਨੋਵੇਸ਼ਨਸ ਜਿਹੇ ਮਹੱਤਵਪੂਰਨ ਜੀਵਨ ਕੌਸ਼ਲ ਵਿਕਸਿਤ ਕਰ ਰਹੇ ਹਨ। ਚੰਡੀਗੜ੍ਹ ਦੇ ਸਰਕਾਰੀ ਸਕੂਲ ਸਿੱਖਿਆ ਕੇਵਲ ਪਰੀਖਿਆ ਤੱਕ ਸੀਮਿਤ ਨਾ ਰੱਖ ਕੇ ਜਗਿਆਸਾ, ਪ੍ਰਯੋਗ ਅਤੇ ਇਨੋਵੇਸ਼ਨ ਦਾ ਸੱਭਿਆਚਾਰ ਵਿਕਸਿਤ ਕਰ ਰਹੇ ਹਨ, ਜੋ ਵਿਕਸਿਤ ਭਾਰਤ 2047 ਦੇ ਨਿਰਮਾਣ ਵਿੱਚ ਮਹੱਤਵਪੂਰਨ ਯੋਗਦਾਨ ਦੇਵੇਗੀ।
